هام هام جدا لكل طلبة الثانوي خصوصا bac 2014 -- اضراب يوم 23 الاحد فيفري 2014

ahmed-fort · 2014-02-21, 14:02

سلام عليكم

الرجاء قراءة المطبوعة التالية + نشرها قدر المستطاع .....

عمرو2009 · 2014-02-22, 10:26

هذا ما خص اضراب تلاميد كون جيت منكم راني نندب نقرا ليل و نهار مانعرف

جمانة العلمة · 2014-02-22, 10:58

ايه اضراب نهار الاحد ولازم يكون وطني نرجعوا حقوقنا

تالقي احلامي · 2014-02-22, 12:13

لست ادري لما يخلط البعض بين اجتهاد الطالب وبين المطالبه بابسط حقوقه وهل عليه هو ان يتحمل تبعات مصلحة الاخرين لما عليه ان يتلقى دروسا بلا شرح وهل من العقل المطالبه بانهاء البرنامج في مده اقل من التوزيع السنوي وهل من المقبول ان ياتيه سؤال حول درس لم يتلقاه في القسم لما عليه ان يتحمل كل هده الضغوطات

نعمة القدوس · 2014-02-22, 15:22

أصلا حنا ماناش طلبة بعد

لذا ماعندناش الحق نضربوا .. وايني نقابتنا ؟

+

ماتجي غير علينا

sasafede · 2014-02-22, 16:08

والله ماني فاهما والو قاعدين غير ايخلطوا هما ايصفو في احسابهم امع بعضهم البعض والضحية هو التلميذ اخر واد ايفكرو فيه انا ضد تعويض الدروس تماما لانه راح ايزيد اعلينا الضغط واقيلا احنا الالات ا ماناش عارفين اصلا الاستاذة الساعات للتوزيع العادي او ميقدش ما قلا التعويض اطفريت فينا غير اصحاب الباك ولا احد راه مدروور من غيرنا اخنا الطلبة رابي ايكون امعانا

سارة اخلاص · 2014-02-22, 17:33

نصيحتي ليكم اقراو بركاو من التمسخير كيما قال أصلا الطالب الجزائري ماهوش طالب بمعنى الكلمة ماتخليوش الوقت يفوت وأكيد مش راح يقيموكم .....الأساتذة ماقيموهومش وشيبوهم ونتم راح يلتاو بيكم غير بركاو من التمسخير وشمن حقوق تهدرواا عليها غير احمدوا ربي كاين ناس حابة تقرا ليل مع النهار غير باش تحصد النجاح أنا في رأي لي يدير الاضراب ماشي حاب يقرا وربي يعينكم أجمعيييييييييين

الجميلة انا · 2014-02-23, 00:05

السلام عليكم

اخواني التلاميذ اردت ان اشارككم برايي المتواضع
قلتم ان الاضراب حق لكم....اذا فلنقل انه من حقكم ان تضربوا و تطالبوا بحقوقكم كاملة ........لكن هل يعقل لتلميذ مقبل على شهادة بكالوريا ان يواصل في تضييع وقته بالاضرابات و هذه الحكايات .....اضراب الاساتذة تواصل لشهر كم من درس ضاع و كم من معلومة فقدت و مع كل هذا تطالبون بمزيد من الوقت الضائع
الاستاذ يضرب و الوزارة تتماطل و الخاسر الاكبر هو التلميذ
من رايي على كل تلميذ مقبل على شهادة بكالوريا شهادة بهذا الحجم-و لو انه ذهبت مصداقيتها- و هي مسؤولية كبرى و اول خطوة لرسم المستقبل ان يجتهد و يضاعف مجهوداته و يتجنب تضييع الوقت

و بعد كل هذا الوقت الضائع ارى -و حسب رايي المتواضع- للتلميذ المقبل على شهادة البكالوريا الحق في اجازة قبل اجتياز شهادة الباكالوريا على الاقل لاسبوعين

و اخيرا اقول طوبى لكل تلميذ مقبل على اجتياز شهادة البكالورياكان قد استفاد و حول ماهو نقمة عليه-الاضراب- الى نعمة-مراجعة شاملة-

عذرا على الاطالة و كما قلت يبقى هذا رايي المتواضع و نصيحة من اخت تريد الصلاح لابناء الجزائر

تقبلوا مروري

سماح 2 · 2014-02-23, 10:42

افففففففففففففف

واللــــــــــــــــــــــه عيـــب عليـــكم قســم كامل تعــنا دارو اضراب وولاية عنابـــة كاملة

وانا والله ما حابتها خلاه ديجا رانـــــا روطار وما صدقنا نوليـــــــو نقرااو

استغفر الله

BAC2013-2014 · 2014-02-23, 11:29

حنا تاني رانا درنا اضراب
الله غالب هم لوصلونا لهد الوضع و هم لي ضطرونا نديرو اضراب

~~asala2~~ · 2014-02-23, 11:39

حنا في بسكرة رانا دايرين اضراب ومواصلون حتى النهاية لنوحد الشمل وعلاش لي قبلنا يديرولهم وحنا لالا رانا دايرين ونحبسوش

سهيلة جنا · 2014-02-23, 11:50

حنا تاني في مسيلة دارو التلاميد اضراب الرجاء كل واحد يقول ويلايتو شكون تاني لي دارو

سهيلة جنا · 2014-02-23, 11:51

في انتضار باقي الولايات الرجاء الدخول

وردة المتفائلة · 2014-02-23, 11:59

ولاية البرج ...................... نحن ايضا في اضراب ............ ربي يجيب الامور على خير

tarkan musta · 2014-02-23, 12:03

salam , 7na lyoum derna la grève fel lycée w meme ch7al men lycée wa7dakhor daro ; menba3da ra7o ga3 l'académie w daro modaharate , w kharjo des représentants mel l'académie w sta9ablo klk éleves bah yahadro m3ahom ... w ntouma ?? meme les profs galoulna hada 7a99kom .