مقادير الوصفة الاساسية
150غ سكر عادي + 150غ زبدة ذايبة وباردة ... تخلطيهم مع بعض باستعمال
ثم تضيفيلهم 3 بيضات * مع رشة ملح* و شوية فاني وتكملي تخلطيهم مليح
ثم تضيفي ملعقة صغيرة تاع الشاي ** ماشي تاع القهوة ** من القرفة وكذلك اخرى من الزنجبيل البودرة
واخيرا تضيفي 180 الى 200 غ فرينة حسب حجم حبات البيض .. ممزوجة مع باكي خميرة الحلوى
+++ وهناك اضافة اللي تحب تشمخ كمية من الزبيب في ماء زهر وتضيفو بعد ما تصفيه كاخر خطوة
تدهني المول بالزبدة وترشيه بالفرينة
وتفرغي الخليط
تكوني قشرتي التفاح * حوالي 3حبات و اذا كانو كبار يكفو 2 *
وتقطعيهم شرائح رقاق وتستفيهم من فوق .. انت وذوقك
تدخليه في الفرن 180 درجة .. واللي يكون دائما مشعول مسبقا
ملاحظة
هذه المقادير تناسب مول قطره 26 سم
ماتجيش عالية بزاف
لكن انا كانت عندي فقط حبة تفاح
وجاوني ضياف
ايا تريشيت في المقادير
ودرت قيس 2 حبات بيض
وطيبتها في المول تاع الكيك
ماصورتش الطرقة كنت مزروبة لكن حاجة ساهلة مافيهاش تعقيد
تشد في الطياب حوالي 45 دقيقة
وكي تخرجيها تحبي رشيها بالقرفة
ان شاء الله تجربوها وتعجبكم
( تقرير عن مشاركة سيئة )، و الموجودة أسفل كل مشاركة .
2014-06-11, 16:08
كيكة التفاح * ممممم روعة *la tarte au pomme
العرض العادي
