لاتبخلو على اختكم في الله

[zahra96]

السلام عليكم ورحمة الله وبركاته



انا من المقبلين على اجتياز بكالوريا 2015 وانا اريد ان تفيدونو بخبراتكم في ما يحصص التخصصات والجامعات انا شعبة علوم تجريبية ولا املك خبرة كبيرة في ما يخص هذا الموضوع تستطيعون القول اني بلا هدف يوجد الارادة لكن لمعرفة القليلة لااستطيع رسم هدفي بدقة لهذا توجهت اليكم بعدما تعبت من فلسفة بعض الاشخاص رغم ان معرفتهم اقل مني لذا ارجو منكم ان تساعدوني ولاتبخلو علي

وشكرا لكل من شاهد الموضوع وشاركني بنصائحه وارائه (مسبقا)

[ملاك04]

من ناحية التخصص في الجامعة لا اسطيع مساعدتك لانني انا تاني حاصلة

[zahra96]

ربي يسهل عليك لكن اذا لقيتي حاجة مليحة متنساينيش انا صراحة منيش حبة حتى يضياق الحال ويولو قاع يرايو نتكودا

[العوادي]

راني حايرة بين طب و مدرسة عليا للاساتذة علوم دقيقة

[وفاء التبسية]

في ما يخص الجامعات انا نشوف احسن تخصص رياضيات و اعلام الي و ايضا اللغة الانجليزيه بصح الا جبت معدل ياهلك للمدارس العليا تجنبي الجامعات لان المستقبل مضمون في المدارس العليا في كل التخصصات يعني تقري و تخدمي ديراكت ان شاء الله و ايضا التخصصات الطبية
يعني انت كي تخيري تخصص خممي وين راح يوصلك و قدراتك فيه يعني ما تضيعيش لعوام في قرايا يا لومان مليحة بلا مستقبل

[قابضة على الجمر]

في الوقت الحالي و بغض النظر عن ميولاتك يجب ان تعملي لتحقيق معدل جيد في الباكالوريا لا يقل عن 15 لان هذا يجعل معظم التخصصات الجيدة متاحة لك
بالتوفيق

[طالبة علم شرعي]

سلام عليكم

لا تفكري في الجامعة الان وفي اي شيئ يخصها كل ما يهمك الان ان تتميزي في الباكالوريا

وفقـــــــــــــط

لان معدلك هو ما يحدد اختياراتك فنرغب في اشياء عديدة لكن لم نحصل على معدل يؤهلنا للدخول اليها .... لذا انشغلي بالتحصير للباكالوريا الان

موفقة

[zahra96]

المشاركة الأصلية كتبت بواسطة العوادي

راني حايرة بين طب و مدرسة عليا للاساتذة علوم دقيقة

هذا الشيء الي قتارحو ه عليا في البيت شكرا

المشاركة الأصلية كتبت بواسطة وفاء التبسية

في ما يخص الجامعات انا نشوف احسن تخصص رياضيات و اعلام الي و ايضا اللغة الانجليزيه بصح الا جبت معدل ياهلك للمدارس العليا تجنبي الجامعات لان المستقبل مضمون في المدارس العليا في كل التخصصات يعني تقري و تخدمي ديراكت ان شاء الله و ايضا التخصصات الطبية
يعني انت كي تخيري تخصص خممي وين راح يوصلك و قدراتك فيه يعني ما تضيعيش لعوام في قرايا يا لومان مليحة بلا مستقبل

بالنسبة للرياضيات واعلام الي شفت بزاف الي كملو وراهم مع الجفافة في الدار والانجليزية حرام نديرها وانا علمية وشكرا على نصيحتك الطيبة

المشاركة الأصلية كتبت بواسطة * مروة *

في الوقت الحالي و بغض النظر عن ميولاتك يجب ان تعملي لتحقيق معدل جيد في الباكالوريا لا يقل عن 15 لان هذا يجعل معظم التخصصات الجيدة متاحة لك
بالتوفيق

بلا شك انا اطمح الى المعدل الجيد لكن متنسايش كي تدي معدل جيد يولي امك وخاوتك وباباك وقاع لفامي ولبعاد يعطوك في الخيارات ويقلولك هذي مليحة ويبداو يلقاو في الاجابيات برك ومين تشوفي تلقاي السلبيات بلا حدود وكل واحد وراي ديالو وشكرا

المشاركة الأصلية كتبت بواسطة ماريا الأثرية

سلام عليكم

لا تفكري في الجامعة الان وفي اي شيئ يخصها كل ما يهمك الان ان تتميزي في الباكالوريا

وفقـــــــــــــط

لان معدلك هو ما يحدد اختياراتك فنرغب في اشياء عديدة لكن لم نحصل على معدل يؤهلنا للدخول اليها .... لذا انشغلي بالتحصير للباكالوريا الان

موفقة

اكيد البكالوريا مهمة لكن انا شفت الي قبلي خلصو ماجاو يشوفو واش يديرو وبنت خالتي ضيعت عام محياتها تقرى ودوك حبا تبدل حاجة تانيا

[سارق الأحزان]

https://univ.ency-education.com/

[zahra96]

المشاركة الأصلية كتبت بواسطة سارق الأحزان

https://univ.ency-education.com/

شكرا جزيلاا

[koukou foutoune]

ادا كان المعد جيد ان شاء الله طب و الا رياضيات اعلام الي

[leyla eloula]

انا من رايي يا اختي ان تسطري هدفا اولا حسب رغبتك وميولك ثم تعملي قدر المستطاع على الوصول اليه لان تسطير الهدف يرفع الهمة ويقوي الارادة والعزيمة وانا من رايي ان التخصصات الطبية من احسن التخصصات في بلادنا والتي لها مستقبل واعد لمن اختارها ولكن في الاول والاخير القرار يعود اليك وفقك الله الى مايحبه ويرضاه

[10madridista]

انا برايي يا تخدمي على 15 و فوق ولا ماكالاه تعيي روحك بزاف انا جبت 14 واعطاوني رياضيات واعلام الي ورايحة ندرس مع اصحاب 11
يعني فكري قبل في المعدل هو لي يقرر كل شيئ

[zahra96]

المشاركة الأصلية كتبت بواسطة koukou foutoune

ادا كان المعد جيد ان شاء الله طب و الا رياضيات اعلام الي

انا نحوس على التخصص الي نقدر نخدم بيه وشكرا

المشاركة الأصلية كتبت بواسطة leyla eloula

انا من رايي يا اختي ان تسطري هدفا اولا حسب رغبتك وميولك ثم تعملي قدر المستطاع على الوصول اليه لان تسطير الهدف يرفع الهمة ويقوي الارادة والعزيمة وانا من رايي ان التخصصات الطبية من احسن التخصصات في بلادنا والتي لها مستقبل واعد لمن اختارها ولكن في الاول والاخير القرار يعود اليك وفقك الله الى مايحبه ويرضاه

وهذا المراد لاني حاليا بلا هدف شكرا

المشاركة الأصلية كتبت بواسطة 10madridista

انا برايي يا تخدمي على 15 و فوق ولا ماكالاه تعيي روحك بزاف انا جبت 14 واعطاوني رياضيات واعلام الي ورايحة ندرس مع اصحاب 11
يعني فكري قبل في المعدل هو لي يقرر كل شيئ

ان شاء الله وهذا الذي اطمح اليه شكرا

[العوادي]

زهرة واش قررتي