فارق السن بين الرجل و المراة

[مهدي01]

لي زميل في العمل 40سنة مقبل على الزواج من امراة 27سنة
فارق السن يؤرقه هل هناك مشاكل مستقبلية في فارق السن رغم التطمينات اعطيت للرجل لكنه قلق
هل فارق السن يؤثر ؟

[nilly]

13 سنة فرق بينهم هدا مكان العام لفات جارنا عمره 49 سنة تزوج بواحدة 17 سنة الفرق بينهم 32 سنة وهو اعزب بلاك تدير في بالك ارمل او مطلق

وهو جامي قال بلي انا كبير عليها ولا هي تقول .... انا مارنيش معاهم ومرانيش ضدهم لانه ادا توفر التكافؤ العقلي بين اثنين فمالزمش يشوفوا للفرق وماشي ضروري واحد يتزوج بطفلة قدو او يكبرها بعام ماشي ضروري وكل واحدة كيفاش تشوف

وزيد الشاب ماشي كيما البنت الولد حتى يكون روحه باه يتزوج وكي يكون روحه يلقى نفسو 40 سنة .........

قلو لصاحبك مبروك عليك نومتنساش طعام انا نحب بزااااف طعام نتاع العرس وين نروح للعرس نجيب معايا طعام نتاع العرس ورانا فدار نتشاجروا عليه ههههههههه عندو بنة اكتر من طعام لنديره فدار وسر معلباليش علاه؟؟؟؟؟؟

انا مرانيش مع

[مهدي01]

راكي معروضة اختي من ظروك راه معول في نوفمبر يتزوج
اختي مكاش كيما الطعام تاع العرس بنتو وحدو

[المكارم]

السلام عليكم ورحمة الله وبركاته

فارق السن المناسب بين الزوجين يتغير حسب سنهما عند الزواج

ففارق ال13 سنة يناسب إلى حد كبير زميلك البالغ ال40

لكن نفس الفارق لا يناسب شابا في العشرينات من عمره

ومن بلغ الستين مثلا ستناسبه من بلغت الأربعين

قل لزميلك أن لا يقلق ويتوكل على الله

نسأل الله أن يبارك لهما ويبارك عليهما ويجمع بينهما في خير

تحيتي

[nilly]

المشاركة الأصلية كتبت بواسطة مهدي01

راكي معروضة اختي من ظروك راه معول في نوفمبر يتزوج
اختي مكاش كيما الطعام تاع العرس بنتو وحدو

مدلي العنوان نتاع صديق نتاعك باه نجي ولا تعرضني برك هكداك وقلوا لصاحبك يمدلي كسكس بزاف ناكل فيه يومين قولوا من درك لان كاين ناس ميحبوش يمدو كسكس حنا عندنا كسكس عزيز ولا بالمعريفة باه تجيب لدار لازم يكون عندك معريفة كبيرة

من عالم لعام ناكلوا كسكس شباب رغم ان نظافة قليلة فيالاعراس ونظافرة متوافرة فالمنازل بصح نتاع دار ميحبوش ياكلوه ونتاع العراس يتشاجروا عليه ربما لقلة نظافة هي لخلاته بنين

[ailemak]

normal, pske lemra tekber 3la rajel, donc haka je pens etjr teg3od 3ziza, lol
mabrouk 3lih w ma3kouba lik akhi
w ghadi nji m3a nilly lel3ers nchallah

[هدى الجيجلية]

السلام عليكم
أخي
أنا اضن
الفرق كبير
جدا
صدقني راح يتعب
معاها
وانا اقول هذا الكلام عن تجربة
عندنا واحد من العائلة
تزوج وحدة أصغر منه بكثير
فلا أقول لك اخي
المشاكل بينهما
لا تعد ولا تحصى
أنا رأيي الشخصي
لا يتسرع
هذا زواج وليس لعبة
هذا رايي الشخصي
والراي الاول والاخير
يعود لصديقك

[" أبو عبود"]

المشاركة الأصلية كتبت بواسطة nilly

13 سنة فرق بينهم هدا مكان العام لفات جارنا عمره 49 سنة تزوج بواحدة 17 سنة الفرق بينهم 32 سنة وهو اعزب بلاك تدير في بالك ارمل او مطلق

وهو جامي قال بلي انا كبير عليها ولا هي تقول .... انا مارنيش معاهم ومرانيش ضدهم لانه ادا توفر التكافؤ العقلي بين اثنين فمالزمش يشوفوا للفرق وماشي ضروري واحد يتزوج بطفلة قدو او يكبرها بعام ماشي ضروري وكل واحدة كيفاش تشوف

وزيد الشاب ماشي كيما البنت الولد حتى يكون روحه باه يتزوج وكي يكون روحه يلقى نفسو 40 سنة .........

قلو لصاحبك مبروك عليك نومتنساش طعام انا نحب بزااااف طعام نتاع العرس وين نروح للعرس نجيب معايا طعام نتاع العرس ورانا فدار نتشاجروا عليه ههههههههه عندو بنة اكتر من طعام لنديره فدار وسر معلباليش علاه؟؟؟؟؟؟

انا مرانيش مع

هههههههههههههههه من البداية قولي بلي يهمك الطعام واش دخلك في فارق السن هههههههههه
لو كان تشوفي طعام يدروع في الاعراس في منطقة بغرداية ما تصدقيش والله العظيم يطيبوه رجال لكن بنة عليه رهيبة. اذا جات مناسبة نعرضك مع داركم باش هكذا تتعلموا ديرو ستاج عدنا وتريحو ارواحكم

[nilly]

المشاركة الأصلية كتبت بواسطة ailemak

normal, pske lemra tekber 3la rajel, donc haka je pens etjr teg3od 3ziza, lol
mabrouk 3lih w ma3kouba lik akhi
w ghadi nji m3a nilly lel3ers nchallah

inch'llah nji l3rssak ya l3ziza w nrkouss f 3rssak

[رضا 10]

الحقيقة اكثر من عشرة سنين هناك مشاكل ان ليس عاجلا فاجلا خاصة اذا شاخ الرجل وزوجته مازالت شابة

[امينة النايلية]

هاذا واحد كيكان فعمرو 50 عاود الزواج بوحدة عندها 20 سنة

بصح تخون فيه وعينو تشوف !!وتقنع في روحها بعذر انها متزوجة بشيخ!!

كنا نتلاقاو فالمناسبات تقعد معانا وتحكيلنا على قصص الحب والمغامرات
وحنا كنا صغار وجايحين تقولنا

< راه راجلي غايضني بصح الله غالب نحب فلان ربي يسمحلي راجلي شيخ هو عقليا وانا عقليا >

يعجبوها غير بني عمو وجيرانو وصحابو الافلام التركية كاين منها

انا نظن الوحدة اذا كانت صغيرة وقبلت بواحد كبير ياسر بارادتها

غير اذا عارفة روحها ما تحلل ما تحرّم وقادرة تخون .


نرجع لحالتك الفرق مش كبير ياسر ياسر متناسبين ربي يكملك ويبعد علينا ولاد لحرام

[" أبو عبود"]

وهل خانت السيدة عائة رسول الله صلى الله عليه وسلم وقد تركها وعمرها 18 سنة فقط؟ لماذا دائما نضع قوانين للبشر؟ اعرف رجالا زوجوا صبيات اعمارهن 16 سنة ومع ذلك لا خيانة ولا مشكلة وعايشني بالف نعمة ونعرف رجالا تزوجوا نساء قريبين منهم في العمر ولم يدم الزواج اسبوعا. الزواج ينجح بالرضا من الطفين فاذا كان طرف غير راض عغن الطريف الاخر انتهت العلاقة ولا علاقة للسن بنجاح الزواج.

[فردوس فردوس]

السلام عليكم
اريد ان اقول لزميلك لا تنظر اليها انها صغيرة في السن اهتم لرايها و اجعل الحوار بينكما دائما اهم و سيلة في النقاش
لانها في سن 27 يعني قادرة على اتخاذ قرار صحيح
انا اقول هذا لان المشاكل التي تنجم في هذه الحالة ان الرجل دائما ينظر الى زوجته انها قاصرة في التفكير لان فارق السن يظهر له ذلك
و اقول له زواج سعيد و جمع الله بينكما في خير

[كاميلا]

والله حتى الرجال باروا .................40 سنة والله غير عندنا بزاف من صحاب 40 اللي رح يزوجوا ولم يسبق لهم الزواج تاني تلك الايام نداولها بين الناس
المهم عادي راهم كيفوا بزاف

[سمية حوى]

السلام عليكم
انا اضن بل متاكدة ان فارق السن ليس مهم بين الرجل والمراة المهم ان يبدا حياته الزوجية صح وان يدرك ان المرء يحقق السعادة بان يعطي اكثر من مايأخذ سواءا هو او شريك حياته والرجل لا يجب ان يعلق زواجه بسؤال نفسه كثيرا فليسأل الله ويستخير في امر زواجه واذا فلا تسال غير الله في امر زواجك اخي فالسن ليس مهم المهم ان تكون زوجة صالحة ارض خصبة لذرية الصالحة فانا لفارق بيني وبين زوجي 12 سنة لكني سعيدة لاني مقتنعة ان السر في السعادة الزوجية ان يعطي المرء اكثر من ما يأخذ
تحياتي مع التمني لك بالاختيار الموفق