مساعدة بارك الله فيكن أخواتي

Nour el houda93 · 2014-09-08, 04:05

السلام عليكم ورحمة الله وبركاته
حيااكن الله أخوات ^^
حبيت نستفسر على كراام شانتي شحاال كمية لحليب لي تخلطوه مغ الغبرة خاطر انا ندير بالتقريب وديفوا تجيني خفيفة حابة المقادير باش تجيني ثقببلة خاصة فالديكور تاع البيسكوي رولي ولا لي تارت باش تشد لا فورم تاعها..........هدا طلبي الأول
وو التشاراك أيضاا الحشو تاع الكوكاو انا ندير ثلاث مقادير كوكاو بمقدار سكر وندير شوية مااء الزهر برك وقارس على جال الريحة مي وليت كي نخليه يامات يطول نحس الكوكاو داخل حبة التشاراك ييبس.........ممكن طريقة باش يجي لكوكاو يدوب فالفم يعني ماشي يابس؟؟
وو لا كرام فرااش كيفاش مالفين ديروهاا فلي بلاا خاطر مانيشمالفة نستعملها
ووو باااااااركن الله فيكن اخوااتي بانتظار ردكن
أحبكن في الله

أم ياسين الزهراء · 2014-09-08, 10:52

100غ كريم شانتي ديريلها 1 كاس حليب بارد وتقدري تزيدي بواطة فلن نوارة حسب الدوق وتضربي مليح تجيك هايلة للتارت

حشو الكوكاو روحي لوصفات الحراير في ركن الاطباق راهو مثبت باسم بريق الامل تلقاي الخير

angel_forever · 2014-09-08, 13:04

كيما قاتلك الأخت 100 غ كريم شونتيي مع كاس حليب يكون بارد مليييييييح ولازم تضربيها في مكان يكون بارد باش تطلعلك مليح
وبالنسبة للتشاراك الكاوكاو لازم ميكونش مقلي احمر ياسر يعني تقليه على نار قليلة حتى يطيب وترحيه وديري 3 كيلات كاوكاو وكيلة ناقصة زوج صباع نتاع سكر وديري معاه لافاني غبرة وباش ميبسش ديريلو شوي زيت والا زبدة ذايبة حوالي مغرفة نتاع اكل

Nour el houda93 · 2014-09-09, 02:13

ربي يخليييكم البناات
جزاكن الله خيراا

Nour el houda93 · 2014-09-09, 02:14

ولا كرام فرااش وينهي لمليحة لي توصوني نشريها

أم ياسين الزهراء · 2014-09-09, 07:54

انا نشري تاع الميزان من عند اللي يبيعو حوايج القاطو