السلام عليكم و رحمة الله و بركاته
صباحكم سعيد و يومكم مبارك
كيما وعدتكم راح نحط اليوم ورشه اخرى من روبات القطيفه
هاذي روبتنا
نحتاجو ميطرتين و عشرين قماش
هي قطيفه شونجونت تحبي تعملي قالون الطريق الوحده
ترفدلك 1.50 و لكانو رقيق دوبليه حتى تتحصلي على العرض لي باغياتو
انا ما بغيتش نكسر راسي كان عندي قماش معدس
شريتو ميتين الف للمتر قطعتو بعرض 8سم
و مشيتو
نبداو نفصلو(القياسات ميش قاعده كل وحده و قيسها)
نطبقو لقماش على زوج و نبداو بالخلف
الخلف راح ندير بانس في الظهر من اعلى الرقبه للأسفل
باش جي معدوله في لاطاي
من الامام بغيت ندير بانس لي جي من ليمونشير مروراً بلاطاي
نحب هاذ البانس يمد رونق لاي قطعه
نتي تحبي ما تستعمليهش انتي حره
باش نطراسيه ساهل ضك نبسطو بطريقتي ميش اكاديميا ههه
اول شي حنا البانس راح يوكللنا من القياسات لذلك
لازم نزيدو شوي و من بعد نعدلو ضك تفهمو بالتطبيق
انا عرض الكتف تاعي 40سم كي نقسمو /2يولي 20
انا درتو 22سم/IMG]
فتحة الرقبه حبيت نغير عملتها بونشي تماشياً مع الموديل
(طبعاً الموديل تخريف من راسي بعد اليأس مالقيتش موديل معين ههه)
البانس يبدى من وسط فتحة الذراع تاعنا
(عينك هي ميزانك ههه هذا علاش نحب روبات الدار مكانش حاجه حتميه ههه)
و يهبط بطريقه انسيابيه
لبانس الخصر لي هي عرضها عرضها 2سم (راح نوكلوهم في لخياطه)
و لي تقولي كيفاش حددتي مكانها
راح نقولها المسافه من الثديين غالبا تكون 18او20 انا كي
عادت روبه تاع دار مالتزمتش و درتها 22
مدامو عرض و حنا رانا نخدمو ب الربع معناه نقسموه على 2
و هاذي هي ل11 باش تفهموها منين جات ماحبيتش نحطلكم رقم وخلاص
لازم تفهمو منين و كيفاش جا بما انو كل وحده قياساتها فاكيد موش رقم ثابت
طول البانس عاده من لاطاي يهبط ب 9او 10او12سم
انا والله ماعلابالي قداش هبطت دزيت برك
بصح حبيت نعمل فونت في الرجل (على جهة فتحة الرقبه ) على هاذيك البانس
لي على اليمين هبطتها للاسفل و قطعت و عملت الفتحه في الرجل
(في لقماش عندكي تروحي تفتحي رجلك هههه)
من بعد فصلت المونش
عادي طبقت لقماش على اربعه و صاي
نبداو نخيطو
نجملو لي بانس
تبداي من اسفل و جي طالعه لفتحة المونش و ما تكسليش لقماش
ماتنسايش راكي تتعاملي مع الفولور و هي ايلاستيك
(لي عندها مشكل ما يمشيلهاش دير جرنان تقطعسباقيتي هه
بعرض واحد سم و تحطو تحت رجل المشينه و تخيط راح تمشيلها ان شاء الله )
و هنا راح تلاحظو ديكالاج في نهاية لخياطه
و هاذي لي خممنا فيها قبيل و قلنا لازم نعملو حسابها
و بالفعل هنا راح نتخلصو من الزوائد و نعاودو
نفصلو مليح عرض الكتف و فتحة الذراع
هااذا واش فيها الروبه الخلف نخيطو بانس الظهر
نجملو لكتاف انا بلاسيتها على المانكان باش كي نركب القالون مايجينيش اعوج
انا شيطني لقماش ما بغاش يمشيلي في المشينه
حكمتو بيدي بصح ملييح اكيد دخلت الحواف على الجيهتي واحد سم باش
جي خياطه نقيه ميش نتي تمشي و الدنيا تذرذر
و مشيتو بهاذ الطريقه للاسفل
نتي حره كيفاش تمشيه و واش تستعملي في بلاصتو
نركب لي مونش
هاي ليكم
خلااص انهينا بحول من الله
نصيحه كي تعودي تخيطي حاولي تذكري و تستغفري على قدما تقدري
راح تكسبي اجر و تسهالك الخدمه و تخلصي ليه ليه
دمتم في رعاية الله و حفظه
دعواتكم و الى الملتقى
( تقرير عن مشاركة سيئة )، و الموجودة أسفل كل مشاركة .
2014-12-05, 10:51
الورشه الرابعة و العشروون ...سطايفيه
العرض العادي
