سااااااااااااعدوني

ichrak03 · 2014-01-16, 13:45

والله انا اليوم ما عندي نفس اعمل اي شئ واملي فيكم كبير
ابني غير مبالي بدراسته وهذا العام عندو امتحان شهادة الابتدائي تعبني بزاف
ارجو منكم تدعو ربي يعاوني ويهديه وينجحو في دراستو
ومن عندها نصيحة تنورني بيها من فضلكم بدءت اياس

فارس وجواد · 2014-01-16, 13:53

لا تيأسي أختي فما زال الوقت مبكرا.
ماذا لو تعديه بشراء شيء يحبه لو نجح.
ربما هذا سيعطيه حافز.

امونة الشاوية · 2014-01-16, 14:00

والله يا اختي الاولاد كامل هكا يحبو كل يوم تريفيزيلهم وتعاودي معاهم تغفلي نهار يروحو فيها
حاولي اختي تديريلو برنامج ونقصيلو في التفراج تاع التلفاز وعلابالي التلفاز ما تقدريش درك نعطيك حل بدلي الساتيليت ولا نحي خيط من الديمو وقوليلو فسد واتفاهمي انت وباباه ما تعدلوهش
وعلى اللعب نقصيلو الخريج وكذا طريق التحفيز
ان شاء الله تنجحي

ام امجد14 · 2014-01-16, 14:27

ابنك غير مبالى الانه خااااااااااااااااائف شوفى المادة الى ضعيف فيها و دريلو دروس خصوصية
الابن ما يكرهش الدراسة فى هذا السن و لكن كى يخاف من حاجة يهرب منها

ســـمـــر · 2014-01-17, 23:09

هاذي مشكلة كللل سيدة

خاصة في دراري يهبلوك بزاف

انا عندي ختي قالت لوليدها تانيك كيما وليدك راح يجوز سيزيام

بلي تشريلو ميكرو لوكان نجح ونحاتلو التيليفيزيو قع الخيوط

والميكرو تاني ومخلاتوش يخرج مع ولاد الجيران وولات تضربو وتزقي

بشويا بشويا قرا وجاب معدل 9.21 الحمد لله وفرحت بيه وكلش

جربي هاذ الطريقة قادر تنجح معاك

اتمنى اني كون افدتك

ichrak03 · 2014-01-19, 10:34

والله اشكركم بزاف وفرحتوني بمشاركتي همي
لكن ابني مايخرجش خلاص والتلفاز عال5 نتاع لعشي مايزيدش يشعل حتان يكمل لقرايا ونتعشاو وباش نعاود نشعلولو
ووعدتو باش نشريلو تابلات كي ينجح .
ومع هذا اكل كي نقولو هز تقر يبدا يبكي ويقولي علاه كل يوم لازم نقرا وعمرو ما حسيتو يخمم فالسيزيام

ام نافع · 2014-01-20, 21:26

انا ولدي كنقلو روح راجع اقلي معندنا والو مفهمتش وين الخطء فينا ولافي المعلمين

ام مهدي 03 · 2014-01-20, 21:48

لا يا اختى ماتياسيش .كيفاش حنا نعملوا ونفيدو المجتمع ونخليو اولادنا.لازمنا التوفيق واذا ما قدرناش العائلة هى الاولى نعطيوها اكثر ما عدنا. ماتنسايش الدعاء .محنة وتفوت ان شاء الله. بالتوفيق

ام ابيها · 2014-04-14, 11:07

السلام عليكم
اختي الكريمة و الله كلنا نعاني من نفس المشكل انا تاني ولدي عندو سيزيام السنة و هو غير مبالي مع انه كان من الاوائل و حتى الان معدله8 لكني كلما قلت له روح تحفظ يقولي تعبان كرهت و حتى الصلاة كيف كيف و اصبحت اعيش كابوس اسمه الخوف من المراهقة ......نصيحتي تبدلي الاسلوب مرة على مرة يعني مرة بالشدة و مرة باللين و مرة بالوعود و هكذا .....انا دايما نسال نفسي اذا كانوا في الابتدائي بالزور يقراو من بعد كيفاش....... الله يساعدنا ........

ichrak03 · 2014-04-15, 14:40

الله يساعدنا يا اختي ويقدرنا على جيل هذا الزمان ونربيوهم تربية دينية صالحة
ان شاء الله

pomaria_aindefla · 2014-04-16, 20:32

اقتباس:

المشاركة الأصلية كتبت بواسطة ichrak03

والله اشكركم بزاف وفرحتوني بمشاركتي همي
لكن ابني مايخرجش خلاص والتلفاز عال5 نتاع لعشي مايزيدش يشعل حتان يكمل لقرايا ونتعشاو وباش نعاود نشعلولو
ووعدتو باش نشريلو تابلات كي ينجح .
ومع هذا اكل كي نقولو هز تقر يبدا يبكي ويقولي علاه كل يوم لازم نقرا وعمرو ما حسيتو يخمم فالسيزيام

ربما يخاف من المعلمة أو كاين زميل راه دايرلوا مشكل على بيها يكره الدراسة

ichrak03 · 2014-04-17, 07:06

اقتباس:

المشاركة الأصلية كتبت بواسطة pomaria_aindefla

ربما يخاف من المعلمة أو كاين زميل راه دايرلوا مشكل على بيها يكره الدراسة

صحيح يا اختي عندو صديق جالس امامه هو اللي راه متعبني دائما يقولو علاه تسمع لماماك ماراكش صغير كي يخرج من المدرسة يقولو علاه راك غاسب اقعد نحكيو شوي امام الباب....................الخ

رحت للمعلمة قلتلها تبعدهم على بعضهم البعض قالتلي ما نقدرش

. انا نعلمهم الصداقة ومنبعد نفرقهم؟

هذا هو المشكل نتاع بني في 15 د نتاع الراحة قدر يسيطرلو على افكارو وهذا اللي زاد من خوفي كي يطلع للمتوسط كيفاه راح ندير

قلت لباباه نطلب من المدير يعطيلي طاولة في القسم ونعاود نقرا مع وليدي

ادعوا ربي يصلحلنا ولادنا يا رب

**افنان** · 2014-04-17, 17:34

https://www.djelfa.info/vb/showthread...post1056151739السلام عليكم ورحمة الله
اختي بما ان ابنك عندوا الشهادة علا ش مطرحتيش مشكلتك في همزة وصل والله رايحة تلقاي المساعدة المواضيع وكل الذي تريدين
فقط زوري همزة وصل وربي يفق ابنك ولاتنسينا بالدعاء وهاهو الرابط لك ولكل ام ابنها في التعليم الا بتدائي

abou.fatima · 2014-04-17, 18:21

توكلي على الله

ichrak03 · 2014-04-18, 07:57

اقتباس:

المشاركة الأصلية كتبت بواسطة afnane28

https://www.djelfa.info/vb/showthread...post1056151739السلام عليكم ورحمة الله
اختي بما ان ابنك عندوا الشهادة علا ش مطرحتيش مشكلتك في همزة وصل والله رايحة تلقاي المساعدة المواضيع وكل الذي تريدين
فقط زوري همزة وصل وربي يفق ابنك ولاتنسينا بالدعاء وهاهو الرابط لك ولكل ام ابنها في التعليم الا بتدائي

ربي يعطيك ما تتمناي اخت افنان ويزيدها في ميزان حسناتك ان شاء الله