لماذا ؟

[مشكلتي]

السلام عليكم إخواني أخواتي
أنا فتاة متزوجة مؤخرا من رجل اعتقدته رجلا بمعنى الكلمة ولكن ظهر ما خفي
حين خطبني الكل شكره لي من أنه إنسان متدين يصلي ويخدم عند روحو لاباس بيه
وبحكم أنه من نفس لقبي حشمت نقولهم نشوفو وهو بعد كان يحشم مني حتى كي كنا نحكيو في الهاتف
ولكن بعد الزواج وجدت إنسانا آخر وجدت إنسانا جاهلا بتعاليم الدين الحنيف
كل أحاديثه أحاديث يستحي المرء من الإشارة إليها حتى ويشهر بفسقه القديم وكي نقولو علاه راك تحكيلي يقولي راني تبت كي تزوجت بيك
من نهار تزوجت بيه ما خدم حتى نهار ، ياكل ويشرب ويرقد ويستنى فيا نروح من عملي ليمارس علي أنواع التعذيب النفسي ويقولي راني نلعب معاك ونضحك معاك
أحنا رانا كاريين في بيت غير متوفر على أسباب الراحة مثل الدوش والمطبخ ما فيهش المكان وين نغسل أدوات المطبخ أو الخضراوات زيد فوق هذا ما عندي حتى حاجة من أبسط الأشياء وكي نعترض يقولي انتي ما تحمديش ربي راكي في نعمة
المرتب نتاعي نعطيهولو ليه وهو يعطيني مصروفي منو وكي نقولو نبغي حاجة نشريها ملابس ولا أي شيء يقولي وملابسك هاذيك واش نديرو بيها وبحكم أني تزوجت في الصيف فملابسي كلها صيفية ولا أملك ملابس شتوية وهو يقولي
ديباني برك بملابسك
تعبت نفسيا حتى الدوش ندوش قدام الفورنو في الرواق وكي نقولو نبدلو البيت يرفض ويقعد يعيط عليا
حتى الدراسة لا يتركني أدرس فأنا ماستر 2 وبصدد التحضير لإعداد المذكرة وهو ما يخلينيش خلاص حتى نجبد كتاب نقراه
كنت كالزهرة نضحك ونبتسم لكل الوجوه سواء في بيت والدي أو في العمل أو الجامعة
رجعت الآن ذبلانة وما نضحكش دائما مكشرة
حياتي ضاعت بسبب الزواج من رجل غير مناسب لي جاهل لأمور الدين والدنيا حتى الحوار معه غير مجدي
تعبت تعبت كثيرا وراني بالحمل وهذا واش زاد عليا أكثر ، لا أستطيع التحمل أكثر وحتى النوم لآ أنعم به
ما العمل ؟ وكيف أتصرف مع شخص كهذا؟

[salem1985]

ربي يكون في عونك اختي ادعي ربي يفرج عليك وتوقفي على العمل وخليه يتحمل مسؤوليتو راكي رايحة غير للمشاكل لو استمرتي في الانفاق

[زايدي أمحمد]

الموضوع كبير عليا ندعيلك اللهم سهل أمورها وأجعل عسيرا سهلا اللهم نورها طريق اللهم يارب

[MAN_ATEL]

السلام عليكم
فرَّج الله كربتك اختنا الكريمة
كما اشار عليك اخي من قبلي ... عليك بالدعاء مع الإلحاح و تحري وقت الاجابة
سيفتح عليك المولى عز وجل لا تيأسي

[maloukjaja]

كون جيت منك نطلب الطلاق لانه حسب ما فهمت هدا الرجل ما يستاهلش يزوج

[orchid violet]

سبحان الله كي نشوف رجالة ما يصرفوش على ديارهم و الله نتخلع و لينا في زمان نشوفو العباد ما يرحموش ..يا اختي النفقة عليك راهي واجبة عليه ..و انت اسمحيلي علاه تمديلو في المصروف نتاعك هذا باين واحد فنيان على روحو ....و ماوش مسؤول خلاص ..ربي يفرج عليك اختي

[lyliane89]

إذا لم تكوني موافقة يجب أن تتكلمي معه بحزم و صراحة و ترفضي أن تعطيه مرتبك، بل تخبريه أنه يمكنكي أن تساعديه في مصروف البيت إلى أن يجد عمل لأنه هو الرجل و هو المسؤول عنك و عن طفلك القادم و الرجال قوامون عل النساء، و إذا رفض أخبري أهلكي أن يكلموه في الأمر بأن يجد عمل يعول به عائلته فمن غير المعقول أن تصرف المرأة على الرجل و حتى أنه يرفض إعطاءك من مرتبك، لا يجب أن تكوني خائفة لأننا نحن النساء نخاف من المشاكل خوفا من الطلاق نتجاوز عن أمور كثيرة لا نستطيع تداركها فيما بعد" لا يستطيع أحد الركوب فوقك إذا لم تحني له ظهرك" هذا الرجل أظن أنه يجب وضعه عند حده من الأول، يجب أن تكوني قوية و تكلميه بصراحة ، و إلا سيبقى هكذا وو سيتكاسل أكثر فأكثر.. و عليك بالدعاء كذالك عسى أن يتغير حاله، و أتمن أن يفرج الله همك

[allamallamallam]

المشاركة الأصلية كتبت بواسطة مشكلتي

السلام عليكم إخواني أخواتي
أنا فتاة متزوجة مؤخرا من رجل اعتقدته رجلا بمعنى الكلمة ولكن ظهر ما خفي
حين خطبني الكل شكره لي من أنه إنسان متدين يصلي ويخدم عند روحو لاباس بيه
وبحكم أنه من نفس لقبي حشمت نقولهم نشوفو وهو بعد كان يحشم مني حتى كي كنا نحكيو في الهاتف
ولكن بعد الزواج وجدت إنسانا آخر وجدت إنسانا جاهلا بتعاليم الدين الحنيف
كل أحاديثه أحاديث يستحي المرء من الإشارة إليها حتى ويشهر بفسقه القديم وكي نقولو علاه راك تحكيلي يقولي راني تبت كي تزوجت بيك
من نهار تزوجت بيه ما خدم حتى نهار ، ياكل ويشرب ويرقد ويستنى فيا نروح من عملي ليمارس علي أنواع التعذيب النفسي ويقولي راني نلعب معاك ونضحك معاك
أحنا رانا كاريين في بيت غير متوفر على أسباب الراحة مثل الدوش والمطبخ ما فيهش المكان وين نغسل أدوات المطبخ أو الخضراوات زيد فوق هذا ما عندي حتى حاجة من أبسط الأشياء وكي نعترض يقولي انتي ما تحمديش ربي راكي في نعمة
المرتب نتاعي نعطيهولو ليه وهو يعطيني مصروفي منو وكي نقولو نبغي حاجة نشريها ملابس ولا أي شيء يقولي وملابسك هاذيك واش نديرو بيها وبحكم أني تزوجت في الصيف فملابسي كلها صيفية ولا أملك ملابس شتوية وهو يقولي
ديباني برك بملابسك
تعبت نفسيا حتى الدوش ندوش قدام الفورنو في الرواق وكي نقولو نبدلو البيت يرفض ويقعد يعيط عليا
حتى الدراسة لا يتركني أدرس فأنا ماستر 2 وبصدد التحضير لإعداد المذكرة وهو ما يخلينيش خلاص حتى نجبد كتاب نقراه
كنت كالزهرة نضحك ونبتسم لكل الوجوه سواء في بيت والدي أو في العمل أو الجامعة
رجعت الآن ذبلانة وما نضحكش دائما مكشرة
حياتي ضاعت بسبب الزواج من رجل غير مناسب لي جاهل لأمور الدين والدنيا حتى الحوار معه غير مجدي
تعبت تعبت كثيرا وراني بالحمل وهذا واش زاد عليا أكثر ، لا أستطيع التحمل أكثر وحتى النوم لآ أنعم به
ما العمل ؟ وكيف أتصرف مع شخص كهذا؟

يداكى اوكته وفوكه نفخ

ماستر و تخدم و تعطى راجلها المصورف باش هو يصرف عليها وراهى بالحمل

اخواتى البنات ماستر قداش لابورص نتاعهم بالملايين ؟؟؟؟؟؟ على ما اظن

مسكينه انتى

نعرف واحده متزوجه بذكر و ليس رجل هى معلمه كل صباح تعطيه مصروفو قيمة علبة دخان و قابصه شمه

هههههههههههههههه


اختى اعطيه كل صبح مصروف الشمه و الدخان

مره اخرى

يداكى اوكته وفكه نفخ

يا لبنات خيرو مليح قبل ما يقع الفاس فى الراس

زواجك يا اختى عباره عن عشريه سوداء آتيه

[سعاد الجنة]

المشاركة الأصلية كتبت بواسطة allamallamallam

يداكى اوكته وفوكه نفخ

ماستر و تخدم و تعطى راجلها المصورف باش هو يصرف عليها وراهى بالحمل

اخواتى البنات ماستر قداش لابورص نتاعهم بالملايين ؟؟؟؟؟؟ على ما اظن

مسكينه انتى

نعرف واحده متزوجه بذكر و ليس رجل هى معلمه كل صباح تعطيه مصروفو قيمة علبة دخان و قابصه شمه

هههههههههههههههه


اختى اعطيه كل صبح مصروف الشمه و الدخان

مره اخرى

يداكى اوكته وفكه نفخ

يا لبنات خيرو مليح قبل ما يقع الفاس فى الراس

زواجك يا اختى عباره عن عشريه سوداء آتيه

حبيت نعقب برك على ردك نظنك راك غالط
المسكينة على حسب ما فهمت راهي خدامة وتقرا
لأنها قالت :كنت كالزهرة نضحك ونبتسم لكل الوجوه سواء في بيت والدي أو في العمل أو الجامعة
على هذا نظن بلي راهي عاملة وتكمل دراستها
وردك يا أخي واسمحلي على ما أقول راهو جارح جدا
بالشوية على المخلوقة راهو مكتوب الزواج وهي ما خيراتوش وما عرفاتوش قبل ما تتزوج بيه

[مؤمنة بالله]

المشاركة الأصلية كتبت بواسطة maloukjaja

كون جيت منك نطلب الطلاق لانه حسب ما فهمت هدا الرجل ما يستاهلش يزوج

هاذي نصيحة مهلكة
راك حاب تهدم الديار وتخرب البيوت
الله يهديك

[مؤمنة بالله]

ادعيلو بالهداية
تصدقي لعل ذلك يزيل عنك همك
فالصدقة تدفع البلاء
لا تفكري في الطلاق اياك وفكري في حل مشاكلك بالأساليب النافعة لا المخربة للبيوت
ربي ييسر لك امورك ويزيل عنك همك ويرزقك سعادة ما بعدها سعادة ويرق قلب زوجك عليك ويجعلك قرة عينه ويجعله قرة عينك
ويجعل بينكما مودة ورحمة

[biologie2001]

ربي يكون معاك اختي .... انتما كنتما على اتصال بالهاتف ألم تتحدثا في هده المواضيع ( يعني السكن و العمل ؟؟؟؟ ألم تساليه يوما ان كان يعمل أم لا ؟؟؟؟ ام المهم هو لقب متزوجة.........

[إنسان متخلّق]

الله يصلح لحوال

[بنت لبحر]

يزوجو ببنات الناس و من بعد يرجعو يمرمدو فيهم


ربي يصلح لحوال اختي

[abb leila]

ربي يفرج عليك اختي الكريمة

نصيحتي الدعاء ثم الدعاء والبحث عن حلول للمشكلة


هدا الراجل لي عايش على ظهرك لازم حل يشمر على يديه ويخدم اي عمل يصرف على بيتو

حطيه شرط واعطيه فرصة

وانت ادرى اختي هادي حياتك

ماتخليهاش ضيع منك بسبب انسان فاشل مستهتر ربي يهديه