والله هدا ظلم يا سي بن بوزيد

[زينوبة باك]

السلام عليكم
اصدقائي في المنتدى انا جد منهارة لحد الان لم استوعب الخبر مديتش الباك طلعلي المعدل 09.71 ولله غير سابوطاونا مدوه للعلمين وحنا الادبين دارونا اكوتي بكيت بصح تفكرت ربي هدا واش كتبلي مالقري قريت و سهرت و تعبتو كنت دايمن من المتفوقين وين راسي حبس كي زت سمعت بلي داوه غير هادوك لي فوايو نتاع ليسي كاين شي ناس صدقني حصة مكانو يحضروها او كي يجو يديرو غير السمير .................................................. ...... لعله خير بالاك ربي يبغيني خرمنهم كيما قالتلي ماما ربي يخليها ليا بصح يطيه الصحة السي بن بوزيد راه داير غرضو فينا ولادهم يعرفو وين يبعتوهم يقراو وحنا دايرينا فئران تجارب ..............مبروك عليكم اخواتي في المنتدى لي داو الباك و لي ما داوهش عقوبة لعام الجاي انشاء الله ماشي نهاية العالم صح تعبنا بصح قدر الله ما شاء فعل او خلو ايمانكم بربي كبير او ما تقنطوش من رحمتو لعاو الجاي بشويا عزيمة او ارادة او ايمان بالله داينو بادنه باي راني نستنا ردودكم لا تبخلو علينا باسكو رانا في حاجتكم بزاف و السلام عليكم ورحمة الله تعالى و بركاته