قطايف محشين بكرام بتيسيار و كرام شونتي

[ام سراج وملاك]

ليوم برك درت قطايف او كنافة كيما يقولو السوريين جاو بنان يهبلو حبيت نكتب الوصفة نتاعهم لي ميعرفهمش حبيت نصور الخطوات اكل بصح والله مانعرف كيفاه بسيف حتى تعلمت كيفاه ندير صورة
المقادير باط قطايف + 250 غ ربدة ذائبة
الحشو كرام باتيسيار :نصف لتر حليب فايض + 4 مغارف سكر احرش + زوج حبات بيض + مغرف نشاء + زوج مغارف فرينة + فاني التحضير : فيضي لحليب من جهة في وعاء خلطي البيض و الفرينة والنشاء ثم ضيفي الحليب ورجعي الخليط الى طاوة لي فيها الحليب وحركي بسرعة باش مايطيبش البيض نتاعك وابقاي حركي مليح حتان يولي الخليط عاقد نحيه من النار وديريه في حاجة عريضة وديري لفاني لي عندك وغطيه بصاشي نيلو باش ميديرش الحليب طبقة نتاع الحليب لي يسميوها لفرارة
الكرام شونتي :طلعيها بالبتار و الحليب حوالي 100 غ مع زوج كيسان ماء بارد اذا كانت كرام شونتي ماشي حلوة زيدي شوي سكر
التزين : بيستاش مرحي + عسل مع شوي ماء زهر
نوليو لطريقة تحضير القطايف حلي لقطايف نتاعك مع زبدة ذائبة اذا متبسولكش مليح زيدي شوي زبدة ذائبة وشدي ليمول لي عندك مول نتاع كورني او قصبة او كاري وديري لقطايف نتاعك انا درتهم في مول نتاع كورني ودورتهم مليح ولي بقالي درتهم في مول كاري ودخلتهم الى الفرن يطيبو كي طابو درتهم في لعسل مخلط مع شوي ماء الزهر العسل كان سخون شوي مبعد درت الحشو كرام باتيسيار مخلط مع كرام شونتي ودرتهم في بوش وعمرتهم ودرت بيستاش من فوق تقدري ديري اي مكسرات
نتمنى انشاء الله تكونو فهمتوني لي مفهمتش انا في انتظار اي سؤال