واش طيبتي اليوم?الجزء92 كواليس عيد الاضحى***

biba04 · 2014-10-05, 21:19

البسملة1

مرحبا بيكم في كوزينتي لاول مرة وصحا عيدكم وكل عام وانتم بالف الف خير

نبدا بالحلو صور حلويات العيد

كواليس
من مطبخ امي ربي يحفضها ويشفيها
بوزلوف بدون عضم

من تقاليد الشاوية متاكدة الاغلبية مايعرفوهش
خليع اللسان او خليع بوزلوف

راهي ماما تقول غلو اللسان في الماء والملح توابل فلفل اسود رند تقريبا 10د مبعد نحو العضم

ملحوه مليح كيما تعملو الخليع والقديد كل واحد وش يسميه

راهي ماما تقول ههههه انشروه يشيح بهاد الطريقةهههههه خاطيني ماما تقول

وهدا السان تخليه نهار عاشوراء ان شاء الله وطيب بيه البربوشة او الكسكسي رهيييييب

chez biba · 2014-10-05, 21:23

السلام عليكم ورحمة الله وبركاته
الف مبروك اختي بيبا الكوزينة الجديدة ربي يجعلها عامرة بالخيرات يارب
يعطيك الصحة انتي وأمك ربي يحفظها، انا شخصيا جامي سمعت بخليع اللسان هاذي اول مرة بصحتكم حنونة وأكيد يكون بنين

جئت نبارك برك وغدوا ان شاء الله نجيب الباروك، تصبحن على خير

Oum yousra · 2014-10-05, 21:26

Alf mabrouk elkouzina hanouna man ba3d njib barouk

ام سهام 02 · 2014-10-05, 21:28

مبروك بيبا الكوزينة الجديدة و ان شاء الله تكون فال خير للجميع و يعطيك الصحة على الخير لحطيتيه و الف شكر للوالدة و ربي يحفظها و يطول في عمرها يطول في عمرها
الباروك من الارشيف
تارتولات بالفواكه الجافة

اساوربالتمر

الغربية

صابلي العسل

صابلي البرتفال

القنيدلات

مقروط الشهدة

و هذا فطور ثاني عيد

ام طيري الجنة · 2014-10-05, 21:28

و اخييييييرا
صح عيدكن جمييييييييعا
الف الف مبروك على الكوزينة الجديدة بيبا و ربي يخليك و يخلّيلك ماماك و شكرا على النصائح و هذا باروكي
كروكي بالتمر درتو غي اليوم

و هذا الكروكي التقليدي

و هذا الرابط زروني حبيباتي
https://www.djelfa.info/vb/showthread...ferrerid=50597

chez biba · 2014-10-05, 21:34

مساء الخير ام يسرا، ام سهام ، ام نسرين منورين الكوزينة الجديدة
ام يسرا سقسيتك في الكوزينة اللي فاتت وما جاوبتينيش
ام سهام كلش تاعك هايل ما شاء الله يعطيك الصحة
ام طيري الجنة صح عيدك حبيبتي وكل عام وانتي وعائلتك بألف خير

ام سهام 02 · 2014-10-05, 21:34

و هذا عشانا مشوي خص نص لام ماجد الطيوبة التي تحب الكوالييس و المشوي
الصباح نقعت اللحم فيsauce barbecue

اللهم ادمها نعمة و احفظها من الزوال

ام طيري الجنة · 2014-10-05, 21:41

شي بيبا الحبيبة صح عيدك حبيبتي وكل عام و انت بالف خير
ام سهام يا سلااااااااااااااام عليك ربي يحفظك

أم ماجد · 2014-10-05, 21:46

لالف الف مبروك بيبا اسمحيلي ماجبت والو راني في حالة لبنات
المصران الكبير راني نكتب وحاكمة كرشي
ام سهام الله يخليك كي تفكرتيني
من بعد نرجع بالباروك

ام سهام 02 · 2014-10-05, 21:52

شي بيبا انت الهايلة الله يخليك

ام نسرين مشكووووووورة الله يحفظك

ام ماجد لاباس عليك ديري تيزانة تع زريعة البسباس

أم هبوبة · 2014-10-05, 21:52

بيبا مبروك الكوزينة و الله يعطي الصحة لامك اول مرة نسمع على خليع اللسان هدا باروك من الارشيف

بصح تتساهلي و احد جديد نخدم الباروك و نجي نحمدلك
ام طيري الجنة مبروك عيدك
ام سهام البروشات اللحم يشهو نموت عليهم فعلا اللسان يعجز عن الكلام كل الي تحطيه هايل يعطيك الف صحة يعني مراكيش مرة و نص راك مجموعة نساء الله يبارك هادوك اليدين

malek nour hane · 2014-10-05, 21:55

صح عيدكم كااامل للمرة الثانية.. ألف ألف مبروك افتتاح الكوزينة... ألف شكر لوالدتك الكريمة على الوصفة امممم

malek nour hane · 2014-10-05, 21:57

حقا بيبا وضحيلنا الطريقة أكثر خليع لسان تاني تاع البوزلوف تعيشي

رياحين الجزائر · 2014-10-05, 22:00

الف الف الف مبروك بيبا الكوزينة جيت بلاتاي بصح انحازل كيفاه انحن كواليسي هههه الصور كبار بزاف

ام سهام 02 · 2014-10-05, 22:01

حشمتني ام هبوبة بكلامك الطيب الف شكر وربي يعطيك ما تتمناي وا نت ثاني ما شاء عليك