سؤال ..هل قاطعتم الدراسة في الثانوية

رميساء خولة · 2014-04-09, 13:51

السلام عليكم اما بعد...............اول مرة في حياتي نشوف طلبة البكالوريا يقاطعوا الدراسة من اسبوع الاول نتع افريل العوام اللي فاتوا عامين قبلي في الثانوية قعدوا التلاميد حتى الماي
هل قاطعتم الدراسة انت انا بصراحة عدت كي نروح القسم فيه 5 او اقل نقول نقعد في الدار خير تعيشو قولولي الليسي مهم في الايامات هدو والله عدت كي نروح اغيضوني ليام اللي فاتو حسرة كبيرة قبل نهاية العام

chaima+ · 2014-04-09, 14:10

يا أختي الحضور في كل المواد مهم جدا لأخر لحظة لأن الاساتذة سيقدمون نصائح غااااااااااااااااالية لاتعوض

younes.25 · 2014-04-09, 14:18

والله يا اختي انا اصبحت نروح للمواد العلمية برك والسمانة الثانية منزيدش نروح والله راهم يغيضوني الليام لنحظرهم هكاك ماندير فيهم حتى حاجة نصيحة مني احضري المواد العلمية برك ومواد الاخرى واقعدي في الدار استفادي خير والله الليسي مايفيدكش دوك والله

sasuky · 2014-04-09, 14:20

الدراسة مفيدة ربما تستفيدي من اي معلومة قد تفيدك في البكالوريا

bilal199 · 2014-04-09, 14:24

انا راني نروح ، ساعات نندم كي نروح و ساعات لالا ، كي نندم نجبد نقرا وحدي في القسم .
على ربي و خلاص هو مولانا و عليه توكلنا

Houda Meria · 2014-04-09, 15:35

حنا مازلنا نقراو في الليسي يا اختي انت روحي تقراي بروفيتي كاش حاجة مافهمتيهاش يفهموك فيها الأساتدة

Houda Meria · 2014-04-09, 15:38

حنا مزالنا نقراو المهم يا أختي روحي بالاك تزيذي تستفادي شوية و بروفيتي الحاجة لي مافهمتيهاش يفهموك الاساتذة فيها

وردة مـن ذهـب · 2014-04-09, 17:00

شوفي النقائص تاوعك و روحي للأساتذة يفهموك و زيدي كاش أسئلة غامضة في كل المواد اسألي عليها الأساتذة

نجلاء السلفية · 2014-04-09, 18:15

معظم التلاميذ يحضرون ،إن لم نقل الكل ،لكنّ أحيانا يخرجون في ساعة الفلسفة أو الفرنسية ،لكنّ ليس كل مرة

موفقة أختي رُميســآء ♥

Wiem4 · 2014-04-09, 18:19

بالنسبة لثانويتنا الجميع حاضر فمثلا في قسمنا يوجد ولد فقط غائب و الجميع حاضرون فنحن لم ننهي البرنامج بعد في اي مادة لا انصحك بالتوقف

Ahn Min Young · 2014-04-09, 19:12

وبالنسبة لينا جهة النهائي راهي فراغاااااااااااانه مناش نروحو كامل

أمينة بوعوينة · 2014-04-09, 19:14

أنا مازالني نروح أصلا ماكملنا والو غير العربية

وزيد اللي يقراو معايا ( المعيدين) يجيو غير في الرياضياتو فيزياء وعلوم

ابتسام! · 2014-04-11, 13:31

حــنا الحمد لله معندناش هذي العقلية تاع نتخلاو على الدراسة بالثانوية
الكل حاضرين عادي و الدروس تقدم عادي اصلا مزال مكملناش البرنامج
اختي انا ننصحك تحضري عادي و اذا عندك استفسارات سقسي الاساتذة
بالتوفيق للجميع

yousra kiki · 2014-04-11, 16:08

mam 7nayaa makanch ga3 9rayaa nal9a 4 f la classe n3awad nakhroj