كل واحده تعطينا طريقة لتحضير تقنتا او طمينة في حفلة الولادة - المولود الجديد

منتهى الرقة-* · 2014-12-07, 21:13

السلام عليكم

كل واحده تعطينا طريقة لتحضير تنتا او طمينة في حفلة الولادة - المولود الجديد - كيما نقولو ف الغرب القصعه

fatijijel · 2014-12-07, 22:44

يسعدني اني اول من يضع وصفته (وصفة الجواجلة)
في قصعة تحطي السمن البلدي الاصلي و السكر قلاص تحبكهم مليح مليح و زيدي السميد (الدقيق)نوعية مليحة و حبكي حبكي .......................................... الى اجل غير مسمى , حتى يولي ملمسه املس و خفيف زيديلو الزبيب و دريه فيطبسي و زوقيه كيما تحبي اممممممممممممممممممممممممممممممممممممم بصحتكم

ilhem1996 · 2014-12-08, 06:51

Nhamsou el smid fi ma9la ou mb3d nzidoulou zbdadahba m3a lasila ou nkhlouh ytcherb mlih ou t9dmiha mziyna bl halwat el tourk wl draji hadi hya toumina ta3na el bana fl smid ll mhamas ou la cpuleur ta3pu doree bshtek ou m brouk mazaf 😆😆🎁🌹

mimimouni · 2014-12-08, 07:44

احنا في الشرق باتنة
نديروا طمينة القمح
ينقى ويغسل جيدا وينشف نحمصوه في الطاجين
ثم نرحيوه عند الرحاي برة
كل واحد واش يضيفله الاصل كان قمح فقط ضرك كاين لي يزيد
لبلابي مرحي اي حمص مقلي مرحي ومكسرات مرحية
و كاين لي يزيد مستورة اي بشنة الماييس مقلية ومرحية
تخلطي كلش وتذوبي زبدة وعسل وتحطي مقدار من الخليط
وتحركي تكون طرية ماشي يابسة
تاكل بالملعقة
التزيين حسب الذوق اماجلجلان مقلي او جوز او ٢ مع بعض
رائعة ومغذية جدا

ام عبد الله 22 · 2014-12-08, 08:33

في بلعباس الطمينة نقولولها تقنتة و كيفيتها كاتالي
نأخد السميد المتوسط و نحمصوه حتى يصبح لونه ذهبي ونظيفولو الزبدة و العسل ونضعها في التباسة مزينة بالقرفة. هذه الأصلية تاع زمان
لكن في السنوات الأخيرة بدأت الإضافات مثل حلوة الترك و الجلجلان ومكسرات أخرى حسب الذوق للتغيير.
وشكرا على الموضوع يا أختي.

ام ندى 87 · 2014-12-08, 09:52

حنا نخدمو تاع السميد المحمص والعسل

ايمان ايمانو · 2014-12-08, 13:04

حنا نديرو الطمينة كالاتي : نفورو سميد متوسط ديري لكسكاس طرشون باش يحكمها و مبعد نحمصوها في الطجين و مبعد نذوبو الزبدة و ندخلوها مليح في السميد و نضيفو لعسيلة و نخلطوهم و تصبح طمينة وجدا و تشبحيها كي بغيتي .