افكار جديدة في تحضير سينية النفلس

مسعودي مفيدة · 2013-11-26, 11:40

صباح الورد على كل عضواات هذا المنتدى الرائع اتمنى من كل من دخلت المنتدى ان تساعدني في افكار للتحضير سينية النفاس و عدد الحلويات و ماذا يجب ان يكون فيه لإن نفاس قرب معرفتش واش ندير وجزاكم الله كل خير

السيدة كرمين · 2013-11-26, 12:35

ما فهمتش بالضبط واش تحوسي لكن نقلك وش عملت في نفاسي

- حضرت صينية القهوة تع لعشية

شريت سينية جديد ب 250 الف فضي وذهبي
زوج ترامس فضي وذهبي
سرفيس قهوة حليب فناجل كبار وصغار
لابياس تع القاطو ونفس الشي بالنسبة لطبسي الطمينة كلهم لونهم ذهبي فضي

بالنسبة للقاطو ديري واحد ناشف انصحك بالصابلي
واحد معسل اختاري بين دزيريات أو البقلاوة
وقاطو طلية مخبز أو عرايش
العبي فقط على الشكل

* ظفت شئ وهو قطيبات مصنوعين من عجينة اللوز داخلو زوج حبيبات دراجي
الا كان طفل ديري لون لزرق والا طفلة ديريهم وردي أو اللونين ليك الحرية

*الطمينة عندنا نعملوا التقليدية تع القمح و المكسرات بلعسل جهزيه مسبقا
كيلتين ماء وكيلة سكر قلييييييييييييلا من الشب .
وطبعا الزبدة

* بالنسبة للماكلة حضري الأعشاب الخاصة بالتيزانة
ومن يومك الأول وصيهم يعملولك منها وبدون سكر واذا لزم ديري لعسل
* حضري زيت زيتون حرة ليك وللبيبي اشربي وادهني منها جسمك يوميا
* حضري الطعام و البركوكش الخاص بالنافس وعندي موضوع خاص بالبركوكش يرفدك مليح
في هذا البرد وزيد يساعدك في ادرار الحليب
فقط على الوجه اوضعي مجموعة أعشاب مشكلة ومرحية مع الدهان أو زيت زيتون

هذا لي تذكرتو اي استفسار راني هنا ان شاء الله نقدر نعاونك بيه
ربي يجيبلك وقفة ساهلة ويسلكك ولبيبي بخير
ماتنسي سورة مريم و الزلزلة

مسعودي مفيدة · 2013-11-26, 14:47

برك الله فيك اختي السيدة كرمين جزاك الله كل خير

ام قسوم · 2013-11-26, 20:40

محسوب واش قاتلك الاخت كرمين زيدى عليها قبل ماتقدمى القهوة تقدمى jus فى سرفيس انتاعو مع كراف للماء و بول واحنا فى الشرق اساس الصينية هو المقروض وربى يسلكك على خير انت والبيبي

مسعودي مفيدة · 2013-11-27, 16:54

شكرا اختي برك الله فيك

chez biba · 2013-11-27, 22:37

السلام عليكم ورحمة الله وبركاته
انا نهدي لك هاد البلاطو تاع القاطو، ربي يسلكك على خير

https://www.servimg.com/image_preview...=83&u=18552491

ألف مبروك

مريم07 · 2013-11-28, 01:53

ربي يجيبلك وقفة ساهلة

هيثم65 · 2013-11-28, 08:38

ربي يجيبلك وقفة ساهلة
ألف مبروك[ام هيثم65[

ام محمد منتصر · 2013-11-28, 10:50

شكراااااااااااااااااااااااااااااااااااااااااااااا

مسعودي مفيدة · 2013-11-28, 13:27

مشكورين يعطيكم الصحة

om assil · 2013-11-28, 16:02

انا ثاني قربت و لادتي و ننصحك وجدي كلش في الوسع اذا حتشري اللوز غير املطيه و خليه ينشف انا حتى ديكور القاطو خدمتو و درتو في الكونجيلاتار درت وردات بعجينة اللوز بان نزين بيهم مقروض اللوز و خدمت ببرونات بمول سيلكون نزين بيهم مخبز المزيود بنواد كوكو
وجدي ماعنك كل واخدمي سكر المناسبات باه تحطيه للضياف وجدي زرير
و في الاول حطي عصير مع تارتولات او كاستال او نوع باتيسري خفيف و من بعد القهوة و الحليب و الحلويات و الزرير
ما تكثريش الانواع المهم القاطو التقليدي هو الصح المقروض و الغريبية او الصابلي و حاجة معسلة بقلاوة او قطايف و مخبز او عرايش بالقلاساج
و انا عندي فكرة بغيت نوجد اكياس صغيرة فيها كوجاك و شوكولا و نفيخة للولاد الصغار حطيها في سني مع القهوة في سلة صغيرة باه تفرحي الولاد الصغار و باه ينشغلو بيها و ما يقعدوش يخربو في الحلويات خاطر كاين ولاد كي تحطي سني ينحيو الديكور كامل نتاع القاطو و يخليوه عريان و امهاتهم يتفرجو
و يا ريت اللي عندها افكار اخرى تحطها لاي مناسبة

جنان سطايفية · 2013-11-29, 13:28

ربي يرزقك الدرية الصالحة