الرشتة من مطبخي

[almazalina22]

بسم الله الرحمن الرحيم
ممكن تعرفو الرشتة بصح لقيت بزاف حاصلين قلت ننقل وصفتي ومن مطبخي ونوعدكم كي نعاودها نعدل في الوضوع
العجينة
سميد من نوع مليح
ماء وملح ونعجن مليح بصح ما تكونش جارية باش تساعدك ندلكها تطرى من الدليك فقط نخليها ترتاح وممكن في الليل والصباح تخدميها .
تحكمي تحليها بالحلال وتقطعيها مستطيلات وتبداي تدلكي فيها في الماشينة في الرقم 2 وتطوي وتعودي مرتين او ثلاث حتى تكملي كمية صغيرة باش ما تنغبنيش
ثم نرجع للاولى نلقاها ارتاحت نحلها في الرقم5 والقطع الاخرى ثم الرقم 7 ثم الرقم 9والاخير الا غبناتك غبريها في النشاءوحلي باش ما تلصقش
وانشريها على ازار نقي وخليها تنشف واقلبيها مرة على مرة باش تنشف بسرعة وانت من جهة اخرى اخدمي الباقي وضعي القدر على النار فيه الماء باش تفوريها
كي تشوفيها نشفت ماشي لدرجة انها تتكسر فقط باش كي نعقبوها في جهة الرشتة الخيوط ما يلصقوش
والي تخرجيها من الرشتة حطيها تفور ورشي بشوية زيت باش ما تتعجنش وكي تشوفيها في الكسكاس صفارت يعني اختفى كامل لون العجين معناها خلاص حطيها في قصعة وحليها بزوج فراشط بلا ما تقطعيها بزاف وتكون واجدة خليها تبرد بعد ما تكملي الكمية واستعمليها او في ساشيات وحطيها في الكونجلي
ملاحظة
1 كي تكون جديدة فوريها مرة ثانية وحطي الملح كيما الكسكس غير شوية العجينة فيها الملح وشربيها بلا ما تكثري وخليها تنشف وعاودي فوري وادهني بالزبدة وخلاص تكون واجدة ولازم هي دافية والمرق يكون ساخن .
2كي تكون في الكونجلي تحطيها مباشرة من الساشي الى الكسكاس الي فوق القدر سخون بلا ما تحاولي تفكيها حتى تشوفيها تحلت وحدها اجبديها ورشي بالماء+الملح وخليها تنشف ثم عاودي فوريها وادهني وخلاص
تحضير المرق ويكون اما باللفت او القرعة فقط هذي باش تجي بنينة
دجاج واذا حبيتي زيدي اللحم تكون بنة اكثر
قليه مع البصل مكرفج رقيق +زيت +ملح+فلفل اسود +قرفة لازمة لانها هي تمدلها البنة والذوق اللذيذ وكي نمرق نحط الحمص ونغلق الكوكوط وكي يطيب الدجاج واللحم نحط القرعة او اللفت حتى يطيبو ما ينحطش فيها الحار
وتقدم بالصحة والهنا
ملاحظة اذا كان الدجاج واللحم كونجلي حطي بارد في بارد
واي سؤال راني في الخدمة




نخليكم مع الصور للتوضيح لاني نكتب من بعد يروح كلش








الصور ماحبوش يطلعو درك نعاود


تحبي حتى تكملي الرشتة كاملة باش تفوري لكن بشرط تكون نااااااشفة مللللللليح


























دعوة خير تكفي الى مواضيع اخرى انشاء الله

[nour inasse]

ممممممممممممم صبحت على الرشتة سخفتيني يسلمو هذوك لديات

[ام لقمان02]

الله يبارك تسلم الايادي

[اولدي حياتي3]

يعطيك الصحة

هااايلة يعطاك الصحة والله شاطرة ربي يبارك

[أم ماجد]

بارك الله فيك المازة على الوصفة هايلة

[أم إناس]

ماشاء الله امممممممم انا من عشاق الرشته ياتيك الصحه وربي يشافيك كل مريض يارب

[ميمنة الجزائر]

مممممممممممممممممممممم روووووووووووووووعة وزيد بالجريوات نموت عليها

خرجتلك تحفة

[oum anas 69]

ماشاء الله شرحك وافي و كافي ربي يخليلك صحيحتك عزيزتي ألمازة
فقط سؤال ناس العاصمة الأصليين يخلطو سميد و فرينة و يزيدو بيضة للعجينة هل هذا صحيح و وعلاش ؟؟؟؟؟ شكرا مسبقا

[إلهام07]

واش تقصدي "بالحاصلين " انا ؟ نقتلك ألمازة نكري طيارة سبيسيال ونجيك هههههههههههههه


على العموم راني حاصلة في جد الرشتة صح

راني رايحة نطبع وصفتك باش نشفى على التفاصيل وتفسدلي خلات عليك


شكرا على الوصفة مواح

[فاطمةع]

شكرا حبيبتي المازة ياريت تقوليلي كيفاش نطيب الشخشوخة جامي سييتها نحوس نخدمها

[lamis.imen]

واااااااااااااااو يعطيك الصحة اختي خرجتلك4444444444444444

[قرة عيني امي]

بارك الله فيك اختي **المازة** يعطيك الصحة جاتك هايلة
ان شاااء الله نجربها في اقرب وقت

[<نَجْمَاتْ>]

شكرا المازة وبارك الله فيك

[ام فريال]

هايلة يعطيك الصحة