خاطبي 01

[مشكلتي]

صاحبة المشكل.
https://www.djelfa.info/vb/showthread.php?t=1626138
و
https://www.djelfa.info/vb/showthread.php?t=1627859

اخوتي حقا انا في مأزق انا حقا جد شاكرة على مساندتكم لي و على اقتراحاتكم
أخي نعمان حلك جميل لكن لا يخدم التفكير العربي
لن أقول بأني لا أفكر في اللجأ اليه ان اجبرت على ذلك وقد تكون ردة الفعل اما الرضا او رحمة الله علي
الامور أصبحت تتعقد أكثر
اتفقت انا و الشاب الغريب على عدم التكلم مع بعضنا و ان ينسحب احدنا من حياة الاخر وقد فعلنا دام انفصالنا 3 ايام اين حاولت محوه من ذاكرتي ولكن للأسف كلانا لم يقدر والله حالة صعبة جدا أن تجد توأم روحك ثم تحاول الاستغناء عليه ياخي حاولت أن أخرج من أناي وان أجد سببا واحدا وان كان تافها الومه عليه فقط كي نبتعد عن بعضنا أحسن بكثير من العذاب والله لم أجد تقطعت بي السبل ولم أجد سوى لما
اتصل بي ليقول لي انه منهمك في بناء منزلنا
أردت فقط ان أبعده خوفا عليه والله وقلبي يتقطع " لا أظنني سوف اسكنه واتمنى ان تسعد فيه ارجوان تجد فتاة أحسن مني لازمنا نأمنو بالمكتوب" فاذا به يزيد علي و يقول لي " لا تيأسي وراح نعاود نجي و نقنعهم هذي الدار درتها علبالنا"
اخوتي لو ترونني في المنزل او في معاملتي مع أهلي تقولو هذي ما عندها مشكل ما والو حتى اهلي دايرين في بالهم صايي راني نسيت كل شي وراني راضية بالخطيب اللي رضا عليه أبي
أخي صديق ولو كان نتصل بالخطيب واش تكون نضرتو لابي نحن عالم عربي في الأخير
أختي ايمان نور " أمي " لا حول لها ولا قوة والراي لدارو أبي جامي تعارضو ولا تمد رايها عليه اخوتي البنات انسحبن خوفا وانا لا أريد ان أظلمهن بقراري أخوتي الذكور تكلمت معاهم وكل واحد فيهم يقولي يبقى غريب ومانعرفو والو عليه و حنا شفنا بزاف قصص وران كيما قال ابي كلهم ماشاء الله أصحاب شهادات والمؤسف في الأمر انهم راضين بالخطيب وقالو لي " نعرفوه مليح والله ليستاهلك " أخبرتهم عن رفضي و الان رانا ك حالة الحرب الباردة هوما يخلو في نبرد و نفكر مليح و يتوقعو اني راح في اخر المطاف نقبل بهذا الخطيب وأنا راني مانيش باغية المشاكل ساكتة ونخمم كيفاه ندير
راني عايشة نحاول نكون طبيعية مي لو كان تشوفو واش كاين في القلب
الله يستر
ارجوكم اخوتي والله اني انتظر اراءكم ولو كان بدعاء
ما عرفت واش ندير

[لحن الحياة.]

يا اختي نصيحة ما تكمليش حياتك جثة .................... شوفي وش يناسبك
قولي لماماك تفهم الاب تاعك بلي الله غالب ماكيش حابة هذون الناس الامهات عندهم الحل و الوحيدة لي تقدر تقنع الاب تاعك
واذا مزلتي عمرك فالعشرينات واش وراك مزال الحال منا ل 29 سنة كل مزال الحال ........احنا ديك نهار خطبنا وحدة مولات 36 سنة وعادي جدا ماهيش مكسرة راسها ..ما تتسرعيش

[دعاء المحبوبة]

ربي يوفقك لما فيه خير لك

[Wassim France]

لو كنت مكان عشيقك كنت نخطفك ونهرب بيك ونتزوجو ونحطوهم في الامر الواقع والي يصرا يصرا

ههههه امزح فقط

الحل هو امك تكلمي معها مثل صديقتك حتى تقنع باباك وتفهمو بالعقل وانت قولي لامك انك ترتاحي للشاب الاول

[فاطمة الزهراء.]

يا أختي استخيري الله واطلبي من ربي اللي فيه الخير ربي يقدمولك واللي مش مكتوبك ربي يبعدك عليه ويرضيك بالمكتوب

لا حل لديك سوى اللجوء الى الله
اطلبي ربي وادعي من قلبك يوريلك الخير وين
ياختي ماتعرفي الخير وين
واللي كاتبها ربي هي اللي تصير
الحب هذا راه غير عذاب لأنه المكتوب هو اللي يغلب الحب وحده مايكفيش
اذا كان ربي مش كاتبهولك والله ياولكان تبكي دم ماتديه
واذا ربي كتبهولك يعيااااااااو اهلك رافضيتو وفي الاخير يقبلو
اطلبي ربي واتوكلي على ربي
وماتخسريش والديك على جال راجل
أتووونسيو

[aymen01]

وش فيها كون حبيبك جا من اول يوم خطبك قبل ما تهدرو مع بعضاكم في الحرام و تتعلقو ببعضاكم

اتحملي افعالك و شوفي كفماه تسلكيها و اذا قبلتي بالخاطب الثاني نقلك تستاهلي اكثر لانك راح تظلميه

الحل تهدري معاه و قوليلو نحب صاحبي و انت نكرهك كخخخخ

[الزمان 03]

قولي لخاطب بأنك لا تريده بينك بينو حق الاختيار وقبول المراة محفوظ منذ 14 قرن لكن لأسف في هذه الوقت الذي نسمع بها بحرية المراة ومشابه لا يحق لها الرفض والقبول غريب هذا الزمن دفعي على حقك المهم بالعقل والحكمة

[la_safa]

السلآم عليكم و رحمة الله و بركآته

أختي والله مشكلتك صعبة حقآ ، فان لم يتم القبول بينك و بينه فكيف ستتزوجينه و قلبك معلق يآخر
لدي حل و أظنه الحل الوحيد ، أن تتكلمي مع خآطبكـ - الذي تقدم لابيك - و تخبريه أنك رآفضة و اقنعيه بان يفسخ الخطوبة
و بهذآ الشكل سيتقبل أبيك الامر الوآقع ^^ اظنه الحل الامثل .. وفقك الله و ربي يهنيك ~

[راية الاسلام1]

السلاام عليكم
والله يا اختي لو انا مكانك افعل المستحيل حتى اعيش مع الانساان الذي احبه
يعني انتي قاانعة انك تعيشي مع شخص وقلبك مع انساان اخر والله ظلم
احترم امي وكذلك ابي لكن في ما يخص شريك المستقبل هذه حياااتي
لا تقبلي به ولا تقبلي بغيره حتى يقنعوا بالشخص اللي انتي حابتو
الرسول وقال لم ير للمتحابين مثل النكااح
موفقة حبيبتي

[سليماني11]

الله يجيب الخير

[ايمان نور الجزائر]

ما قصة الغريب هذه...السنا ملنا ابناء هذا البلد؟
هداهم الله حقاا هؤلاء الاهل
اهم من سيتزوجون ام انت؟ اين مراعاة مشاعر الانسان ام تراعى مشاعرهم وفقط
ليس لزوما عليكي قبول الخاطب الذي اختاره ابوك ...ان كنتي لا تريدينه
فلا تظلميه ولا تظلمي نفسك معه
اصري على قرارك وادعي الله كثيرا ان يفرج عليك فبعد الضيق الفرج

[دموع الفـرح]

ربي يهدينا

[عائشة07]

انا الي ما فهمتهش كيف الوالد يمد كلمة بدون ان يسال راي البنت؟؟؟؟؟؟
يا اختي في حالتك هدي مايسلك غي الصراحة لازم تعاونك امك توصلهالو هي بطريقتها وتقنعو مادام قلبك معلق مع الثاني فلازم ترفضي الاول وبدون الراية الشرعية لانو بعدها ستتعقد اكثر والحرج يكون من الوالد ومن الخاطب و عائلته وديري في بالك انو الزواج مكتوب وربي ييسرلك الامور

["راجية الجنة"]

ربي يعاونك اختي

[ام مهدي 03]

ربى يسهل
اسمحيلى اختى نقولك انت غلطتى من اول كى تعلقت بالغريب كيما تسموه
يا اختى المراه عند غير اهلها وكيعاد تعرفى عقلية باباك من اول راكى تفاديتى كل هذا
الحب صعيب تتخلاى عليه لكن الاهل مستحيل تفكرى انك تتخلاى عليهم