عجينة اللوز la plus facile au monde

fatimazahra09 · 2014-05-25, 17:52

و الالذ طبعا ....انا كان عندي مشكل معاها ...خاصة كي اطول ...رايحا تيبس ...صدقوني هادي الوصفة ساهلة ماهلة ومتعييش SURTOUT تحسبي راكي تخدمي AVEC LA PATE A MODDLé ...مانكثرش عليكم الهدرة هادو المقادير ;
علبة واحدة فوندون يجي ابيض اللون يتباع في المحلات
500 غ غبرة اللوز ... حتى هي تتباع ...amande torréfier يعني بودرة
1 بياض بيضة -20 غ زبدة طرية
extrait d'amande douce - فاني و ملون غذائي .
الطريقة ; تحطي بودرة اللوز و الفوندون تخدمي بيدك شوية ...تزيدي بياض البيضة و الزبدة ...تعجني مليح وتكملي بشوية ملون تحليه في ليكستري نتاع اللوز ...اختاري اللون كيما تبغي برك مالازمش تكثري ارفدي ب le bout d'un cure-dent جيك مليحة عجينة اللوز كي يكون لونها فاتح ..و راكي تخلي شوية عجينة هادي الفاتحة تزيدي تفونسيها بنفس اللون باش تزيني بيها ..
وتحطيها في كيس بلاستيكي ترتاح شوية و تبداي تخدمي بيها .
رايحا نكمللكم الحشو انا نديرو بلاجينواز ... طيبو اي جينواز جيكم خفيفة ومليحة و خليوها تبرد واطحنوها ...
عبرو 3 كيلات نتاع بودرة الجينواز ب1 كيلة مكسرات لعندك تطحنيها شوية خشينة تزيدي 1 م ص فاني و وتلميها بالمعجون ميثال / لاكان درتي عجينة اللوز وردي لمي الحشو بمعجون الفراز .
شكلي حرابيش قطرهم 2 سم وديريهم يرتاحو في الثلاجة شوية ...حلي عجينة اللوز 3 ملم على الاقل طاولة مرشوشة بخليط سكر ناعم ومايزينة على شكل مستطيل وحطي الحربوش الاول ..لفي لفة واحدة واقطعي بسكين حاد ...عندكي تقطعي لاناب ههههه وبواسطة الطابع نتع اينوكس الخاص بالسكندرانيات أو طابع المقروط نتاع اينوكس تاني علمي الحبات وقطعي بالموس .....واذا عندك الرولو ماجيك ..اي نوع حلي بالحلال 5 ملم وزيدي فوتي الرولو ماجيك ...مرة واحدة واضغطي مليح باش يخرج الشكل ..المهم ....ساوي حباتك مليح وحلي العجينة الفونسي بالحلال وقطعي وريدات و لصقيهم بالقليل من بياض البيض .....تقدري تاني تبسطي العجينة مثلا بلون بيستاش و تحلي الحشو على ورق الزبدة وتقلبيه على الطبقة الاولى وتزيدي تحلي طبقة ثانية من عجينة اللوز البيستاش وفوتي عليها رولو ماجيك وديريها من فوق وادا كنتي spécialistes fi les couleurs ديري الطبقة السوفلية خضراء بلون الحشيش والعلوية خضراء بيستاش وقطعي مربعات متساوية sans chute زينيها بالقليل من اللماع الغدائي الفضي .
وبصحتكم انشاء الله نكون فدت بهدي الوصفة واي استفسار راني هنا خواتاتي ...سلام
وهدي من اجل عيونكم وصفة مربى الفراولة
1 كغ فراولة مغسولة ومصفاة ومقطعة على اثنين +800 غ سكر + ملعقة كبيرة عصير الليمون ... هدا الخير كامل يبات في الثلاجة غطيه بالطبع باش ماتريحركش المواد الاخرى ...الغدوة من داك تصيبي السكر ذاب حطي الكل في كسرونة فوق نار قلية 25 د لا اكثر ..وباش تعرفو لا طاب ديرو الافونس طبسي زجاج في الكونجيلاتور كي يكمل وقت الطياب ارفدو 1/2 م ص من سيرو المعجون وفرغوه في الطبسي لرايح يخرج من الكونجيلاتور هاداك الوقت ..وميلو الطبسي ادا شفتو المعجون هارب يعني فات يجري راهو مازال ..وادا هبط حبة حبة راهو وجد ...طفو النار وملاحظة صغيرة اذا بغيتو المعجون مارمولاد يعني مطحون بزاف قبل ما تبيتوه في الثلاجة قطعو الحبةعلى 10 هههههه......ايا بصحتكم ...ودعوة نتع خير ليا ولمولا الدار ولوليداتي تكفي ....شفتو شفتو كيفاش راني نتقلش عليكم .

sissou nrdn · 2014-05-25, 18:08

تبان مليحة نطبقها ان شاء الله في هذا رمضان و نردلك الخبر...........شكرا

رنيم1 · 2014-05-25, 18:56

مليحة بصح سؤال
البياض البيض نيء نورمال فيه
وهل نقدرو نستغناو عليه ولا هي الي تخليه رطب

fatimazahra09 · 2014-05-25, 19:22

نعم بياض البيض نيئ ...ماتخافيش هدا السر باش جيك عجينة اللوز خفيفة...وما جيش فيها ريحة البيض .....فيها عطر اللوز والفاني

روضة من رياض الجنة · 2014-05-25, 19:36

بارك الله فيك علي الوصفة انا موالف نديرها بجوز الهند والفوندون لكن مانستعملش البياض البيض ان شاء الله نجرب طريقتك ونردلك الخبر

rahafpolat · 2014-05-25, 19:57

merci ma chere

fatimazahra09 · 2014-05-25, 21:18

فكرة جيدة ...روضة الجنة ياتيك الصحة

حياتي نبع امل · 2014-05-25, 21:32

مارسي عليك 444444444444444444

ام خليل § · 2014-05-25, 21:59

شكرااااااااااااااااااااااا

fatimazahra09 · 2014-06-22, 15:13

شكرا ليكم
بارك الله فيكم
ورمضان كريم ان شاء الله

ليليا25 · 2014-06-22, 15:22

عندى نفس المشكل كي تقعد عجينة اللوز تيبس شكرا على الوصفة

تسنيم مسلمة · 2014-06-22, 15:36

عجبتني ... مليحة تغلفي بيها الباتيسري ..
نجربها إن شاء الله و نردلك الخبر
بارك الله فيك

fatimazahra09 · 2014-06-22, 15:37

اقتباس:

المشاركة الأصلية كتبت بواسطة ليليا25

عندى نفس المشكل كي تقعد عجينة اللوز تيبس شكرا على الوصفة

وين قريتي المشكل هادا لي راكي تحكي عليه
هادي وصفة نخدم بيها في شحال من عام و بالاك استغفر الله الحلوى تيبس و عجينة اللوز هادي ما تيبسش
برك لاكانت شروط الحفظ غير سامحة
انتي لفيها في فيلم اليمونتار وديريها في علبة محكمة الغلق و حطيها في الثلاجة
واش خصها مخدومة بالفوندون و فيها الزبدة وبياض البيض لي يخليها اوموجان من الداخل وسهلة التشكيل
سالي المجرب ولا تسالي الطبيب
انشاء الله تجربيها و تعاودي ترديلي الخبر
سلام حبيبتي ورمضان كريم ان شاء الله

idron0 · 2014-06-22, 21:32

ما شاء الله

fatimazahra09 · 2014-06-22, 23:54

اقتباس:

المشاركة الأصلية كتبت بواسطة idron0

ما شاء الله

شكرا حبيبتي
ياتيك الصحة