واش ندير

مشكلتي · 2014-02-22, 20:33

السلام عليكم
انا رايحة نحكي حكايتي وباختصار
انا عندي مدة تعرفت على شاب و من بعد بعدت عليه و دركي راه عندي عامين و هوا مزال يحوس على نيميروو انتاعي و يحوس يهدر معايا ف الحقيقة جا خطبني و اهلي ما قبلوش و هوا ما قطعش الامل ره مزال يكلم فيا و كل مرة بنيميرو جديد
واش ندير معاه نحكي معاه و نقولو يا بن الناس متزيدش تكلمني ولا منربونديش كامل عليه

yousra14 · 2014-02-22, 22:32

بسيطة جدّا غيّري رقم هاتفك وإذا عثر عليه أخبري والدك بالأمر وهو يعرف كيف يصرفه عنك .
أمّا أنت فلا تكلّميه فسيتحجّج بأيّ حجّة لجعلك تكلّمينه وربّما سيستدرجك لأشياء أخرى والله أعلم .
كان الله في عونك والسلام عليكم .

عبد الناصر الجلفاوي1 · 2014-02-22, 22:54

ديري كيما قاتلك الاخت يسرى ولا بلا ماتبدلي نوميروك قوليلوا انساني ومتزيدش تعيط في هدا النوميرو ربي يبعد عليك العين ان شاء الله

tuba21 · 2014-02-22, 23:42

ايه جاوبيه قوليلو متزيدش كامل تعيطلي

ادا فهم بالعقلية مليح سينو احكي مع احد اخوتك واخبيريهم بالامر اوحتي مع الاب و هو يعلم جيدا كيف يتصرف

fatma2012 · 2014-02-23, 07:39

غيري رقم الهاتف نتاعك ولا تكلميه نهائيا سيستعطفك ويستدرجك قلنا خلاص شوف جهة أخرى الفاهم من غمزة وإذا كلمتيه أنت تحوسي عليه ماشي هو.... سلام

فايزة العباسية · 2014-02-23, 10:08

قلتي راه يحوس على النيميرو نتاعي وقلتي مازال يهدر معاي كل خطرة بنيميرو جديد معناه راكي مديتيلو نيميروك

سمحيلي ربما بدون قصد راكي تمديلو في الامل وحتى لوكان مازلت تحبيه والديك ماراهمش راضيين وووالديك يعرفو

صلاحك خير منك انسيه وربي يرزقك خير منو

ABDOU ELE · 2014-02-23, 10:27

ســـــــــــــــــــــــــــلام

ساهل................استغني عن الهاتف النقال فلست بحاجته....................

ابوبكر17.00 · 2014-02-23, 10:32

السلام عليكم
من وجهة نظري لا تردّي عليه لأنك إذا رددت عليه سيحاول أخرى و أخرى حتى تليني له و يغرقك في دوّامة
لذا أرجو أن تغيّيري رقم هاتفك من أجل مصلحتك و إذا استدعى الأمر أخبري أهلك و انتهى
كان الله في عونك

malak rohi · 2014-02-23, 10:34

كي رفضوه والديك ما عندك ما تديري بيه اخطيك و ما تحكيش معاه

naamane3 · 2014-02-24, 12:56

ساهلة عندما يتصل بك
قوليلو كلمتان لا ثالث لهم
زيد عاود ارواح اخطب
واذا ما قبلوكش الله غالب
وكوبي عليييييه
وما تزيديش فوق هاذ الكلمات

محمد جديدي التبسي · 2014-02-24, 14:48

لا تردي عليه أو ضعي رقمه في قائمة الحظر وسيأتي يوم ويمل ويبحث عن غيرك