موضوع جديد ادعوكم للدخول...مرحبااا

salie · 2014-03-20, 21:33

السلام عليكم اخوتي ,

اولا اشكركم على كل المساعدات التي ساعدتموها لي و لكل مختلف الاعضاء هنا سواء بمواضيع فروض او....تصحيحات لاخطائنا شكراا على المجهوددات المبذولة اتمنى لكم دوام التقدم و النجاحات ..وفقنا الله و اياكم....
**اما الان: نطلعوا شوية موورااال او قولولي:

1-ماهي احلى حاجة جوزتوها في هذا الفصل؟؟ (عفايس لي يضحكوا برك ).
2-و ماذا تريدون ان تغيروا من انفسكم ؟؟

**أي غلطات تترجم مباشرة الى حلول و تصحيحات ايجابية مئة بالمئة؟؟؟؟***

-ضعوا وحددوا اهدافكم فقط نحو الافضل فقط التغيير الى الاحسن ....

كما في توقيعي:
Set your goal -improve your-self more..you'll find your road.

*شكرا لكم على حسن القراءة =) و اليكم الخط اخواني....

ارجو التفاعل و فقط الردود الجميلة .....

انطلااااق.............

اسيل منة الله · 2014-03-20, 21:43

انتي دائما بارع يا سالي
ظرك نقلك انا واش صرا في الفصل 2222222222222

salie · 2014-03-20, 21:44

ههه انا في الانتظار اختي اسيل شكراا على مرورك العطر

sissi yasmine · 2014-03-20, 21:47

ana lhaja l mliha ki ykherjouna les proff f jama3a m3a shabati w nge3dou ngessrouu kifkif bswaye3 w lhaja l 3yana li haba nbedlha hiya bah nwli nrekez chwiya fl classa psk rai walouuuu manteb3ch kaml ama lghlta li drtha hiya .................................................. ...................................... je si pa mazal malgitech wida rakoum habin t3awnouni rani dayra wahd sujet liya f 9sam dardachat banat fa9at svp edkhlou w a3tiwli raykoum

اسيل منة الله · 2014-03-20, 21:50

هربنا كامل على طول الفصل الثاني من حصة الانجليزية التي هي 3.5 الى 4.5 لان انا قائدة حركة الهروب من الكلاصة انا و رفيقتي روحي ليلى ويسرى لان عندنا مسلسل متبعينو من 4الى 5 ................
وكنا نتخيلوا دائما ردت فعل استاذ كي يلقا لكلاصةفارغة .........ههههههههههههه كم ممتع ذلك الشعور

تالية القرآن · 2014-03-20, 21:51

موضوع تفاعلي , من أجل الترفيه لا غير !

الظاهر أن هذه السنة قد حملت من المواقف التعيسة المحبطة

أكثر منها ظريفة وطريفة , خصوصا أصحاب الفرع الرياضي .

شخصيا ,لم أذق الطعم الحقيقي للدراسة منذ أن التحقت بهذه الشعبة

سوى أني أحظر لفرض ما أو أمتحان ...الخ, ورغم ذلك تبقى النتائج المتحصل عليها كارثية !!!؟؟

وعلى ذلك ,فاني كثيرة المناقشة لا أرضح الى هفوات الأساتذة في التصحيح أو كيفية معاملاتهم

بالنسبة لزملائي الأخرين , حتى لقبني معظهم بلقب خاص لم يعجبني , والكل ما رأيكم أن تجعل منك

طائفة من الأساتذة لقبا لشيمة ما قد اتصفت بها طوال الفترة الدراسية ؟, حاليا أعمل على تغييرهم

وتغيير نفسي أولا .

اسيل منة الله · 2014-03-20, 21:53

اقتباس:

المشاركة الأصلية كتبت بواسطة sissi yasmine

ana lhaja l mliha ki ykherjouna les proff f jama3a m3a shabati w nge3dou ngessrouu kifkif bswaye3 w lhaja l 3yana li haba nbedlha hiya bah nwli nrekez chwiya fl classa psk rai walouuuu manteb3ch kaml ama lghlta li drtha hiya .................................................. ...................................... je si pa mazal malgitech wida rakoum habin t3awnouni rani dayra wahd sujet liya f 9sam dardachat banat fa9at svp edkhlou w a3tiwli raykoum

راني جاية اختييييييييييييييييييي

salie · 2014-03-20, 21:57

اقتباس:

المشاركة الأصلية كتبت بواسطة sissi yasmine

ana lhaja l mliha ki ykherjouna les proff f jama3a m3a shabati w nge3dou ngessrouu kifkif bswaye3 w lhaja l 3yana li haba nbedlha hiya bah nwli nrekez chwiya fl classa psk rai walouuuu manteb3ch kaml ama lghlta li drtha hiya .................................................. ...................................... Je si pa mazal malgitech wida rakoum habin t3awnouni rani dayra wahd sujet liya f 9sam dardachat banat fa9at svp edkhlou w a3tiwli raykoum

اولا اختاه يرجي الكتابة باللغة العربية لانه سيتم حظرك من قبلي ههههه.
2-ههه فيها حلاوة هادي لكن لم تحدث لي مطلقا لانني اغوص مع اساتذتي.......لكن اتركيها فقط احياااانا للذكرى فقط لكن ابتعدي عنها كليا
هادي مليحة + التركيز هدفنا حقاا كلنا نسعى اليه وبالمداومة سنحصل عليه باذنه تعالى شيء ليس بالصعب يحناج فقط للجري وراءه هههه.
ممم بخصوص موضوعك في القسم الاخر ممكن اتصفحه......ههه ادا لقيت تجاهل لموضوعي راكي في الشك اختي هههه اعدك بتصفحه الان ام لاحقا لا داعي للقلق..شكرا على مرورك العطر

salie · 2014-03-20, 22:13

اقتباس:

المشاركة الأصلية كتبت بواسطة اسيل منة الله

هربنا كامل على طول الفصل الثاني من حصة الانجليزية التي هي 3.5 الى 4.5 لان انا قائدة حركة الهروب من الكلاصة انا و رفيقتي روحي ليلى ويسرى لان عندنا مسلسل متبعينو من 4الى 5 ................
وكنا نتخيلوا دائما ردت فعل استاذ كي يلقا لكلاصةفارغة .........ههههههههههههه كم ممتع ذلك الشعور

ههه هذه التي كنت انتظرها الهروب تصرف ممتع للغاية
حنا تاني نديروها في قسمي او انا لي نحكم احم احم لكن للاسف كاين مجموعة في قسمنا نلقبها بالحركيين لانها تعد و لا تطبق
يعني أي قرار نقرروه يجب حملة ذات منفعة عامة لاقناع تلك المجموعة التي هي عبارة عن ولد و و مجموعة من البنات اففف

و الشيء لي كمل على لي بقااا هو
يديرولي نهاد نهاد الهربة على الربعة انا مكاش مشكل نخرج منبعد تصوني الجرس تاع الحبس هاداك و نقلع انا و صديقتي نكملو حتى وين يخلاص الرواق و نجيو حابطين فالدروج حنا نشوفو مورانا نلقاو القسم لحق للباب تاع القسم او عاود ولا اه ياربي معامن راني نقرا من بعد انا وصاحبتي نخرجو نلقاوهم قاعع جاووو ههه بلا كلمة انا و صاحبتي و او وحد 2 بنات او 3 ولاد هاكداك

اقتباس:

المشاركة الأصلية كتبت بواسطة تالية القرآن

موضوع تفاعلي , من أجل الترفيه لا غير !

الظاهر أن هذه السنة قد حملت من المواقف التعيسة المحبطة

أكثر منها ظريفة وطريفة , خصوصا أصحاب الفرع الرياضي .

شخصيا ,لم أذق الطعم الحقيقي للدراسة منذ أن التحقت بهذه الشعبة

سوى أني أحظر لفرض ما أو أمتحان ...الخ, ورغم ذلك تبقى النتائج المتحصل عليها كارثية !!!؟؟

وعلى ذلك ,فاني كثيرة المناقشة لا أرضح الى هفوات الأساتذة في التصحيح أو كيفية معاملاتهم

بالنسبة لزملائي الأخرين , حتى لقبني معظهم بلقب خاص لم يعجبني , والكل ما رأيكم أن تجعل منك

طائفة من الأساتذة لقبا لشيمة ما قد اتصفت بها طوال الفترة الدراسية ؟, حاليا أعمل على تغييرهم

وتغيير نفسي أولا .

نعم اختي الموضوع كذلك دكريات حلوووة رائعة

نعم اختي تقريبا كلنا نفس الوضع ندرس و نبذل مجهودنا بعدها نتفاجئ بعدم ادائنا في الامتحانات جيدا و بالمستوى المرغوب فيه .. هذا طبيعي لكنه يحتاج الى لمسة من التغيير في العيوب و خاصة الاخطاء الصغيرة منهااا..لانها مهمة بالدرجة الاولى لازال لدينا في الاجمال اربعة فصول كاملى ان شاء الله للبكالوريا يمكننا تصحيح جميع ما فاتنا من اخطاء وفقك ربي
اما بخصوص المضايقاتمن قبل الزملاء هذا راجع اما لصغر عقولهم او انك منعزلة قليلة و متشبثة بشخصيتك
حاولي ان تتفتعلي مع الجميع متلي انا
اعرف المتوسط و من نفس مستواي و من الجيد و الممتاز و الكل يتفاعل معي لاني اتكلم في كل المواضيع القابلة للتحدث عنها ....

اسيل منة الله · 2014-03-20, 22:26

يوميات رواق ذاك مايخلصوش حنونة عذبناه ذاك الرواق من كثر محنا طالعين وهابطين

اسيل منة الله · 2014-03-20, 22:35

نزيدك حاجة برك .....☺
كان عندنا قروب ثمة ميحبش هربة وظوك صوالح املا عندنا وحدل طفل يقرا معانا سمامهم الارهاب ........ وحنا واحد ثمة هبلناه خرجناه من رحمت رب وحنا نقلول الارهابي في عينوا وكان رئيس القسم كان كي يقلنا استاذ وين راه الدفتر واش نقلولوا الارهابي مجابوش

المهم كراهناه وحد الحصة تع علةم اسلامية تالية بدات استذة متناقشين ........قللها .استاذة استاذة راني حاب نعةد امام مي راني خايف كي جو شوفوا دوسي نتاعي يلقوني يقلولي ارهابي ..راني خايف .راني خايف

وطاحت لكلاصة كامل تموت بضحك نشفالها ساعة كامل وحنا نضحكوا وزدنا هبلناه
كم ممتع ذاك نهاااااااااار

هههههههههههههههههههههههههههههههههههههههههههههههههه هههههههههههههههههههههههههه

soulami sousou · 2014-03-20, 22:45

انتيم راكم تهبلوا وحلوين بزاف حنا قسمنا صامط فيه غير الحسدين والحقودين واقراييين .......... وماكان حتة مغمرات سوى في حصة تاع 2 سوايع رياظيات تفهمنا باش نهربوا البنات والدراري ام لا الدراري كامل هربوا وقعدوا قالبنات ........هههههههههههه شريرات ....ودارولهم استدعاءات.......احسن يوم.تفشينا فيهم..هههههههههه

salie · 2014-03-20, 23:09

اقتباس:

المشاركة الأصلية كتبت بواسطة اسيل منة الله

نزيدك حاجة برك .....☺
كان عندنا قروب ثمة ميحبش هربة وظوك صوالح املا عندنا وحدل طفل يقرا معانا سمامهم الارهاب ........ وحنا واحد ثمة هبلناه خرجناه من رحمت رب وحنا نقلول الارهابي في عينوا وكان رئيس القسم كان كي يقلنا استاذ وين راه الدفتر واش نقلولوا الارهابي مجابوش

المهم كراهناه وحد الحصة تع علةم اسلامية تالية بدات استذة متناقشين ........قللها .استاذة استاذة راني حاب نعةد امام مي راني خايف كي جو شوفوا دوسي نتاعي يلقوني يقلولي ارهابي ..راني خايف .راني خايف

وطاحت لكلاصة كامل تموت بضحك نشفالها ساعة كامل وحنا نضحكوا وزدنا هبلناه
كم ممتع ذاك نهاااااااااار
ههههههه مصونيين
والله بالرغم من كل تصرفات الاساتذة معنا الغير لائقة الحقاريننن الا انهم راهم حاملين هبالنا
هههههههههههههههههههههههههههههههههههههههههههههههههه هههههههههههههههههههههههههه

اقتباس:

المشاركة الأصلية كتبت بواسطة soulami sousou

انتيم راكم تهبلوا وحلوين بزاف حنا قسمنا صامط فيه غير الحسدين والحقودين واقراييين .......... وماكان حتة مغمرات سوى في حصة تاع 2 سوايع رياظيات تفهمنا باش نهربوا البنات والدراري ام لا الدراري كامل هربوا وقعدوا قالبنات ........هههههههههههه شريرات ....ودارولهم استدعاءات.......احسن يوم.تفشينا فيهم..هههههههههه

بعدا الفراييين القسم لي قدامنا يغيرو منا كي متفاهمين يقولونا نتوما كلاسة فورر لان ف افير تاع هربة العدو يرجع صديق
طيييح المفاهمة...

و اليامات تاع الرياضة و القفز الطويل و السقوطات المضحكة
كاين ولد سمين

يقولوا اجري الرمل طعام باللحم يبداو قاع يضحكوا جنونية تصرفاتنا

اسيل منة الله · 2014-03-20, 23:16

والله كم كانت مضحكة تلك الحظة لي قلها استاذة وكان يشوفو دوسي نتاعي ويلقاوا كانوا يقلولي ارهابي ...................... تقولي راه رايح يفوت في العسكر
ههههههههههههههههههههههههههههههههههههههه
والله يا اختي كنا نبدلوا غير في الهم تع الامتحانات برك وهو كان ثاني يظحك معنا .الله يهديك مصونين .....................

arwa zein · 2014-03-21, 10:37

كون نڨوللكم حنا واش نديروا في class عندنا واحد يقرا معانا يعرف يمثل بلي داخ والحصة لي متعجبناش يلعبها داخ او تغاشى كون تشوفو وجوه الاساتذة يصفارو يخضارو ڨاع les couleur تشوفهم في وجوههم من الخلعة بصح يجيبولنا وحد الضحكويلحولنا وحد الليزان يڨتلو بضحك