شباح الصفراء بالكاوكاو لalmazalina22

modest girl · 2014-06-11, 08:45

صباح الخير للجميع
كيما شفتو هادا موضوع للأخت almazalina22 وضعتو للأمانة كنت حاصلة مع شباح الصفراء او وسوسوني قالولي تجي يابسة وماتجيش بنينة وهي ساعدتني وطريقتها جات هايلة عكس ماقالولي وانا درت بالكاوكاو حكم كل واحد والامكانيات تاعو

هادي الطريقة لي قاتلي عليها ثم ثم رحت جربتها ربي يبارك فيها
حبيبتي انا جربتها مرة بالكوكاو جات هااااااااااااايلة بصح كيما قالت ام ياسين ديري الزاست بزاف وهذي طريقتي
كوكاو محمص شوية مالازمش يحمار واذا عندك المقشر سخنيه شوية برك باش تروح الرطوبة برك وكيلي 3كيلات كوكاو وكيلة سكر وارحيه مع بعض مليح وسيريه وزاست القرص+قرصة ملح فقط للنكهة +فاني +ولمي بصفار البيض حتى تولي عجينة شادة روحها خليها ترتاح حوالي 2ساعة ثم ابداي شكليها على نيلو سمك 2سم او اكثر انت واش تحبي ثم بالمول قطعيها اشكال مختلفة قلب او وردة او مثلث واغمسيها في بياض البيض ضربيه شوية برك باش يتحل واقليها في مقلى ما تلصقش وحطيها تقطر ثم نقيها من الشوائب نتاع البيض وعاودي اقلي بنفس الطريقة كيما تحبي 2 او 3 مرات وكل مرة نقيها من الشوائب وخليها تبرد وحطيها في بورت مونجي واللى المجمد وكي تطيبي طاجين الحلو حطيها مع الاخير تغلي مرة او زوج باش تاخذ بنة المرق مممممممم رووووووووعة حقا خليها تديكونجلا قبل
انا عجبتني ان شاء الله نكون افدتك ودعوة في ظهر الغيب واذا جربتيه حطيها نشوفها هههههههههه سلالالالالالام

فقط لي راح تجربها كي ادير البيض دير بالوحدة لانو كنت راح نتكلح نقول العجينة شايحة وماتحبش تتعجن ولقيت روحي انا لي مالميتهاش مليح وكي تحلها فوق السيلوفان ولا الساشي تقدر تستعين بشوي فرينة ولا نشاء لكن قلييل باه ماتهزش الطعم تاعهم
وتقدو تتحكمو فيهم تخدمو اي شكل انا درت وردة
للأسف مكانش عندي باه نصورهملكم تشوفهم هي و تشوفوهم نتوما ثاني كفاه خرجو طريين والذوق هايل

ادعييو للأخت بالخير ربي يجازيها ان شاء الله

ام قصي · 2014-06-11, 08:59

الله ايبارك نفس طريقتي وحتى انا ابديت تعلمتها بالكاوكاو او جات لا باس اعليها ومن بعد اللوز ملاحظة فقط الزيت لي تقلي فيها متعوديش بيها لا زم وحدى اجديدة

أم آدم و دارين · 2014-06-11, 09:16

يعطيك الصحة أنت و صاحبة الوصفة فكرة هايلة رايحة ان شاء الله نجربها

راجية غفران ربها · 2014-06-11, 11:00

ممممممم نموت عليها قوليلي و المرة الثانية كي نقليها تاني نمرغدهأ في البيض؟؟؟؟؟؟؟

أم إناس · 2014-06-11, 11:16

بارك الله فيك

iaman.fr · 2014-06-11, 13:03

بارك الله فيك اختي

almazalina22 · 2014-06-11, 17:05

مممممممممممممممممم شكرااااااااااااا حبيبتي على الثقة والله كنت رايحة نعاود ندخل لموضوعك وما لقيتوش

وللاخت اللي سالت نعم كل مرة كي تبرد نحيلها الزوائد ومرغديها في بياض البيض واقليها يعني العملية تعاوديهها بنفس الطريقة 2 او 3مراااات باش تجي كشغل مورقة

وشكراحبووووووووووووبة للمرة المليون على الثقة
سلالالام وشكرااا للدعاء

alison dilaurentis · 2014-06-11, 18:59

اكيييد وصفة الاخت almazalina22راح تكووون فوووووور لانها مميزة دائما ومبعدعة في وصفاتها

ام قصي · 2014-06-11, 19:33

اقتباس:

المشاركة الأصلية كتبت بواسطة manel1977

ممممممم نموت عليها قوليلي و المرة الثانية كي نقليها تاني نمرغدهأ في البيض؟؟؟؟؟؟؟

ايه لازم بياص البيض

Kaito · 2014-06-11, 20:35

بارك الله فيك نفس طريقتي

maria sara · 2014-06-24, 23:49

بارك الله فيك نجربها بادن الله

almazalina22 · 2014-06-25, 00:37

شكرا لكل من شجعني انا والاخت صاحبة الموضوع وتقدروا تجربوها خاصة رمضان قريب والله في الطاجين ما تفرقش عن اللوز بزاااااف لانها تتعسل بالمرق ممممممم
بصحتكم كااااااامل حقا مليحة للاخوات كي تكون الامكانيات محدودة سلالالالالالالالامي

ام ظافر · 2014-06-28, 17:21

جربتها اختي اليوم وقالتلي عليها جات 4444444444444444444444ماتفرقش على تاع اللوز