الكرافس

صدفات · 2014-10-20, 08:50

الكرافس
هو من الخضروات وهو أيضاً نبات من الفصيلة الخيمية، يدخل في الطبخ ويؤكل نيئ بصورته الطبيعية. للكرفس فوائد عديدة عرفها البشر منذ القدم، فقد ثبت أن المصريين القدماء يزرعون الكرفس منذ ما لا يقل عن 3000 عام وتم استخدامه في الطب القديم. ومن بين فوائد الكرفس الأخرى أنه يساهم في علاج التهاب الكلى والتهابات المفاصل والروماتيزم والسكر.
للكرفس فائدة كبيرة في تخسيس الجسم وإنقاص الوزن، وأفضل طريقة للحصول على الفائدة الكاملة من الكرفس هو أكله نيئاً بإضافته إلي السلطة. لكن هناك العديد من الطرق الأخرى التي يمكن استخدام الكرفس من خلالها كعصر عروقه أو غليه مع مقدار 30 ملل من الماء وشرب نصف فنجان منه يومياً لمرة واحدة. كما يستخدمه البعض لعمل شوربة (حساء) الكرفس لعلاج السمنة. كما يمكن أيضاً أن يضرب في الخلاط ويشرب في هيئة عصير حيث أن ذلك لا يؤثر علي نقصان الفيتامينات الموجودة به. كما يستخدم البعض ملح الكرفس بدلاً من الملح الطبيعي الذي هو سبب أساسي من أسباب السمنة وزيادة الوزن، خاصة تراكم الدهون في منطقة الوجه والبطن والأرداف لحثه الجسم علي الاحتفاظ بالماء
و لهذا و نضرا لكل هذه الفوائد أطلب منكم حبيباتي كل وحدة عندها وصفة شهية بهذه النبتة الغنية تحطها و هذا لتعميم الفائدة

lilii7179 · 2014-10-20, 09:12

مشكورة على هاته المعلومات القيمة. انا شخصيا نستعمل كمية معتبر في حساء الخضر la soupe de légumes مع les poireaux يمدو ذوق رائع.
كي يكون العرف عريض نقصها و نغسلها و نحطها في المجمد و كي نحب نستعملها نجبد و مباشرة الى الطبخة.
بالاضافة الى حساء الخضر , نستعملها ثاني في اللوبيا البيضاء (اليابسة) و العدس : نقص قطع صغيرة من الاضلع و نرميهاكي تكون الطبخة قريب توجد , ما نكثرش بزاف غير تمد بنة برك. نستعمل الاوراق ثاني كي ننصب جاري فريك نحط ورقة في الاول تتقلى ثاني تعطيني ذوق بنين.
مرة كليت كسكس عند وحدة و حاطة فيه اضلع الكرافس مع الخضر و جا بنين .
نتمنى الاخوات يفيدونا بمعلومات اخرى
بارك الله فيك

ام سوهيل · 2014-10-20, 09:12

شكرا صدافات وش راكي

روح مراد · 2014-10-20, 09:53

سلام يا الشاطرات
رايحة نشارك بطبق لذيذ جدا من الكرافس
أنا نفضل الطبق بالدجاج و بالضبط بصدر الدجاج مقطع قطع صغيرة
نقطع البصل 2 بصلات متوسطات نسكرفجهم أو نقطعهم رقيق رقيق
نديروهم في طنجرة مع الزيت يتقلاو شوية من بعد نضيفو قطع الدجاج + ملح + فلف أسود+ نصف عود قرفة و نخلي كل شيء يتقلى بلعقل من بعد نمرق غير شوية ماء قيس ما يطيب الدجاج
أنا نطيب هاذ الوصفة في طنجرة الضغط (كوكوط) غير يغلى الماء على الدجاج نكون حضرت أغصان الكرفس نقيهم كيما الخرشف و نرميهم في الطنجرة يعني نقطع الأغصان كيما الخرشف بلا ما نغلوهم نحطوهم مباشرة مع الدجاج و يكون عندنا حميصة طايبة نضيفوها و نزيد حبات بطاطا مقطعة على 4 نحط كل شيء في الطنجرة و نغلق عليها لمدة ربع ساعة على الأكثر
في هاذ الوقت نحضر 2 حبات بيض أو أكثر كل واحد كيما يحب + ملعقة كريم فراش نقدرو مانديروهاش + شوية معدنوس مقطع رقيق + رشة ملح + رشة قرفة مرحية + رشة فلفل أسود و نفرغ الخليط في الطنجرة و نخلي البيض يطيب و نطفي
ملاحظة :
الأكلة جي تقريبا ناشفة ما فيهاش مرقة
نقدرو نضيفة فلفل حار اللي يحب
نقدرو نضيفو شوية هريسة و شوية عصير ليمون

تغرينية · 2014-10-20, 10:10

انا نحب الكرافس كانت امي ديرونا مرق بالحمص تقريبا مثل طريقة روح مراد منكم نستفيد

ام حمزة22 · 2014-10-20, 12:58

سلام
شكرا صدفات على المعلومات القيمة
الكرافس نطيبو بنفس طريقة روح مورا د جي رووووووعة
و يجي تان في حساء الخضر بصح ما نديروش ولادي ما يحبوش ريحتو في الحساء

صدفات · 2014-10-20, 14:03

شكرا لكل من ألأخوات أم حمزة تغرينية أم سوهيل ليلي7 و روح مراد على ردودهن الكريمة و أنا لما طلبت وصفات للكرافس مش فقط يكون عنصر من مستلزمات الطبق و لكن وصفة يكون هو العنصر الأساسي نحن ونقصد غالبية ألأمهات نستعملوا الكرفس كمنكه أو حشيش في الطبق وبكميات قليلة ليس إلا أتمنى أنكم فهمتوني.

ام حمزة22 · 2014-10-20, 14:28

ايه صدفات روح مراد ربي يحفضها اعطاتك الوصفة
شفتي الوصفة لي حطيتها في موضوعي نتاع الخرشف تقريبا نفس الوصفة لاكن الخرشف يتغلى والكرافس ما يتغلاش تقطعيه قطع مثل الخرشف وتغسليه مليح ممن بعد ضيفيه للجاج او اللحم يكون تقلى
والله يجي ماينشبع

روح مراد · 2014-10-20, 15:26

فهمتك يا صدفات
راكي حابة الأطباق اللي نضيفولهم الكرافس
عادة نحطوه في الشربة و العدس و اللوبيا اليابسة
و حساء الخضار
كاين كذلك صلصة طماطم تقدري تضيفي فيها الكرافس
و كاين حتى اللي يطيب الكرافس شكشوكة بالبيض و الثوم و الطماطم
و تقدري تضيفيه في الكسكس بالخضرة (احنا القبايل نطيبو في فصل الشتاء كسكس بالخضر الموجودة جميعا) يدخل فيها الكرافس و الخرشف أو حتى الكرافس لوحده راهو يمد طعم لذيذ لكل شيء

آنثى آلمطر · 2014-10-20, 15:32

اهلا حبيبتي صدفات وشراكي صفا
انا منحبش الكرافس في الماكلة
اد دارتو يما منكلش

امي تعملو مع العدس يجي رووعه
والاسف منكلش

شكرا على الطرح

صدفات · 2014-10-20, 15:36

اقتباس:

المشاركة الأصلية كتبت بواسطة روح مراد

فهمتك يا صدفات
راكي حابة الأطباق اللي نضيفولهم الكرافس
عادة نحطوه في الشربة و العدس و اللوبيا اليابسة
و حساء الخضار
كاين كذلك صلصة طماطم تقدري تضيفي فيها الكرافس
و كاين حتى اللي يطيب الكرافس شكشوكة بالبيض و الثوم و الطماطم
و تقدري تضيفيه في الكسكس بالخضرة (احنا القبايل نطيبو في فصل الشتاء كسكس بالخضر الموجودة جميعا) يدخل فيها الكرافس و الخرشف أو حتى الكرافس لوحده راهو يمد طعم لذيذ لكل شيء

انا معاك يا أخت روح مراد حتى أنا نديرو مع الحبوب الجافة مع صلصة المعكرونة ومع مرقة الطعام و لكن الكرافس تكون الفائدة الغذائية نتاعو أكبر و هو نيئ تفكري و بحثي معانا على أطباق يدخل فيها الكرافس بكثرة وين يكون طايب أو نصف طياب.

خيط الروح · 2014-10-20, 19:05

بارك الله فيك على الموضوع

انا نستعملو حساء مرات وحدو ومرات مع خضر منوعة
نستعملو في البركوكس ممممممممم
في المرقة الحمرا تاع الطعام
في صلصة الاعكرون
و في العدس

خيط الروح · 2014-10-20, 19:09

بارك الله فيك على الموضوع

انا نستعملو حساء مرات وحدو ومرات مع خضر منوعة
نستعملو في البركوكس ممممممممم
في المرقة الحمرا تاع الطعام
في صلصة الاعكرون
و في العدس

صدفات · 2014-10-21, 08:11

اقتباس:

المشاركة الأصلية كتبت بواسطة louparadisa

بارك الله فيك على الموضوع

انا نستعملو حساء مرات وحدو ومرات مع خضر منوعة
نستعملو في البركوكس ممممممممم
في المرقة الحمرا تاع الطعام
في صلصة الاعكرون
و في العدس

ممممممم معاك حق يجي هايل مع البركوكس

روح مراد · 2014-10-21, 08:13

سلطة الكرافس