اقتباس:
المشاركة الأصلية كتبت بواسطة ام البنوتة
السلام عليكم و رحمة الله و بركاته
اخواتي حاولت شحال من مرة ندير مطلوع باهي و داااايما نفشل..نقهر روحي بالعجين و كلش و تعرفوا مشكلتي وين كي نقرص العجين و نحط كل كسرة تخمر لما نجي نهزها تلصقلي وليت نحط تحتها سميد بزاف او فرينة باش ماتلصقش ولات تجيني يابسة من الجهة لي نحطلها منها و الله تعبت نسخف عليها و نتعب فيها و في الاخير دايما تفسدلي
اسئلتي هي
1/كيفاش لازم تكون العجينة طرية او رايحة لليبوسة
لازم تكون طرية بصح ماشي لدرجة انو يفسدلك شكلها لما تحبي تحركيها يعني طرية بصح تقدري تتحكمي فيها
2/كي نحطها تخمر نحطها على طرشونة تاع القماش او على الطابلة مباشرة
حطيها اكيد على طرشونة فوق طاولة او مايدة وخليها تخمر للمرة الثانية ولكن ليس اكثر من 10 دقائق لانها راح تعاود تهبط لما تطلع بزاف
3/واش نحطلها من تحت باش ماتلصقش
ماتحطي والو ولكن لما تعجنيها فوق طرشونة اخر مرة خلاص الشكل تاعها الي حبيتيه اقلبيها فوق طرشونة اخرى وما تضغطيش على العجين حتى لا يلصق في الطرشونة الثانية غير اعدلي المطلوعة بالشو وغطيها
4/كي نسبطها شحال لازم يكون السمك تاعها
يكون حوالي 1سم او اقل بقليل
5/السميد كيفاش يكون
لازم احسن نوع للدقيق مالازمش يكون الدقيق خشين بالعكس كل وين يكون رقيق يعطيك نتيجة افضل وما تنسايش شوي فرينة معاه ما تكثريش لانها راح تخليه طري فوق القانون يتلوط لو تكثري الفرينة
نستنى اجابتكم باش نتقنها و نخدمها و نطيبها كيما لازم و الف شكر
|
نصيحة اختي لفي العجين تاعك في كيس بلاستيكي نظيف يعاونها تخمر مليح والمرة الثانية اعجنيها شوي فقط وقرصيها وحليها على طرشونة واقلبي القرصة واعجني وفي الاخير اقلبي القرصة وخليها ماتزيديش تعجنيها وغطيها وروحي حطي الطاجين يسخن هذي المدة كافية وابداي طيبي اقلبي القرصة بالطرشونة كامل على الطاجين وبالخف انزعي الطرشونة وهنا لازم تكون الطرشونة صغيرة قيس قيس الخبزة تاعك حتى ما تتحرقش
الطرشونة مالازمش تكون تاع نيلون كيما الي يتباعو بل شوفي قماش قطن واصنعي منو الطراشن تاع المطلوع
اي سؤال راني في الخدمة
( تقرير عن مشاركة سيئة )، و الموجودة أسفل كل مشاركة .
2014-09-29, 15:21
عاونوني في المطلوع..
العرض العادي
