طريقة yasmalak لتصغير الصور من الهاتف

مرام 1987 · 2015-01-16, 12:49

السلام عليكم
نظرا للطلب المتزايد على طويقة وضع وتصغير الصور من الأخوات أرتأيت أن أضع هذا الموضوع هو في الحقيقة ليس من إنجازي وإنما عملت copie coller لمشاركة yasmalak في إحدى الكوزينات ووضعتها موضوع ليتسنى للجميع الإطلاع عليه بكل سهولة
أولا هذي طريقة الإخت زينب لوضع الصور من الهاتف سهلة جداااااااا
https://www.djelfa.info/vb/showthread.php?t=1706044
وهذي طريقة تصغير الصور للأخت yasmalak
جميييع وحدة تخدم بالتيليفون وحابة تصغر لي فوتو
اول حاجة تيليشارجي هدا الابليكاسيون هااايلة تديري بيها كلللش
اسمها autodesk pixlr
افتحيها واكليكي على photos

وخيري الفوتو اللي راكي حابتها

اومباعد اكليكي على save

اومباعد resize

خيري الحجم اللي يساعدك
انا ندير التانية يعني 480 على 720
اومباعد اكليكي على save

تخرجلك هكا اكليكي على هدوك3 نقاطي

ايا تجيك هده اكليكي على save image و بسسسسسسسسس

اومباعد ما تنسايش كي تروحي لمركز رفع الصور خيري الفوتو الصغيرة بارسكو يولو عندك زوج وحدة كبيرة واللي قدامها صغيرة
ادا مافهمتيش حاجة قوليلي

omhadil · 2015-01-16, 15:09

يعطيك الصحة اختى مرام ربى يجازيك على المجهودات لى تقومى بيها مشكورة

اسمهان79 · 2015-01-16, 16:36

راني هبلت وان نحط في الصور ويخرجو كبار ما لقيت واش كون ينعتلي شوفي راني تيليشارجيتها في الأيباد وفي التليفون ونجرب ولوكان ننجح ويرجعو الصور يجو صغار نبوسك. نبوسك نبوسك ههههههه
دعوة الخير مني تلحقك ان شاء الله

ام نوارة · 2015-01-16, 21:36

يعطيك الصحة على المجهود

ام سراج وملاك · 2015-01-21, 22:17

روووووعة شكرا مرام اختي هاذا وين شفت موضوعك ربي يبارك موضوع في القمة شرح وافي وكافي ان شاء الله نجربها وتصلحلي

touta2010 · 2015-01-22, 12:33

مرمورة شكرا

حبيت تليشاغجي الموقع محبت ععععععععععع

RYMOU2011 · 2015-01-22, 18:47

مشكورة أختي المرة الجاية نعتمد هذي الطريقة

Sasau · 2015-01-24, 22:22

شكرا يااختي والله عندي بزاف وانا نحاول نصغر الصور لكي كل الاجر والثواب لكن عندي سؤال اخر وههو منعرفش نحمل عدة صور في موضوع واحد الا ممكن توريلي الطريقة ربي خليك وشكراا

touta2010 · 2015-01-25, 10:41

اقتباس:

المشاركة الأصلية كتبت بواسطة sasau

شكرا يااختي والله عندي بزاف وانا نحاول نصغر الصور لكي كل الاجر والثواب لكن عندي سؤال اخر وههو منعرفش نحمل عدة صور في موضوع واحد الا ممكن توريلي الطريقة ربي خليك وشكراا

نجاوبك في مكان مرام
لما تحملي الصوة وتحطيها فالصفحة زيدي حطي بنفس الطريقة الصورة التانية بصح تحت الصورة الاولة

imanaz · 2015-01-25, 15:48

اللهيعطيك ماتتمنا شكرا وربي يستركي شرحتيلنابالتفصيل

مرام 1987 · 2015-01-30, 17:44

السلام يكم
يسعدني كثيييرا أن موضوعي تثبت
ما كنتش عارفة بلي كون درتو موضوع نربح كامل هذو دعاوي الخير يااااااارب وتقبل الدعاء يااااااارب
ربي يخليكم

مرام 1987 · 2015-01-30, 17:45

اقتباس:

المشاركة الأصلية كتبت بواسطة omhadil

يعطيك الصحة اختى مرام ربى يجازيك على المجهودات لى تقومى بيها مشكورة

لا شكر على واحب حنونة هذا من لطفك ☺️☺️☺️

مرام 1987 · 2015-01-30, 17:47

اقتباس:

المشاركة الأصلية كتبت بواسطة ام نوارة

يعطيك الصحة على المجهود

ربي يعيشك أسعدني مرورك نتمنى أنك تكوني استفدتي منو وما تنسارنيش بالدعاء

اقتباس:

المشاركة الأصلية كتبت بواسطة اسمهان79

راني هبلت وان نحط في الصور ويخرجو كبار ما لقيت واش كون ينعتلي شوفي راني تيليشارجيتها في الأيباد وفي التليفون ونجرب ولوكان ننجح ويرجعو الصور يجو صغار نبوسك. نبوسك نبوسك ههههههه
دعوة الخير مني تلحقك ان شاء الله

ربي يخليك يا الحبوبة
والظاهر من مواضيعك أنك استفدتي من هذا الموضوع يعني راحا توفي بالوعد تاعك بصح بشرط نقبل بوسة وحدة والباقي كمليهملي دعاوي الخير بالشفاء العاجل ربي يخليك راني محتاجتهم بزااااف بزااااااف

مرام 1987 · 2015-01-30, 17:55

اقتباس:

المشاركة الأصلية كتبت بواسطة ام سراج وملاك

روووووعة شكرا مرام اختي هاذا وين شفت موضوعك ربي يبارك موضوع في القمة شرح وافي وكافي ان شاء الله نجربها وتصلحلي

ربي يخليك وراكي أنت لي ولهتيني ليه باش حوست على مشاركة حنان ودرتو موضوع ربي يحفظك واكثريلي من الدعاء بظهر الغيب وبتيسير الأمور لي ولعائلتي الكريمة ربي يخليك

اقتباس:

المشاركة الأصلية كتبت بواسطة touta2010

مرمورة شكرا

حبيت تليشاغجي الموقع محبت ععععععععععع

قصدك الأبليكاسيون
روحي برك لل app store واكتبي autodesk pixlr هكذا بعد راحا تلقايها إن شاء الله
دعواتك حبوبة الكل

اقتباس:

المشاركة الأصلية كتبت بواسطة RYMOU2011

مشكورة أختي المرة الجاية نعتمد هذي الطريقة

إن شاء الله يا أختي وما تنساينيش بالدعاء
حقا راني بعثتلك رسالة ما رديتيش عليا ؟؟

اقتباس:

المشاركة الأصلية كتبت بواسطة Sasau

شكرا يااختي والله عندي بزاف وانا نحاول نصغر الصور لكي كل الاجر والثواب لكن عندي سؤال اخر وههو منعرفش نحمل عدة صور في موضوع واحد الا ممكن توريلي الطريقة ربي خليك وشكراا

راها جاوباتك توتة الحبوبةونزيد نشرحلك أنا
كي تحملي صورة وتخلصي بهذي الطريقة لي شرحتهالكم عاودي ديري entrer من الكلافيي تاعك وعاودي حملي صورة أخرى بنفس الطريقة وهكذا حتى تخلصي واش حابة تحملي
إذا ما فهمتيش نزيد نعاونك

اقتباس:

المشاركة الأصلية كتبت بواسطة imanaz

الله يعطيك ماتتمناي شكرا وربي يستركي شرحتيلنا بالتفصيل

ربي يخليك هذا واجبي ما درت والو
دعواتكم تسعدني

wahibaazel · 2015-02-03, 08:40

اللهم اشف اختنا الغالية مرام واجعل اهتمامها لعمل الخير في ميزان حسناتها امييييييين