طريقة تحضير الديول بالصور في البيت

[nadia mimi]

السلام عليكم مرحمة الله والأطفال يحبون الديول الذي يزين قعدات وموائد رمضان
سأعطيكم طريقة ناجحة وأكثر من ذلك فطعمها روووووعة واحسن من الديول التي تباع بالمحلات صدقوني لأنها متبقاش فيها قطرة زيت بعد القلي
على عكس التي تباع يعني مايرفدوش الزيت ابدا
نحتاج فقط فرينة وماء وملحومانطيبوهش على النار مباشرة بل على البخار
الفرينة حسب الحاجة انا درت غرفية جاتني تقريب 20 حبة
المهم خلطي المكونات جيدا حتى تتحصلي على عجينة سائلة كيما ليكراب أو البغرير
ويلا بغيتي تخلطيها فالخلاط الكهربائي ولا بالباتور ولا باليد المهم لي يساعدك
حتى تصبح هكذا

ديري قدرة بها ماء تغلي أو طاجين فيه ماء وكي يبدا يغلي حطي مقلاة تيفال فوقه أو طاجين المسمن واحكمي البانسو عمريه مليح بالعجينة ومرريه بانتظام وبحركة دائرية واحدة على المقلاة


جربت فالمقلاة وفالطاجين تاع المسمن




هادي فطاجين المسمن



ولابأس بدهن الطاجين بالزيت مرة على مرة اذا حبيتو
لكن غير بقطعة قماش او بانسو


لكن ساعدتني أكثر مقلاة تيفال جديدة كانت اخف منهم بالعمل وكملت بيها كل الديول



وهاهي النتيجة



الآن الحشو تحشوها بأي شيء متوفر عندكم مثلا أنا غليت الأرز وصفيتوا درتلو 2 علب تونة بالطماطم والكثير من الهريسة وحبة بيض و شوي فلفل اسود وشوي كمون وكرافس مقطع صغير
وجا ذوقها احسن مما توقعته
اليكم النتائج النهائية






أرجو ان تجربوه ولن تندمو أكيد
تحياتي وشهية طيبة

[صلاتي راحتي]

جاك ما شاء الله ختي انا سيتت وحد الوصفة مخرجتليش ان شاء الله نسيه و رجعلك الخبر بارك الله فيك

[جيجلية]

شكرا على الوصفة السهلة

معليش نديرهوم ببنسو السيليكون ؟؟؟؟؟؟

[hano.jimi]

[amirasimsim74]

بارك الله فيك انا سييت الوصفة تاع الديول بالسميد و الفرينة و ما خرجتليش غادي نجرب الوصفة نتاعك و نردلك الخبر لكن عندي سؤال المفلة تطليها بالزبدة قبل؟ و هل ديري المقلة و هي سخونة؟ ارجو الاجابة من فضلك و صح فطوركم

[لجين الحبيبة]

والله غير هايل يعطيك الصحة انا نخدموا بالسميد والفرينة وجيني هايل

[Omrihem]

سؤال الله يسترك بعد ما تقليهم يقعدو يتقرمشو ولا يطراو انا خدمت كل انواع الخطفة المشكل من بعد القلي بشوي يطراو ارجو الرد اختي و بارك الله فيك

[idron0]

يعطيك الف الف صحة

[مسلمة و أعتز بديني]

يعطيك الصحة أختي مشكورة على الطريقة المفصلة
و الرائعة

[اسم مرا]

بارك الله فيك اختي ربي يحققلك جميع امانيك مشكورة