مشاركتي في مسابقة أجمل طبق رئيسى (البدنجان )

[نسائم الصباح]

بسم الله الرحمان الرحيم

السلام عليكم .يسعدني أن أكون أول من تضع وصفة طبقها لي شارك في المسابقة .

هذا الطبق خلطتوا وجلطتوا من رأسي .وبطريقتي .نتمنى يعجبكم .وبكل صراحة خرج لديد

نبدا بالمقدير :

المقدير كيما راهي موضح في الصورة

أولا نطيبوا اللحم المفروم مع البصل وبعض التوابل المعروفة .ونحطوه على جنب .كي يبرد شوية نكسر فيه حبه بيض .

.

ندوزن مرق الأرز بالطريقة لي تعجبكم .مافيهاش وصفة معينة .

.

بعدين نمرق ونخليه يطيب .وفي نفس الوقت نكونوا وجدنا الأرز وفورناه أو نفخوه غير في الماء الحر

.

نحظر البدنجان على طريقتين .الأول نفرغها من الذاخل والثانيا نقطعها بالطول شرائح طويلة .ثم نملحها ونحطها على جنب بش تخرج كل الماء الموجود فيها وماتكحلش

.

شوفوا النتيجة بعدما خرج الماء من البدنجان

.

ننتقل الأن إلى الأرز .بعدما طاب المرق .ونفخنا الأرز في الماء والملح والقليل من الزيت .وبعدما صفينا الأرز .نحطوا في المرق ونخليه
نروح نوجد البطاطا لي نحشي بيها البدنجان .نسيت مصورتش هذه المرحلة لأنها سهلة .
نقلي البطاطا ثم نرحيها ونضيفلها الفلفل الأسود والزنجبيل والكمون والمعدنوس والجبن والبيض ونحطها على جنب هي واللحم المفروم

ضرك نوجد الصوص

صوص الطماطم الرائعة : نحط في قدر طماطم وثوم وبصل زيت زيتون وثوابل كيما لي حطتها في البطاطا ونضيفلها أوراق الريحان ..ونحطها على نار قليلة بدون ماء
ونخلوها طيب .بعدما طيب نرحيها في الميكسور حتى تولي ناعمة
ونخليها على جنب

.




نغسل البدنجان من الملح أو نمسحوا .بش مايجيناش مالح .ثم نذهن بالزيت من الداخل والخارج و نتبلُ من الداخل بالكمون وبدرة الثوم والزنجبيل والليمون والفلفل الأسود ونذخلوا للفور بش يطيب نصف الطياب




بعدما دبل البدنجان نخرجوه من الفور ونخليوه يبرد .نلصق قطعتين في بعضاهم بالبيض ونحشيهم
الطبقة الأول بطاطا لي كونا حضرناها
الطبقة الثانية اللحم المفروم ونزيد نرش عليه السماق .وهذا إختياري
الطبقة الثالة جبن مبشور .النوع لي متوفرلك .بصح من الأحسن لي يدوب



ثم نلفوهم ونحكموهم بأعواد الأسنان من الطرفين بش مايتفتحوش ونحطوهم في صحن الفور بعدما نكونوا دهناه بالزبدة



اما البدنجان لي فرغناه من الداخل نحشوه بالأرز أو بمكعبات خضار .من إختيارك
.

بعدما نحطوهم في صحن الفور نفرغ فوقهم الصوص وندخلهم للفور .حتى يطيبوا .تقدري سيدتي تغطيهم بورق الألمنيوم بش يطيبوا أحسن

.

وكي يطيبوا نرش عليهم الجبن
.




لي نحيتوا من البدنجال تبلت وفورتوا ودرتوا بيه سلاطة بابا غنوج .

.

وشهية طيبة للجميع




إضغط هنا لرؤية الصورة بحجمها الطبيعي.




.

ملاحظة :تقدروا ماتحطوش صوص الطماطم والجبن فوق البدنجان .بش تعطلكم شكل أجمل لي لفايف البدنجان .وتحطوه غير على جنب الصحن لتزين
اما البدنجان المحش بالروز فالجبن ضروري من فوق بش يعطي شكل أجمل

دعوة في ظهر الغيب تفرحني أكتر من التصويت

[أم إناس]

طبق راءع وجميل وأكيد لذيذة
يعطيك الصحه

[ادرة مكنونة]

باين هايل ياخسارة محرجتش المقادير

[ام لقمان02]

الله يبارك تسلم الايادي

[ام نوردين]

يعطيك الصحة يا الفحلة قايمة بيها حتى فى الطبخ كنت نتبع فيك ومازال رانى نتبع في المسابقة تاع الاعمال الفنية ونهنيك اعمالك عجبتنى وموفقة ان شالله على الجهتين وماتنسايش الباروك

[ام سهام 02]

تسلم الايادي.

[حفيظة42]

يعطيك الصحة أختي ماشاء الله عليك

[sandibal]

rawwwwwwwwwww3a
ahssan tabak fi elmossabaka benisseba li tab3an

[kika85]

عجبني طبقك حبيبتي وحتى العلبة الي زينتيها والمئزر ربي يعطيك صحيحتك انشا الله.....

هاااااااااايل يعطاك الصحة حبيبتي

[نسائم الصباح]

شكرا على كلامكم الجميل و تشجيعتكم الأروع



أعدروني على عدم الشرح .وقت ضيق جدا كي نلق وقت نشرح

[ام كوكو]

يعطيك الصحة نسائم عجبني بزاف الطبق انتاعك جميييل بارك الله فيك

[أم أسماء 2]

رووووووووووووووووووووووووووووعة يعطيك الصحة

[x ام رحاب x]

يعطيك الصحة حبيبتي فووووووووور

[it's me]

طبق هايل يعطيك الصحة