مشكلتي

[مشكلتي]

السلام عليكم ورحمة الله تعالى وبركاته

بدون اطالة،أنا فتاة في عمري 23 سنة،تقدم لي شاب من فترة قصيرة وافق أبي وقالي بلي هو ناس ملاح،أنا بطبيعة الحال وافقت،اتفقوا الرجال برة الدار وكلشي كان عادي
جات عندي بعد مدة أخته وقاتلي بلي خويا باغي يعرف عقليتك اعطيني رقمك تاع الهاتف انا رفضت بشدة قلتلها بلي انا ما نهدرش مع الرجال قاتلي باباك عندو الخبر قلتلها ولو،راحت ورجعت وقاتلي صح اعطيهلي انا كي عطيتولها عيطتلي وقاتلي بلي عطيتو لخويا،قعد يعيط ما رفدتش حتى استخرت ومن بعد رفدت عليه
للاسف الشديد هدرتو ما كانتش قاع تعجب صارم لدرجة لا تعقل وكل ما نجي نهدر يقولي الدين يقول هكذا على سبيل المثال هدرلي على العجار ولا النقاب وقالي لازم ديريه هذي من باب السترة انا رفضت لخاطر انا خدامة وقتلو ما يساعدنيش،معليش قبل هاذ الشي،صدقوني في غضون اسبوع برك ولا يهدر في وحد الهدرة قاع ما تعحبش انا والله ما كنت نفهم شتا راه يقول حتى صرح،بصدق انا انصدمت من جهة كان يبان متدين ومن جهة اخرى لا علاقة لحديثه بالدين،بصدق انا زعفت وقتلو ماتزيدش تعيطلي انا وياك ما بيناتنا والو حتى تهدرلي هدرة خاطية كيما هذي وبصدق ثاني قلبي وجعني من هدرتو لقيتو انسان سطحي ومظهري
انا عمري ماحلمت بشخص كيما هذا شخص في اسبوع بدا يخسر في الهدرة،انسان ما حاولش قاع يفهمني ولا يعرفني انا كيفاه نخمم ولا كيفاه نبغي نعيش،راني نفكر باه نبطل بالصح كيفاه نقولهم ف الدار،للعلم هاذ الراجل ما يعرفنيش قاع قصد بابا خاطر يعرفو بالصح انا والله ما راني مطمنة اطلاقا،صليت وهاذ الجوايج جاو قاع بعد الصلاة
هاذ حياة وانا مارانيش باغية نفوت حياتي مع انسان ما يحترمش المشاعر
شيروا عليا وقولولي كيفاه ندير
معاي الحق ولالا؟؟
شكرا لكم

[مراد سابقا6]

هذه حياة زوجية وليس فيها الرجوع

أنصحك بالتوقف أن لم يعجبك

وكل واحد يروح لحالوا

[نوال لطيفة]

اختي خمي مليح هذا زواج العمر وانت مازالك صغيرة استخير ربي

[fella111]

المشاركة الأصلية كتبت بواسطة مشكلتي

السلام عليكم ورحمة الله تعالى وبركاته

بدون اطالة،أنا فتاة في عمري 23 سنة،تقدم لي شاب من فترة قصيرة وافق أبي وقالي بلي هو ناس ملاح،أنا بطبيعة الحال وافقت،اتفقوا الرجال برة الدار وكلشي كان عادي
جات عندي بعد مدة أخته وقاتلي بلي خويا باغي يعرف عقليتك اعطيني رقمك تاع الهاتف انا رفضت بشدة قلتلها بلي انا ما نهدرش مع الرجال قاتلي باباك عندو الخبر قلتلها ولو،راحت ورجعت وقاتلي صح اعطيهلي انا كي عطيتولها عيطتلي وقاتلي بلي عطيتو لخويا،قعد يعيط ما رفدتش حتى استخرت ومن بعد رفدت عليه
للاسف الشديد هدرتو ما كانتش قاع تعجب صارم لدرجة لا تعقل وكل ما نجي نهدر يقولي الدين يقول هكذا على سبيل المثال هدرلي على العجار ولا النقاب وقالي لازم ديريه هذي من باب السترة انا رفضت لخاطر انا خدامة وقتلو ما يساعدنيش،معليش قبل هاذ الشي،صدقوني في غضون اسبوع برك ولا يهدر في وحد الهدرة قاع ما تعحبش انا والله ما كنت نفهم شتا راه يقول حتى صرح،بصدق انا انصدمت من جهة كان يبان متدين ومن جهة اخرى لا علاقة لحديثه بالدين،بصدق انا زعفت وقتلو ماتزيدش تعيطلي انا وياك ما بيناتنا والو حتى تهدرلي هدرة خاطية كيما هذي وبصدق ثاني قلبي وجعني من هدرتو لقيتو انسان سطحي ومظهري
انا عمري ماحلمت بشخص كيما هذا شخص في اسبوع بدا يخسر في الهدرة،انسان ما حاولش قاع يفهمني ولا يعرفني انا كيفاه نخمم ولا كيفاه نبغي نعيش،راني نفكر باه نبطل بالصح كيفاه نقولهم ف الدار،للعلم هاذ الراجل ما يعرفنيش قاع قصد بابا خاطر يعرفو بالصح انا والله ما راني مطمنة اطلاقا،صليت وهاذ الجوايج جاو قاع بعد الصلاة
هاذ حياة وانا مارانيش باغية نفوت حياتي مع انسان ما يحترمش المشاعر
شيروا عليا وقولولي كيفاه ندير
معاي الحق ولالا؟؟
شكرا لكم

صلي صلاة استخارة مرة اخرى

[naamane3]

ياك استخرتي ؟؟؟؟؟
شوفي واش تبين بعد الاستخارة ثم قرري

[زايدي أمحمد]

على حساب الشوفة يااختي انت مزال ماديتيهش وراكم موش متفاهمين عليك فسخ الخطوبة هاذي هي

[*أم جابر*]

لسلام عليكم اختي

اولا مشكلة النقاب شيئ عادي بالعكس لغيرته عليك اراد ذلك لا يريد ان يرى احد غيره زوجته
ثانيا قولي له ن كنت تريدنا حقا زوجة لا تكلمني في الهاتف حتى العقد الشرعي و قولي انك لست من هذا النوع و استشيري امك ان كنت مصاحبة لها

كان الله بعونك الله ييسر امورك سلام

[houssem zizou]

استخيري الله
و الشيء الدي يطمئن اليه قلبك افعليه

[thamourth]

الاستخارة.................و بربي ان شاء الله يبنلك الصواب

[dabour1]

استخارة لعل الله يجلي الهم والغم الذي يراودك...

[كلنا راحلون]

حساب مافهمت يرتدي رداء نفاق يعني بداها بدين وبعدها تغلغل الى امور معروفة


4حلول تكتشفيه على حقيقته

1/احكي معاه وفهمي كيفاش يتعامل مع والدته

2/احكي معاه في وقت يكون فشارع ادا يحكي معاك امام صحابو اسمحيلي لا يصلح للزواج


3/نرفزيه ادا سب وشتم لا يحترمك بعد زواج

4/كلميه برقم مغاير دون يشعر بيك وغيري نبرة صوت وحل4 بينك وبين نفسك فقط

زواج بمثابة امان واستقرار وكيما تخرجي من داركم معززة مكرمة عيشي معاه معززة مكرمة

[كلنا راحلون]

المشاركة الأصلية كتبت بواسطة مراد سابقا6

هذه حياة زوجية وليس فيها الرجوع

أنصحك بالتوقف أن لم يعجبك

وكل واحد يروح لحالوا

لوك لوك لوك لوك مراد اول رد منك قمة عفارم عليك مراد فرحت منتدى حلو رد مميز غير منقول

اعضاء كرموه واعطوه وسام رد مميز غير منقول

[doba]

حذاري الزواج كي لا تندمي

[yacine-08]

الزواج ماهوش لعبة ولا احلام وردية كيما راكي تتخيليها

راهي مسؤولية و انت امرأة رجل يجب ان تصوني شرفه

ربما يريد ان يضع النقاط على الحروف ويصمن ان بعد الزواج يجد المرأة التي يريد وكما يحب

فادا لم تتفقوا على شروط و طريقة الحياة فهنا كل واحد ربي يساهل عليه من جهة

[محمد جديدي التبسي]

وهل الرجل الجزائري يعرف احترام المشاعر؟!! هذه أوهام أغلب الرجال لا يعرفون ذلك وغرضهم من الزواج معروف
بما أنك في بداية الطريق فما كان ينيغي لك أن تفتحي باب الحديث معه في الهاتف لأن هذا يثبت لك تناقضه
كيف يستحل الحديث مع خطيبته ومازال العقد لم يتم ثم يطلب منك النقاب؟! وفي فترة قصيرة دخلتو في جدال ونقاش وجرح للمشاعر من طرفه؟!!
حتى لو كان معمي على قلبو المفروض يستحي ويحترم مشاعرك ويأتيك وحدة وحدة
كارثة أن يكون الشخص سطحي التفكير وسيتعبك لذلك لا تردي على حديثه مجددا واقطعي اتصالك به وإن جاء الفسخ من طرفه يكون أفضل وما تنفعك إلا الصراحة في مثل هذه المواقف فصارحي أهلك وإن صعب عليك الأمر صارحي اخته وربي يفتح عليك من جهة أخرى..