مساعدة من الامهات الموجودة في المنتدى

دعاء الملائكة · 2014-10-16, 19:31

سلام واش راكي يام ضافر ان شاء لله تكوني بخير انا دعاء الملاكة ادا شفيتي عليا الحمد لله راني ولدت ولادة قيصرية والحمد لله رزقت ببنت ماشاء الله اسميتها رونق تاج الوقار والان راهي قريب تقفل 3 اشهر ونحوس كيفاش نبدالها الماكلة واش نبدا نوكلها عما اني راني نرضعها رضاعة اصطناعية معنديش الحليب للاسف صحتها الحمد لله مليحة مع الحليب هدا جا عليها ساعديني مادام لراكي ام وتعرفي كيفاش ربيتي ولادك راني نستنى منك جواب او ديري موضوع على هدا الخصوص باش الامهات لي هنا كل واحد واش تجاوب من فضلك بارك الله فيك اختي

~~لينة نور~~ · 2014-10-16, 19:44

السلام عليكم

مبروك ...يبدو أنك أم صغيرة ، لا تفعلي شيئ مع طفلتك حتى تشاوري من لهن علم .

ثلاث أشهر صغيرة جدا أختي ، في ذلك مغامرة بحياتها ، الحليب يكفي جدا ثم بعد ان تبلغ ست أشهر يمكنك تغذيتها ...

ست أشهر وليس أربعة ..حاذري أختاه ...

سأبلغ لينقل موضوعك للقسم الخاص ، سوف ترد عليك الامهات ان شاء الله .

https://www.djelfa.info/vb/forumdisplay.php?f=157

أم امتنان · 2014-10-16, 20:52

مبروك مازاد عندك وانا مع الاخت اللي قالت بلي حتان ست اشهر باش تبداي توكليها انا ام لبنتين وفي زوج دخاتلهم الماكلة بعد خمس اشهر بديتلهم بالفرينة وحدها وراه تع نشا وبشنة برك ميش تع الفواكه ولعسل المهم سلامي والحمد لله على سلامتك

life is life · 2014-10-17, 10:38

مزالها صغيرة على الاكل في الوقت الحالي يكفي لحليب
حتان تكمل ست اشهر
كي تكمل خمس اشهر و نص تكون داخلة ل ستة بدي توكليها واحد كومبوت خاص بدراري 4 اشهر هاكة كاتبين فيه مي نتي وكليهولها حتان 5 اشهر و نص
فيه فواكه و محفوظ بطريقة طبيعية ،،،، اياااااكي توكليها شيء فيه مواد حافظة اختي
و كي تكمل ستة اشهر بدي ديريلها بطاطا مع قطرات من زيت زيتون و زرودية ،، كل مرة جربيلها بالحاجة باه تعرفي اذا توالمها هذه الخضر ام لا
لانو دراري مش كيفكيف
و تاني فيما يخص سيريلاك ووو كاين دراري ملي يزيدو فيهم مصران ما يتحملوش نشويات هادي
و بعد ما تتعود على الاكل و تكون داخلة سبع اشهر بقاي تعفسي فاكية و دوقيها عصير برك يعني تذوقو برك تبقى تكتشف شوية بشوية
اه و ما تذوقيهاش البرتقال ابدا حتى لعمر السنة لانو يديرلها حموضة
و اياااااك تغلطي غلطة بعض الامهاتا " هداهن الله ّّ يعطو دراري جبن !!!!!!! و روز !!!!!!! في هاد السنة بففف هذا ليه مضاعفات و جسم الاطفال لا يتحمل لانو ما يقدروش يهضمو هذه الامور و يدير كونستيباسيو

و في الوقت حالي اياكي تعطيها كاش حاجة ابار حليب ختي و ما تتقلقيش كامل دوك فيسع تكبر لعوام و راهم يجرو فما بالك بالاشهر
ربي يخليهالك و يسترها من كل عين حسود

أم مبين · 2014-10-19, 22:01

مازالها صغيرة أصلا الطبيب يقول ماتبديش توكليها حتى 6 أشهر بصح أنا وليدي بديت نوكلو على 5أشهر بديت

ام ظافر · 2014-10-20, 08:42

مرحبا بيك اختي دعاء الملائكة والف الف مبروك والله يجعلها من الذرية الصالحة ويرزقك برها
الاكل تبداي في الشهر السادس وليس قبل ......تبداي بشوي فرينة مناسبة لسنو ممكن ملعقة او بالكثير زوج وبعد ماتوالف معدتها الفرينة تقدري تزيد معاها كومبوت ولكن منزلي ليس الجاهز قريب قتلي ولدي وما تخلطيلهاش انواع بزاف في وقت واحد ولكن كل نوع في اسبوع حتى توالفو وما يعمللهاش حساسية

دعاء الملائكة · 2014-10-20, 16:40

اقتباس:

المشاركة الأصلية كتبت بواسطة لينة نور

السلام عليكم

مبروك ...يبدو أنك أم صغيرة ، لا تفعلي شيئ مع طفلتك حتى تشاوري من لهن علم .

ثلاث أشهر صغيرة جدا أختي ، في ذلك مغامرة بحياتها ، الحليب يكفي جدا ثم بعد ان تبلغ ست أشهر يمكنك تغذيتها ...

ست أشهر وليس أربعة ..حاذري أختاه ...

سأبلغ لينقل موضوعك للقسم الخاص ، سوف ترد عليك الامهات ان شاء الله .

https://www.djelfa.info/vb/forumdisplay.php?f=157

تعيشي يا اختي بارك الله فيك مانيش ام صغيرة 29 سنة كشما بقا هههههههههههههه نحب برك نسقسي صحاب التجربة راكي تعرفي كل واحد واش يهدر

دعاء الملائكة · 2014-10-20, 16:41

اقتباس:

المشاركة الأصلية كتبت بواسطة أم امتنان

مبروك مازاد عندك وانا مع الاخت اللي قالت بلي حتان ست اشهر باش تبداي توكليها انا ام لبنتين وفي زوج دخاتلهم الماكلة بعد خمس اشهر بديتلهم بالفرينة وحدها وراه تع نشا وبشنة برك ميش تع الفواكه ولعسل المهم سلامي والحمد لله على سلامتك

شكرا لك ام امتننان بارك الله فيك وري يحفظلك امتنان

دعاء الملائكة · 2014-10-20, 16:44

اقتباس:

المشاركة الأصلية كتبت بواسطة life is life

مزالها صغيرة على الاكل في الوقت الحالي يكفي لحليب
حتان تكمل ست اشهر
كي تكمل خمس اشهر و نص تكون داخلة ل ستة بدي توكليها واحد كومبوت خاص بدراري 4 اشهر هاكة كاتبين فيه مي نتي وكليهولها حتان 5 اشهر و نص
فيه فواكه و محفوظ بطريقة طبيعية ،،،، اياااااكي توكليها شيء فيه مواد حافظة اختي
و كي تكمل ستة اشهر بدي ديريلها بطاطا مع قطرات من زيت زيتون و زرودية ،، كل مرة جربيلها بالحاجة باه تعرفي اذا توالمها هذه الخضر ام لا
لانو دراري مش كيفكيف
و تاني فيما يخص سيريلاك ووو كاين دراري ملي يزيدو فيهم مصران ما يتحملوش نشويات هادي
و بعد ما تتعود على الاكل و تكون داخلة سبع اشهر بقاي تعفسي فاكية و دوقيها عصير برك يعني تذوقو برك تبقى تكتشف شوية بشوية
اه و ما تذوقيهاش البرتقال ابدا حتى لعمر السنة لانو يديرلها حموضة
و اياااااك تغلطي غلطة بعض الامهاتا " هداهن الله ّّ يعطو دراري جبن !!!!!!! و روز !!!!!!! في هاد السنة بففف هذا ليه مضاعفات و جسم الاطفال لا يتحمل لانو ما يقدروش يهضمو هذه الامور و يدير كونستيباسيو

و في الوقت حالي اياكي تعطيها كاش حاجة ابار حليب ختي و ما تتقلقيش كامل دوك فيسع تكبر لعوام و راهم يجرو فما بالك بالاشهر
ربي يخليهالك و يسترها من كل عين حسود

ربي يحفظك تعيشي افدتيني بزاف وراح اكيد ندير واش قلتيلي بصح حنا هنا نقدروا نبداو في 4 اشهر والله اعلم

دعاء الملائكة · 2014-10-20, 16:48

اقتباس:

المشاركة الأصلية كتبت بواسطة ام ظافر

مرحبا بيك اختي دعاء الملائكة والف الف مبروك والله يجعلها من الذرية الصالحة ويرزقك برها
الاكل تبداي في الشهر السادس وليس قبل ......تبداي بشوي فرينة مناسبة لسنو ممكن ملعقة او بالكثير زوج وبعد ماتوالف معدتها الفرينة تقدري تزيد معاها كومبوت ولكن منزلي ليس الجاهز قريب قتلي ولدي وما تخلطيلهاش انواع بزاف في وقت واحد ولكن كل نوع في اسبوع حتى توالفو وما يعمللهاش حساسية

ربي عيشك يا ام ضافر كيما قلتيلي لانونعرف عاداتنا انا وانت كبف كيف ان شاء الله نخاف الحليب ميشبعهاش نديرلها كل 3 سوايع ب 120 ملل ونديرلها سيليا دفلوب الحق بناتلي الله يبارك خرجت عليها واش رايك

دعاء الملائكة · 2014-10-20, 16:50

اقتباس:

المشاركة الأصلية كتبت بواسطة أم مبين

مازالها صغيرة أصلا الطبيب يقول ماتبديش توكليها حتى 6 أشهر بصح أنا وليدي بديت نوكلو على 5أشهر بديت

صح والحليب شحال لزم نديرلها انا منرضعش من سدري

life is life · 2014-10-20, 22:24

اقتباس:

المشاركة الأصلية كتبت بواسطة دعاء الملائكة

ربي يحفظك تعيشي افدتيني بزاف وراح اكيد ندير واش قلتيلي بصح حنا هنا نقدروا نبداو في 4 اشهر والله اعلم

لا اختي حتان 5 اشهر و نص أحسن
أتفهم قلقك كونك ترضعيها بلبيبرو برك
ما تخمميش اختي و دوك تتبنبن ان شاء الله

اقتباس:

المشاركة الأصلية كتبت بواسطة دعاء الملائكة

صح والحليب شحال لزم نديرلها انا منرضعش من سدري

هذا مكتوب في العلبة تاع الحليب اختي

ولد خويا يرضع حليب فرونس لي

لكل 30 ملل ملعقة حليب ديما

مي كاين على حساب عمر الطفل ... تشري حليب على حسب عمر الرضيع ... و مكتوب فيه شحال ديري و كم من مرة في اليوم

تقريبا يرضعو كل ساعتين 3

اختي انا مانيش ام مي عندي تجربة مع تربية ولد خويا لانو امو عاملة ..

و ان شاء الله يزيدو يفيدوك الاخوات

ام ظافر · 2014-10-21, 11:17

اختي دعاء والله مانقدر نفيدك على الحليب الاصطناعي لاني عمري ما استعملتو ولكن الشيء المتفق عليه هو ملعقة لكل 30 ملل وتبقى الكمية تزيد حسب العمر شوفي العلبة راهي المقادير تاعها مدروسة وربي يكون معاك

ام سهام 02 · 2014-10-21, 14:44

من 3 اشهر تقدري تعطي لها العصائر الطبيعية كعصير البرتقال والجزر والطماطم

ولاسوب تع الخضر ديري 1/2بطاطا و1/2جزر و1/2 حبة لفت و1/2 حبة كورجات ديرهم يغلو في الماء وكيطيبو مكسيهم مليح وزيدي لهم رشة ملح ورشة سكر وخلطي مليح

وديرهم في البيبغو وعطيه لها تشربها

واذا راهي تشرب الحليب الاصطناعي زيدي عاونيها بالفرينة تاع لبيبي تتباع عند الصيدلي نقصي مغرف حليب وعوضها بمغرف فرينة

انا هكذا ربيت ولادي واي استفسار راني في الخدمة

fadi02 · 2014-10-30, 10:17

انا ام ل4 اولاد و زوجي طبيب اطفال لا تعطيها اي شيء غير الحليب حتى 6 اشهر