لكل من طلب مني وصفة حلوة الطابع

ام حمزة22 · 2014-09-12, 20:35

السلام عليكم ورحمة الله تعالى وبركاته
اخواتي اليوم طيبت حلوة الطابع
وباختصار كاين لي طلبو مني الوصفة ويسعدني تلبيت الطلبات وربي يقدرنا على الخير
ااوصفة ساهلة وبنينة
كيما راكو تشوفو في الصور
كيلو فارينة ( ما ديريهش كامل نحي منو حفنة باش ما يجيكش يابس)
4بيض
لافاني
كاس زيت
كاس سكر
باكي ونصف خميرة كيميائية
حبة بيض نضيفلها كاكاو ونخلطها مليح باش نطلي حبة الطابع كيما راكو تشاهدو في الصور
اولا نخلط البيض والزيت والسكر ولافاني ثم نضيف الفرينة مغربلة وباكي ونص خميرة كيميائية ونطم العجينة وما نعجنهاش باش جينا حبة الطابع طرية
و بالطابع نخدم حبات الطابع وندهن السطح بخليط البيض والكاكاو نديرلها خطوط بالشوكة ونحطها في فرن يكون درجةسخونتو عالية
ان شاء الله الوصفة تعجبكم

fadila34 · 2014-09-12, 20:49

يعطيك الصحة رحت زمان مننسوهاش

ام حمزة22 · 2014-09-12, 20:57

الله يسلمك فضيلة
عندك الحق الحلوى نتاع زمان ما تتنساش وما كاش كيفها
قد ما ينوعو في الحلويات نتاع زمان ما تتعوضش حتى حلوة اللوز بنتها ماشي كي زمان
شكرا على المرور الطيب