عروس تحتاج مساعدتكن

✿ همــس الزهـــور ✿ ツ · 2014-09-20, 20:45

السلام عليكم ورحمة الله وبركاته

حياكم الله

بدون مقدمات

أنا عروس وفي الاسبوع المقبل إن شاء الله سأستضيف أم زوجي - حماتي الغالية - لعدة أيام

محتارة ماذا سأطبخ لها

أرجو أن تساعدوني بوصفات من المنتدى أو إقتراحات وتوجيهات

وربي يبارك فيكم

lilii7179 · 2014-09-21, 09:39

السلام عليكم
اولا و قبل كل شيء كلشي مبروك و ربي يهنيك ان شاء الله و يرزقك بالذرية الصالحة
بالنسبة ل واش طيبي انا اقترح انك تسالي زوجك على واش تحب تاكل امه, على الاقل يكون عندك فكرة انها تحب العجائن او تكره les gratins , او تفضل المرق الابيض او الاحمر باش ما طيحيش في فخ انك طيبتيلها حاجة تكرهها
ثانيا قبل ما تجي حماتك لازم تكوني حضرتي حوايج باش تنقسي على روحك
مثلا : فوري زرودية و رقديها, رقدي فلفل, غلي بيطراف ,وجدي حميص(سلاطة مشوية) و حطي كلشي في les porte manger باش كي تجي ديري hors d'oeuvre مثلا ما تضيعيش الوقت, تقدري حتى توجدي حشوة الكيش و تحطيها في المجمدباش تنقسي على روحك
ثالثا: نظمي من قبل le menu في الغداء لكان درتي حاجة ثقيلة , في العشاء لازم حاجة خفيفة مثلا شربة بيضاء او حريرة او شربة حمراء او soupe de legume مع سلاطة او بوراك او كيش
نقترح عليك ثاني انك تحضري des barquettes او تارتلات ب pate brisée مالحة حطيهم في الثلاجة و تعمريهم ب ماسيدوان في آخر لحظة
حاولي انك تنوعي لكان درتي اليوم عجائن الغدوا ديري غراتان و من بعدو ديري خضرة و من بعدو des grillades او سمك باش ما تدخليش في الروتينو حاولي انك نوعي بين التقليدي و العصري
بالنسبة للوصفات و الله الخوات هنا في المنتدى راهم قايمين بالواجب ربي يحفظهم دايما عندهم الجديد
نتمنى نكون افدتك و لو بالقليل , ربي يكون معاك, و ان شاء الله تروح حماتك و هي فرحانة بيك
ملاحظة : ما تنسايش قبل ما تروح تكوني وجدتيلها هدية و لو صغيرة تفرحيها بيها

✿ همــس الزهـــور ✿ ツ · 2014-09-21, 14:51

اقتباس:

المشاركة الأصلية كتبت بواسطة lilii7179

السلام عليكم
اولا و قبل كل شيء كلشي مبروك و ربي يهنيك ان شاء الله و يرزقك بالذرية الصالحة
بالنسبة ل واش طيبي انا اقترح انك تسالي زوجك على واش تحب تاكل امه, على الاقل يكون عندك فكرة انها تحب العجائن او تكره les gratins , او تفضل المرق الابيض او الاحمر باش ما طيحيش في فخ انك طيبتيلها حاجة تكرهها
ثانيا قبل ما تجي حماتك لازم تكوني حضرتي حوايج باش تنقسي على روحك
مثلا : فوري زرودية و رقديها, رقدي فلفل, غلي بيطراف ,وجدي حميص(سلاطة مشوية) و حطي كلشي في les porte manger باش كي تجي ديري hors d'oeuvre مثلا ما تضيعيش الوقت, تقدري حتى توجدي حشوة الكيش و تحطيها في المجمدباش تنقسي على روحك
ثالثا: نظمي من قبل le menu في الغداء لكان درتي حاجة ثقيلة , في العشاء لازم حاجة خفيفة مثلا شربة بيضاء او حريرة او شربة حمراء او soupe de legume مع سلاطة او بوراك او كيش
نقترح عليك ثاني انك تحضري des barquettes او تارتلات ب pate brisée مالحة حطيهم في الثلاجة و تعمريهم ب ماسيدوان في آخر لحظة
حاولي انك تنوعي لكان درتي اليوم عجائن الغدوا ديري غراتان و من بعدو ديري خضرة و من بعدو des grillades او سمك باش ما تدخليش في الروتينو حاولي انك نوعي بين التقليدي و العصري
بالنسبة للوصفات و الله الخوات هنا في المنتدى راهم قايمين بالواجب ربي يحفظهم دايما عندهم الجديد
نتمنى نكون افدتك و لو بالقليل , ربي يكون معاك, و ان شاء الله تروح حماتك و هي فرحانة بيك
ملاحظة : ما تنسايش قبل ما تروح تكوني وجدتيلها هدية و لو صغيرة تفرحيها بيها

وعليكم السلام ورحمة الله وبركاته

ربي يبارك فيك يا طيبة ، اللهم آميييييين

جزيل الشكر أختي لنصائحك وتوجيهاتك التي إستفدت منها كثيرا

ربي يعطيك ما تتمني يا غالية

تقديري

المعتصمة بدين الله · 2014-09-21, 18:15

و عليكم السلام و رحمة الله و بركاته... الف الف مبرووك اختي و ربي يهنيك...
بالنسبة للطياب كيما قالت اختي ليلي سقسي زوجك على الماكلة اللي تحبها و حضري من قبل الحوايج اللي يديو وقت و خبيهم في الثلاجة و ماتنسايش تحضري قاطو نوع او اثنين ... و حاولي تنوعي و ماتكثريش ديري الحاجة اللي تتكل .. نوعي بين العجائن و القراتان و اطباق المحشية و الشربات و السلطات و الديسار حاولي تخدمي حوايج انت تعرفيهم و الا مجربين و ماتنسايش تسقسيها واش تحب تاكل ... و الوصفات راهم ما شاء الله في المنتدى بكل الانواع. وماتنسايش الديكور في اطباقك.. و اتهلاي فيها و في روحك و ان شاء الله يفوتو ايام ملاح و ربي يسعدكم و يهنيكم يااا رب

ام ظافر · 2014-09-22, 08:20

وجدي دجاجة تبليها واحشيها وحطيها في المجمد ونهار تحبي توجديها زيدي معاها شوي بطاطا وخضر وحمري الكل
ماتنسايش تعملي طبق الكسكس ماظنيتش كاين الي يكرهو او طبق تقليدي مشهور عندكم
شربة خفيفة وتنحي اللحم الي طات بيه اعمليه قراتان مع حاجات اخرين الي متوفرة عندك

ام حمزة22 · 2014-09-22, 12:59

سلام وكلشي مبروك ربي يهنيك ويرزقك الدرية الصالحة
انا نعطيكيك نصيحة اخطيك مالقراتان والجاج محمر
بحكم تجروبتي الحمات ما تحب القراتان ما تحب الجاج محمر ولا الحلويات هههههههه
الحمات تحب الجوازات والشططح و الكسكس والبركوكس
و تحب تاني الخفاف والمعارك والمبرجة والبغرير الخ... ههههههههههه
امي جابت عروسة طيب غير القراتان امي ما تحبش هاد الاطباق كيما تقول هي نتاع لاموضة ههههههه
حتى عجوزتي جابت عروسة ضل تنوع في الاطباق الشهية فالفرن عجوزتي ما تحبش تاني هاده الاطباق
الحل الوحيد ليك سقسي زوجك واش تاكل حماتك وهي فرات
بالتوفييييييييييق

✿ همــس الزهـــور ✿ ツ · 2014-09-22, 18:01

بارك الله فيكن أخواتي lilii7179 + المعتصمة بدين الله + ام ظافر + ام حمزة22

وربي يخليلكم أولادكم ويسعدكم

سرني مروركن كثيرا

lilii7179 · 2014-09-26, 18:49

عفوا حنونة نحن في الخدمة, بصح رانا نستناو النتيجة بعد ما تجي حماتك و تروح لازم تحكيلنا و تعطيلنا le compte rendu هههههههههههههه

hayette82 · 2014-09-26, 21:24

Rabi yhanikkkkkkkkkkkkkkkkkkkkk