طريقتكم فى عمل الطمينة من فضلكم

omhadil · 2014-01-10, 15:59

بسم الله الرحمان الرحيم

بمناسبة المولد النبوى الشريف ربى يعاودو علينا بالخير والبركة
رنا ريحين ندو التوصال الى خطيبة سلفى
وحبييت تعطونى طريقتكم فى عمل الطمينة وطرق جديدة فى التزيين

وحبيت نعرف واش عدات وتقاليد بلادنا فى التوصال
يعنى واش تدو لدار لعروسة
لانو كل واحد وعداتو بلاك نستفادو ونبدلو شوية

farah-fafa · 2014-01-10, 16:12

اقتباس:

المشاركة الأصلية كتبت بواسطة omhadil

بسم الله الرحمان الرحيم

بمناسبة المولد النبوى الشريف ربى يعاودو علينا بالخير والبركة
رنا ريحين ندو التوصال الى خطيبة سلفى
وحبييت تعطونى طريقتكم فى عمل الطمينة وطرق جديدة فى التزيين

وحبيت نعرف واش عدات وتقاليد بلادنا فى التوصال
يعنى واش تدو لدار لعروسة
لانو كل واحد وعداتو بلاك نستفادو ونبدلو شوية

حنا هنا في العاصمة نحمصو تشيشة تكون رقيقة ولا متوسطة وفي كسرنة وحدوخرة نكونو دوبنا العسل وزبدة يعني 250غ عسل و 200غ زبدة ندفقو التشيشة بشوية حتى وين تولي متلوقة شوية يعني ونزيدو نديرولها حلوة الترك نخلطو معاها وتزينيها كيما حبيتي وانشاء الله يزيدو يعاونوك

farah-fafa · 2014-01-10, 16:17

حنا هنا في العاصمة نحمصو تشيشة تكون رقيقة ولا متوسطة وفي كسرنة وحدوخرة نكونو دوبنا العسل وزبدة يعني 250غ عسل و 200غ زبدة ندفقو التشيشة بشوية حتى وين تولي متلوقة شوية يعني ونزيدو نديرولها حلوة الترك نخلطو معاها وتزينيها كيما حبيتي وانشاء الله يزيدو يعاونوك

magica · 2014-01-10, 18:17

هادي طمينة جديدة والبنة هايلة ذوقيها وردي لي بالخبر
- باكي بسكويت بالشوكولا( طوبشوك)
- باكي قوفريط بالشوكولا 36 حبة
- 500 غ زبدة
- ربع لتر عسل
- 200غ حلوة الترك
- كاس ونصف كاوكاو محمص ومرحي
- الزبيب كيما تحبي
- سميد رطب ومحمص
الطريقة
تذوبي الزبدة تخليها تبرد حتى تولي كريمة
ترحي البسكويت والقوفريط فالروبو حتى يوليو كيما السميد ,حلوة الترك انا نديرها فالسكرفاج باش تولي رقيقة خاطر الروبو ما يرحيهاش
نخلط المقادير الناشفة بملعقة خشبية ثم نضيف العسل والزبدة ونخلط وبعدها نضيف السميد الرطب ونخلط بالملعقة حتى تتماسك ، ونضعها في الصحون ونزينها باللوز والجوز او كما تشائين

amoula linda · 2014-01-10, 18:27

سلام اختي العزيزة ها هي الطمينة و نخدموا بالعسل و الزبدة و السميد يكون متوسط و محمص في الطاجين و معاه شوي كوكاو هو تاني يكون محمص و نطحنوه من بعد ديري في كاسرونة العسل و الزبدة و تسخنيهم و طفي عليهم ثم تزيديلهم السميد و الكوكاو و تحطيهم في صحن التقديم و نتي و شطارتك في التزيين حنايا نزينوها بحلوة دراجي و القرفة المدقوقة و اللوز شهية طيبة

ام اريام · 2014-01-10, 18:47

السلام عليكم ورحمة الله وبركاته. حنا اختي الكريمة نديرو كيلة فرينة محمصة و كيلة لحظة محصة و كيلة واش عندك مكسرات وشوية حلوة الترك و نصف كيلة سكر قلاسي و شوية زبدة ذايبة ونكملو نبلوها بماء لزهر و نشكلوها بطوابع صغيرة عادة نتركو الاطفال يشاركونا في هذه المرحلة وكل واحد منهم يختار الطابع لي يحب و حطي في الصفاية سكر قلاسي و ذرذري من فوق وشهية طيبة .كل مولد نعملوها وتجي اكثر من رائعة .وكل عام وانتم بخير.وصلى الله على نبينا محمد وعلى آله وصحبه أجمعين.

omhadil · 2014-01-10, 19:00

اقتباس:

المشاركة الأصلية كتبت بواسطة farah-fafa

حنا هنا في العاصمة نحمصو تشيشة تكون رقيقة ولا متوسطة وفي كسرنة وحدوخرة نكونو دوبنا العسل وزبدة يعني 250غ عسل و 200غ زبدة ندفقو التشيشة بشوية حتى وين تولي متلوقة شوية يعني ونزيدو نديرولها حلوة الترك نخلطو معاها وتزينيها كيما حبيتي وانشاء الله يزيدو يعاونوك

شكرا اختى شرفنى مروركى

اقتباس:

المشاركة الأصلية كتبت بواسطة farah-fafa

حنا هنا في العاصمة نحمصو تشيشة تكون رقيقة ولا متوسطة وفي كسرنة وحدوخرة نكونو دوبنا العسل وزبدة يعني 250غ عسل و 200غ زبدة ندفقو التشيشة بشوية حتى وين تولي متلوقة شوية يعني ونزيدو نديرولها حلوة الترك نخلطو معاها وتزينيها كيما حبيتي وانشاء الله يزيدو يعاونوك

شكرا حبيبتى

اقتباس:

المشاركة الأصلية كتبت بواسطة magica

هادي طمينة جديدة والبنة هايلة ذوقيها وردي لي بالخبر
- باكي بسكويت بالشوكولا( طوبشوك)
- باكي قوفريط بالشوكولا 36 حبة
- 500 غ زبدة
- ربع لتر عسل
- 200غ حلوة الترك
- كاس ونصف كاوكاو محمص ومرحي
- الزبيب كيما تحبي
- سميد رطب ومحمص
الطريقة
تذوبي الزبدة تخليها تبرد حتى تولي كريمة

ترحي البسكويت والقوفريط فالروبو حتى يوليو كيما السميد ,حلوة الترك انا نديرها فالسكرفاج باش تولي رقيقة خاطر الروبو ما يرحيهاش
نخلط المقادير الناشفة بملعقة خشبية ثم نضيف العسل والزبدة ونخلط وبعدها نضيف السميد الرطب ونخلط بالملعقة حتى تتماسك ، ونضعها في الصحون ونزينها باللوز والجوز او كما تشائين

يعطيكشكرا الصحة اختى صح طريقتك جديدة وانشاء الله نجربها

اقتباس:

المشاركة الأصلية كتبت بواسطة amoula linda

سلام اختي العزيزة ها هي الطمينة و نخدموا بالعسل و الزبدة و السميد يكون متوسط و محمص في الطاجين و معاه شوي كوكاو هو تاني يكون محمص و نطحنوه من بعد ديري في كاسرونة العسل و الزبدة و تسخنيهم و طفي عليهم ثم تزيديلهم السميد و الكوكاو و تحطيهم في صحن التقديم و نتي و شطارتك في التزيين حنايا نزينوها بحلوة دراجي و القرفة المدقوقة و اللوز شهية طيبة

يعطيك الصحة الله يعطيك ماتتمناى

ميرة31 · 2014-01-10, 20:35

mounira titi · 2014-01-10, 21:42

السلام على الجميع و صلى الله عليه و سلم الحبيب النبي.
احنا نحب طمينة الغرس و كاين الى يسموها رفيس التونسي.
تحمصي السميد متوسط في مقلة نار هادئة مع التحريك حتى يصبح لونها دهبي افرغيها في القصعة للخشب +الغرس منقي و معجون كما للمقرود طري +قليل عسل للبنة +زبدة طرية وحكيهم معا و تضفين الزبدة حتى تصبح طرية جدا بسرعة قبل ما تجمد الزبدة اطرحيها في صحن و اقطعيها فيه او اطرحيها داخل القصعة و اقطعي اشكال بطابع الحلويات و ضعيهم بداخل اوراق الفضية او الدهبية حتى لا تشرب الزبدة.
انا استعمل la belle لانها طرية ولا تجمد و لو كان عندك زبدة لعرب جيدة للدوق انت و ما تقدرين عليه و بالف صحة .