مشكلة ابني مع الرياضيات... ستقتلني

دلال 30 · 2014-11-22, 23:28

السلام عليكم ورحمة الله وبركاته
ان شاء الله الجميع بخير
مشكلتي مع ابني ذو العشر سنوات .... كادت تقتلني والله... يدرس سنة 4ابتدائي... مستواه مقبول في كل المواد... الا الرياضيات... احضر له كل الوسائل... اصبر عليه حتى يمل الصبر مني... احاول واحاول.... لكنه لا يشغل مخه...."مخو حابس"..... اريد نصائحكم وارشاداتكم... ماذا عليا ان افعل...هل يجب عرضه على طبيب مختص.... انصحوني... جزاكم الله خير
والسلام عليكم

*أم جابر* · 2014-11-23, 16:05

السلام عليكم اختي لا تقنطي من رحمة الله كل و احد و مخو و الكمال لله انت قلت مستواه مقبول في كل المواد حاولي تحببيلو المادة و ما تزيديش تضغطي عليه و في الاخير هي مشكلة معظم التلاميذ كان الله بعونك

دلال 30 · 2014-11-23, 21:44

مشكورة اختي ام اسيدا.... الله يجبر بخاطرك

ام ملاك و عبدو · 2014-11-23, 22:08

و الله يا اختي انا عندي نفس المشكل و بنتي تقرا كيما ابنك سنة٤ عييت معاها نفهمها تقولي فهمت نديرلها تمارين في الدار تحلهم نورمال وكي تروح تقرا تقول الرياضيات علم ذرة بالسيف تجيبلي في التقويم اكثر من ٥ هذا و انا نتبع و في باقي المواد لاباس ما عنديش مشكل معاها حبيت نديرلها دروس خصوصية بصح باباها ما حبش قالي تخاف تزيد تتخلط عليها خاطر كا معلم و طريقتو والله تعبت معاها بصح نقول الحمد للله اي تعوض بالمواد الاخرين واش نديرو نقولو ربي يسترهم و يبرهم في طاعتو و ان شاء الله مع الوقت يتحسنو واللي عندها فكرة تعاونا ماذا بيها و شكرا مسبقا

دلال 30 · 2014-11-23, 22:33

نفس الشيء صاير معايا يا ام ملاك وعبدو.... لكن انا عندي اخي في نفس سن ابني.... كي يقعدو يحلو التمارين مع بعض.... قريب نشك الي في راس ابني مخ ولا بطاطا...خويا الصغير ربي يبارك عليه ... يفهمها وهي طايرة....اما ولدي..؟؟؟؟؟.. يا ربي استغفر الله العظيم... ربي يقدر الخير

farah16 · 2014-11-23, 22:38

مجرد إقتراح
أولا رأس حابس ماحبتها منك كأم على إبنها
ثاني شيء ربما لو كان في المتوسط الثانوي ربما قلنا بدأت تتعقد عليه الأمورو مستواه محدود أما في الإبتدائ فلا
حاولي أن تستدلي بأمثلة أشكال لا أقول أرقام يعني تبسيط التمرين بإعادة صياغته مثلا كنا نحل تمرين في الرياضيات في المسلفة و إبنت أخي بالطبع بعد المحاولة حتى تتدرب على التفكير و إيجاد الحل بنفسها محاولات
المهم أعدت صياغة التمرين بطريقة أنها تتخيل المسافة من البيت إلى بيت صديقتها و منه الى المدرسة (التمرين نفسه المعطيات نفسها لكن الطريقة كنت باعادة صياغة التمرين بطريقة تستوعبها أكثر و ترسخ في ذهنها
حاولي فقط لا تشعريه بأنه لا يستوعب بسرعة

دلال 30 · 2014-11-23, 22:52

Farah16 السلام عليكم ورحمة الله وبركاته... شكرااااا على تدخلك... ربي يجازيك الجنة
قلت على ولدي حابس... من حبي له... وخوفي على مستقبلو.... فقط.... ومشكورة على كل ... الطريقة الي قلتي عليها... راني ندير فيها... يعني كي تكون مسالة فيه نقود نجيبلو النقود... نمثل امامو... او اشياء او كتب... المهم باش يفهم... لكن عندو خلل ف التفكير... نقولو فهمت .. يقول ايه... كي يجي يطبق... لا حياة لمن تنادي.... والله المستعان

آيات سرمدية · 2014-11-23, 23:19

اقتباس:

المشاركة الأصلية كتبت بواسطة دلال 30

السلام عليكم ورحمة الله وبركاته
ان شاء الله الجميع بخير
مشكلتي مع ابني ذو العشر سنوات .... كادت تقتلني والله... يدرس سنة 4ابتدائي... مستواه مقبول في كل المواد... الا الرياضيات... احضر له كل الوسائل... اصبر عليه حتى يمل الصبر مني... احاول واحاول.... لكنه لا يشغل مخه...."مخو حابس"..... اريد نصائحكم وارشاداتكم... ماذا عليا ان افعل...هل يجب عرضه على طبيب مختص.... انصحوني... جزاكم الله خير
والسلام عليكم

وعليكم السلام.قومي بطرح مشكلتك في قسم المنتدى العام للمرحلة الابتدائية. هناك موضوع مثبت يحمل اسم (همزة وصل بين المعلم والولي الطبعة الثالثة) انه موضوع جد مفيد يحمل بين صفحاته كل الخير ان شاء الله. ستجدين هناك اساتذة واولياء ماشاء الله. لن يبخلوا عليك بالنصيحة والتوجيه.لو كنت اعرف وضع الروابط لوجهتك اليه مباشرة.ارجوا ان اكون قد افدتك.

دلال 30 · 2014-11-23, 23:34

miku hatsune بارك الله فيك يا اختي.... لم اطلع على هذا القسم من قبل.... شكرا لك ولاهتمامك... زاده الله في ميزان حسناتك . ساذهب هنا فوووووورا---------------->>>

mereyoucef · 2014-12-02, 16:41

شوفي اختي في قسم المرحلة الابتدائية و الله هناك استاذ من برج بوعريريج رائع و دروسه روعة انا محتفضة بكل دروسه لابني العام القادم ان شاء الله نبدا تكسار الراس

دلال 30 · 2014-12-02, 17:34

اقتباس:

المشاركة الأصلية كتبت بواسطة mereyoucef

شوفي اختي في قسم المرحلة الابتدائية و الله هناك استاذ من برج بوعريريج رائع و دروسه روعة انا محتفضة بكل دروسه لابني العام القادم ان شاء الله نبدا تكسار الراس

ــــــــــــــــــــــــــــــــــــــ ـــــــــــــــــــــــــــــــــــــ
السلام عليكم اختي...mereyoucef
اولا شكرا على الرد
ثانيا المشكلة مش في الدروس.... المشكلة تكمن في الاستعاب والفهم.... الاخوة في منتدى التعليم الابتدائي -- همزة وصل--- بارك الله فيهم ارشدوني الى الطريقة لجعله يستوعب.... ربي يقدرنا نحن الاولياء على التربية الصحيحة ان شاء الله
وفق الله ابنك الى ما فيه الخير والصلاح

ام ندى 87 · 2014-12-09, 11:31

اختي لااااااااازم تصبري فبعض الاحيان من حبك ليه و رغبتك الشهاد شيء راح ينعكس على ابنك
والاهم انك ماتقارنيه مع حتى واحد ولو متقوليلوش نتي نحي الفكرة من راسك وحاولي تهبطي من توقعاتك
فبعض الحيان نتوقغعو حوايج فوق طاقة ولادنا

شوق وحنين الى الجنة · 2014-12-09, 14:14

اختي عليك بالصبر لان حين تغضبين فان ابنك لايفهم و لا يستوعب و هذا مالاحظته مع ابني الذي يدرس السنة الخامسة
عليك ان تغرسي فيه الثقة بالنفس و انه يستطيع ان ينجز التمرين

ام سيرين 84 · 2014-12-09, 16:58

ممكن يكون ابنك مايحبش المادة عليها مايفهمش مليح او بالاحرى عدم التركيز فقط او طريقة الشرح تاهك ماستوعبهاش حاولي تحبيه في المادة و الله انا شخصيا لما كنت في الابتدائي مانحبش الرياضيات مانديش فيها مليح و احسانا قليلة وين ندي فيها مليح و كبرت معايا و لكن وفقني ربي في دراستي و تخرجت من الجامعة و الآن انا ام لطفلين ولد و بنت و اعمل استاذة و الحمد لله

نواار · 2014-12-09, 17:41

أختي الكريمة المشكلة عامة

انا ادرس سنة رابعة ابتدائي

اولا :

هناك تضارب كبير بين التدرج السنوي - برنامج للتنفيد من الاستاد -

وبين الكتاب المدرسي

وبين دفتر الانشطة

ثانيا :

هناك فوبيا من الرياضيات عند معظم التلاميد

ربما للدلال الزائد عند التلاميد بحيث يرفض تقديم اي مجهود بدنى او فكري

والرياضيات تعتمد على الجهد الفكري

مستوى بعض المعلمين الدي لا يرقى الى المستوي العالي للرياضيات في السنة 3 و 4