[CENTER]و الله يا خويا حسب خبرتي في عملي لازملك شورط و منها ال
-عدم الإنتساب تاع cnas/casnos
و الدوصي الي يعطوهلك تجيبوا راك تلقاه في قصاصة و لا تماك معلق في المكتب تاعهم
المهم انا قتلك عدم الإنتساب هذيك لانها هي الصح فالدوصي يعني تخيل تروح تخرج فيها و تلقى روحك منتسب لأحد صناديق الضمان ؟؟
هذا يعني راك خدام و مأمن في جيهة أخرى أو مامن أوتو ماتيكيا في الجامعة إذا امنوك هوما مش عارف هنا ؟؟
و الحل هو أنك توقف التامين تاع الاجامعة و ما تدفعش اوراق التأمين تاع خدمة الإستخلاف إذا فيها تأمين على ما أضن و بعدها تخرج هاذ زوج ورقات
أما بقية أوراق الملف كلها ساهلة و بسيطة نوعا ما و زيد أنبهك بحاجة انو في حالة ما فاقولك
راهم رايحيين يحاكموك و ترجعلهم كل الشهريات الي خلصتهم عليهم
يعني مش رايحيين يخلوك تفوت نورمال لأنه من قبل كانوا الناس يديروا كيم هاك و الدولة غير توقفلهم الشهرية و خلاص
أما القانون الجديد الي خرجوه هو أنهم يحبسولك الشهرية الي تكون عالية فيهم و يخلولك الشهرية الي تكون نازلة فيهم
و هذا زكارة فالإنسان الي دار هاذ العملية لأنها تعتبر إحتيال و يزيدوا يحاكموه قضائيا
و لهذا إحذر خويا و رد بالك انا نبهتك و أنت دير الي يخرج عليك
حبيت تسقي كيفاش يفيقولك انا نقولك لأنه عملي
أوكي , كاينة وحد العملية يقولولها عملية التطهير و هي انهم مكتب التشغيل يعني البيرو موندافر كل شهر يدوا قوائم للاداس باش يبداو
ينحوا فالناس الي راهم مسجلين فالمكتبين في زوج يعني النشاطات الإجتماعية و الإدماج المهني مثلا
و منه يلقاوك مسجل فيهم في زوج ايا يتخذوا معاك الإجراءات القانونية إلا إذا كان فيهم واحد يعرفك تماك يدير فيك بليزير و ينحك و يضرب النح
و ما تتشارع ما ترجع واش ديت من شهريات [و لو انك كنت تحظرلهم في زوج /CENTER]
( تقرير عن مشاركة سيئة )، و الموجودة أسفل كل مشاركة .
2013-12-08, 15:45
الماستر ولاداس
العرض العادي
