قررت ترك خطيبي

[مشكلتي]

https://www.djelfa.info/vb/showthread.php?t=1465653
انا صاحبة هذا الموضوع
وقررت فسخ الخطوبة لانه لا يستطيع ان يكون مسؤول على و خصوصا كيما حكيتلكم
المشكل انو هل فسخي للخطوبة هو راي سديد ؟
و هل الناس سوف تتعامل مع انسانة فسخت بعد سنين كانها لنسانة عادية ؟
اهلي رفضو فسخ الخطبة و خويا قالي واش راح يقوقلو الناس و اكيد راح يتسائلو واش صرى بيناتكم في هادو عامين
و ماكانش الي يخطب واحدة كانت مخطزبة
قالي الممطلقة عندها فرصة اكثر
انا مانيش حابة نربط نفسي لانسان ماهوش تاع زواج بدون فائدة
انصحوني يا ناس
علما انو خطبني و جفعلي قط
يعني لم نعمل لا عقد قران مدني و لا شرعي
لا صلة بيناتنا

[العهد الرائع]

نتمنى لتقاي واحد ينصحك

[○•ميسون•○]

رايك هو الصح

++راكي ماكيش عاقدة يعني حاجة نورمال

هاذو من قبل الزواج ما يحبوكش و حابن يفسدواعليك عيشتك فما بالك بعد الزواج و تبقى دائما[ الغاية تبرر الوسيلة]

و ربي يجيبلك ما خير منو

[محمد جديدي التبسي]

الخير فيمااختاره الله
كان الأولى بك ترك العمل لأنه جزء من المشكلة فلو كنت في بيت أهلك ربما لم تكن مشكلتك الأولى لتطرح ربي يعينك ويعوضك خير

[sorour%]

اختي الكريمة واحد ماهو في مكانك حتى يقرر في بلاصتك هذي حياتك و انت الوحيدة الي تقرري مصيرك و ما يهمكش كلام الناس مادامك واثقة من حالك ومن قرارك,ربي يكون معاك

[العهد الرائع]

المشاركة الأصلية كتبت بواسطة محمد جديدي التبسي

الخير فيمااختاره الله
كان الأولى بك ترك العمل لأنه جزء من المشكلة فلو كنت في بيت أهلك ربما لم تكن مشكلتك الأولى لتطرح ربي يعينك ويعوضك خير

عندك حق و لكن مرات تجينا اشياء تخلينا نفيقو لحوايج قبل فوات الاوان
انا ايضا راني نسافر كل يوم و
هاذو المحن يبينولك الحبيب من العدو

[حياتي نبع امل]

دي فوا الحل باين وواضح بالصح تالمون ماتحبوهش تحبو تعقدو الامور وتسالو زعما بغرض الاستشارة
اصلا خطيبك نورمالمون ياخد موقف من نهار اللي بديتي. فيه الخدمة ماشي فرحان بيك وفرحانة بيه كي يلاقيكم عند المحطة وزيد بماانو السكن كاين وخاص الوليمة برك يعني في نهار تقضو الصلاح خير البر عاجله
ومافهمتش حاجة وعلاش مطلقة ياك راكي تقولي. لاعقد شرعي ولا مدني منين جا الطلاق ولست اول ولا اخر واحدة تفسخ خطوبتها
حطيه امام الامر الواقع اما يعطيك كلمة رسمية وتاع رجال سينو كل واحد يدير حل لعمرو ماشي قاعدة تغبني في روحك وفي يماك اللي مريضة على العموم الله. يوفقك ويسرلك امورك ويشفي امك
ماتنسايش الاستخارة وكثرة الاستغفار

[العهد الرائع]

المشاركة الأصلية كتبت بواسطة محمد جديدي التبسي

الخير فيمااختاره الله
كان الأولى بك ترك العمل لأنه جزء من المشكلة فلو كنت في بيت أهلك ربما لم تكن مشكلتك الأولى لتطرح ربي يعينك ويعوضك خير

عندك حق و لكن مرات تجينا اشياء تخلينا نفيقو لحوايج قبل فوات الاوان
انا ايضا راني نسافر كل يوم و
هاذو المحن يبينولك الحبيب من العدو

[selma mona]

تعاونو في زوج وديرو عرس إقتصادي و أسكني مع راجلك الحل بسيط بعض التنازلات فقط

[بلسم غرام2018]

استخيري ربي سبحانو

[z.abdo]

نصيحة من أخ إلى أخته قرارك فسخ الخطوبة ليس صائب ركزي على شيء واحد هل هو انسان طيب وذو خلق هل متدين
وهذا هو المستقبل اما عن هذه المشاكل فهي بسيطة جدا

فقط اخبري خطيبك يجب ان يسرع وقوليلو انك مش تضغكي عليه فقط انت تعبتي

كذالك انت غيري عملك قرب سكنك إذا مزال الزواج وإذا راه قريب اصبري وخلاص

أهم شيء مال تفرطيش في خطيبك لأن ديري في بالك حاجة هناك الف بنت تنتظر هذه الفرصة باش تديه

خصوصا إذا كان ذو خلق .....وربي يسهلكم ان شاء الله

[AMINA.Z]

لازم الرجال اللي يدخلو في هاد الحكاية

صح راجلك ما عندو حتى كلمة درك مي كي تتزوجو و بدارك وحدك تتهناو من مشكلة الاهل اللي يسيطرو

باباك و خاوتك يروحو يحكيو مع اهل زوجك و يحددو العرس

اما الخدمة اصبري حتى تتزوجي اذا تحلت المشكلة

ربي يفرج عليك

[rihabamal]

أختي العزيزة في موضوع الخطبة و الزواج أنت المتضررة الوحيدة

لذلك أنصحك أن تجلسي لوحدك في هدوء دون أي ضغوطات و تفكر في الموضوع من كل الجوانب

و النتيجة التي تصلين إليها هي التي نفيذيها و الأن أحسن من بعد الزواج و يكذب عليك لي يقولك الطلاق خير من فسخ الخطوبة

فانت الأن مازلت حرة و بإمكانك تحديد مصيرك

فإذا رايت أنه بإمكانك المواصلة فواصلي بالتوفيق

و إما لا فالفسخ أحسن الأن فالخطبة هي وعد بالزواج فقط و فترة للتعارف يمكنها ان تستمر أو لا يعني عادي

و ربي ينورلك طريقك بما فيه خير إن شاء الله.

[سهيلة1996]

ربي يجيب الخير

[منهاج]

السلام عليكم

قرري مليح قبل ما تندمي حيث لا ينفع الندم