عاجل صديقتي بين الحياة و الموت

[مشكلتي]

السلام عليكم
في الحقيقة هي مشكلة عويصة لصديقتي هي هاد العام عندها باك و قرات الشهر الاول كي مرضت امها مرض عضال اضطرت بصفتها الوحيدة عند امها باه تقعد في البيت و تساعدها و اليوم امها بين الحياة و الموت و راهي تقولها اقراي للباك تاعك و لازم تنجحي و هي حايرة كفاه تعوض و كفاه تقرى و امها في هاد الحالة و مع ما حضرتش 5 اشهر للدراسة ارجوكم كفاه نقدرو نعاونوها راهي بين الحياة و الموت هي و امها انا كصديقة اقترحت عليها تحط شهادة مرضية كي يقرب الباك و ما تفوتش و العام الجاي تعاود و تحقق حلم امها راهي على فراش الموت يا الخاوة واش رايكم في الحل تاعي ليها ؟؟؟

[سجل أنا جزائري]

السلام علييكم

انا مع الحل الذي اقترحتيه لحظات مع الأم لا تعوض و خاصة اذا كانت في فراش الموت

خليها تقوم بأمها فالعناية بالأم لا تعوض فاذا قدر الله لها الرحيل تفعلى الأقل درات واجبها نحوها و متندمش مبعد و تقدر تعاود العام القادم

او ممكن يكتب الله لها الشفاء فالأعمار بيد الله


ربي يشفيها و يوفق أختك ان شاء الله

[sofix206]

الله يشافيلها يماها وجميع مرضى المسلمين آمين يا رب ... الحل ديالك يا ختي هو الصواب تعتني بيماها مدامها هي الوحيدة ليها و العام الجاي تسجل وتجوزو ونشالله تجيبو

[حنين40]

ربي يعيينك على هذا الشئ ويفرج عليكم اللهم لا سهل الا ما جعلته انت سهل فسهل اللهم على هذه الاخت امرها وخفف عيئها أمين

[عصـــام]

حل رائع ، حالتها النفسية لا تسمح لها بإجتياز إمتحان البكالوريا ، والإستعداد النفسي هو أحد أهم العوامل الأساسية للنجاح ، أما والدتها دعائكم يا إخوان ويا أخوت للشفاء العاجل يا رب ، أتمنى لها شخصيا كل الراحة انفسية والتوجه العلمي مازال المشوار طويل ، والله الموفق .

[omhadil]

الباك بحر عليه الى راح سنا العام الجاى تعاودو بصح يماها راهى متتعوضش وهاذى مافيها حتى نقاش لازم عليها تقعد مع يماها وترفدها
والاعمار بيد الله والى كتبها ربى جوز نطلب من ربى يشفيها يارب وتفرح ببنتها وشفوها جابت الباك انشاء الله

[gazala22]

امها اولا وبعدباك دعوة الخير من الوالدين

[المشتاق للاحبة]

سلام
الله وحده ادرى باجال العباد حنايا ندعوا لهذه الام بالشفاء العاجل ان شاء الله اما بالنسبة للبنت اقتراحك اختي هو احسن حل لان في هذه الدنيا كل حاجة تتعوض الا الوالدين نسال الله العافية
وربي يكون في عونها ان شاء الله.

[koukou23]

ربي يشفيها وتفرح بابنتها

[monaco12]

الله يشافي كل المسلمين

[feuilleblanche17]

انا من رايي تهتم بامها خير تربح دعوة الخير
و اقتراحك مليح العام الجاي تعاودوا و بالتوفيق و بالشفاء لامها و لكل مرضى المسلمين

[dalal 28]

ربي يشفيها ويخفف عنها يارب

[hano.jimi]

ربي يشفي امها وكل المؤمنين اما بالنبيو للبنت عليها ان تهتم بدراستها وتقسم وقتها من جهة ان ترضي ولدتها ولا تجعلها تحس بالدنب لان بسبها تركت دراستها
اختي ربي يشفي امكي واهتمي بها وربي بعينكي .

[خولة لبابة]

لا تحتاج الى تفكير,,,,,,أمّها قبل كل شيء,,,,,,في العام المقبل ان شاء الله تعاود تجاوزه,,,,,رأيكي على صواب,,,,

[شرشورة2]

اولا شكرا لك على حيرتك على صديقتك و جعلها الله في ميزان حسناتك و ثاني انا اشاطرك الراي هي تقعد مع ماماها و العام الجاي ربي يجيب لي فيه الخير