الخوف من الاقامة الجامعية

rania50 · 2014-07-05, 02:01

السلام عليكم انا جيتكم اليوم لانني مقبلة على الباك 2015 و اذا جبتو انشاء الله حابة ندير علوم الاعلام و الاتصال قالولي بلي في الجزائر و قسنطينة برك و انا من سكيكدة و خايفة من الاقامة تاعهم لانو قالو ماشي مليحة عاونوني واش ندير انا حابة نقراها بزاااف

bill02 · 2014-07-05, 02:08

السلام عليكم اختي رانية .شوفي ما تخافي والو كلهم كانوا يقولو هكا لكن الانسان العفيف البعيد عن المشاكل عمرو لا يخاف و لا يوصلوه المشاكل انا نقرا في الجزائر ايضا و نعرف اللي تقيم في الاقامات و عادي جدا و اذا حبيتي تستفسري شوفي واش من اقامة يبعثوك و ادخلي المجمو عة اللي يقراو في العاصمة و منها تتعرفي على بنات يقراو ثمة و هوما يحكو لك اما وجهة نطري عادي جدا

rania50 · 2014-07-05, 02:10

و كيفاه ندخل في المجموعة اللي يقراو في العاصمة؟

darkangel · 2014-07-05, 02:29

هههههههههههههه الإقامة ماتخرجيش من شومبرا من 12 تاع الليل يخرجوللك الأشباح بااالاكي
الإقامة فيها شوية ميزيرية مي ما تخمميش تفوت و تعلمك صبر برك تكون مع بنات تعرفيهم و لاباس عليهم راكي رايحة ت فوتيها مهنية
هاداك لازم تعرفي مع من تسكني و ع من تمشي و تخالطي

bill02 · 2014-07-05, 02:30

طيب هل انت علابالك واش من اقامة رايحة يبعثوك باسكو هذي مجموعة ممكن تصيبي فيها و ممكن لا هي فيها طالبات من مختلف الاقامات

rania50 · 2014-07-05, 02:52

Ok merci bcp les amis

bill02 · 2014-07-05, 02:59

هذا واحد برك كاين يهدر بزاف هههههههه بلا مزية

البلبلة · 2014-07-05, 03:12

اختي مادامك من سكيكدة المفروض يبعثوك لقسنطينة

ورايحة تكوني في جامعة قسنطينة 3

واقامة عين الباي 3

وللصدفة انا مقيمة بها

ظروف الاقامة جيدة

الاطعام مقبول

الامن متوفر وكل المتطلبات الحمد لله

بالاضافة الى انو بزاااااف من المقيمات سكيكديات

يعني تقدري تكوني مع بنات من ولايتك

اي استفسار تفضلي

rania50 · 2014-07-05, 16:21

و اذا تعرفي التخصص هدا تاع علوم الاعلام و الانصال(صحافة) مليح و الا لا لا و فيه مستقبل ؟ و اذا كنت حابة نروح للجزائر مانقدرش؟

rania50 · 2014-07-05, 16:22

و هذا التخصص ماكاه في سكيكدة؟

البلبلة · 2014-07-06, 00:05

اختي والله ماني عارفة

انا مانيش في هدا التخصص

نقراىادارة مشاريع

احنا مشتركين مع طالباتىالاعلام في الاقامة برك