السلام عليكم ورحمة الله وبركاته
انا هذي الوصفة معتمدتها وتجي بنينة
المقادير
350غ فرينة +م ك خميرة الخبز +علبة ياغورت طبيعي+2 م ك زيت+نصف م ص خميرة الحلوى+م ص سكر+ملح والماء
الحشو: 2قطع جبن شاف صدر الداند او لحم مرحي قصبر+معدنوس كمون فلفل اسود ملح 2 م ك زيت
الطررررررررريقة:نذوب الخميرة والسكر في شوية ماء ونخليهم يخمرو مدة 10د
في اناء نحط الفرينةمع الملح وخميرة االحلوى ونخلط ثم نضيف عليهم الخميرة و الياغورت و الزيت ونخلط ثم نضيف الماء غير بشوية حتى تلم و نعجنها جيدا حتى تولي طرية ماشي تلصق تكون شادى روحها ونخليها تخمر,
في مقلة نحط الزيت ونحط فوقو الداند المقطع و الملح وبافي المكونات ونخلط كي يطيب نخليه يبرد,
كي تخمر العجينة نقسمها على اربعة ونكورها ونخليها تخمر 10د وندير الطاجين تع المعارك يسخن ونبدا نحل ب الحلال الكورة الاولي نحلها شوية ماشي كبيرة ونحط عليها الفرماج ونمشيه ثم الداند ثم نحل االعجينة الثانية ونحطها فوق الاولى ونغلق الاطراف مليح ثم نحله كاملبالحلال سمك 1سم و ندهن الطاجين بشوية زيت ونطيب من الجهة الاولى كي تحمار نقلبها ونخليها تطيب من الجهة الثانية ونكمل نفس الشيء بالعجينة ليبقات ولازم تتكل سخونة وتجي اممممممممممم
نتمنى تجربوها,
( تقرير عن مشاركة سيئة )، و الموجودة أسفل كل مشاركة .
2015-01-04, 14:23
خبز بالدجاج و الجبن
العرض العادي
