{ التّــحــدي السـادس} عُــدْ لتـُـكــمل معــنا...

ميمي سمية · 2013-11-23, 14:55

الســلام عليكم ورحمة الله تعالى وبركاته

لقد عدت بعد غياب طال 3 ايام و بسبب هذا اوقفنا التحديات طول هذه المدة (أعتذر عن هذا) وقد ذكرت مسبقا سبب الغياب ، لذلك اعتقد انه لا داعي لكي اخوض في الحديث مرة اخرى

سنكمل اليوم التحدي السادس وعلى بركة الله ، فهل أنتـــم مستعـــدون؟؟ لقد اقترب موعد الامتحان ، ويوما بعد يوم حتى تجد نفسك في قاعة الامتحان وامامك احد المواضيع وقد لايكون بامكانك حتى ان ترفع القلم من صعوبة الاسئلة

(ههههه حبيت نخلعكم شوي برك ) اذا فاجتهد الان لكي لا تجد نفسك يوم الامتحان في موقف لا يحسد عليه

مهمـــة الــ 23+24 من نوفمبر 2013

سنبدأ الان بالشريعة {كما وعدتكم السبت الماضي} والاجتماعيات - من الان حتى 7 او 8 مساءا -

ثم سننتقل الى الرياضيات هذا المساء (ولمن اراد تطبيق القراية حتى 00.00 فله الحرية وانا ساكون اول من يريد ذلك )

ويبقى التحدي الى غاية يوم الاثنين {وهذا حسب طلب العضوة ابداع طموحة ورغبتها في اطالة مواضيع التحدي لكي

تكون منها فائدة وقد وافقها الكثير على هذا (مشكووورة على هذه المبادرة ) }

هذه المرة سيختلف التحدي عن المرات السابقة قليلا

فلن يقوم كل واحد منكم بحل مواضيع مختارة من عنده ، لا بل سنقوم باختيارها نحن كلنا وسنضعها هنا في صفحة

الموضوع ثم نقوم بمناااقشتها {ركزولي على عنصر المنـــاقشـــــة *كيما قالت ابداع*}

من يملك بعض التمارين او احد المواضيع الخاصة بالرياضيات في المجالات التالية: {الدوال+كثيرات الحدود+ المرجح

+الاشتقاقية} فليرسلها لي عن طريق المواضيع السابقة وساقوم بنقلها لهذا الموضوع لكي تتم المناقشة {اليوم أو غدا}

موضوع مقترح من طرف العضوة aliass

ماتشوفش الحل حتى تكمل تجاوب

هذوا بعض التمارين اللي درناهم حنا فليكور

خليونا نحلوهم مع بعضانا

ملاحـــظة :

1- لكل من اراد مراجعة العلوم من اجل الفرض اتأسف منكم ولذلك قررت : ان تجتمعوا كلكم في احد المواضيع السابقة وليكن الموضوع الثاني لانه كان مخصصا لمادة العلوم
واذا لديكم اقتراح اخر فاتمنى ان تضعوه لي

2- ان شاء الله نكون موجود لعشية هذي ونجي نعاونكم ونتناقش معاكم شوي واللي لقى مشكل في العلوم يقدر يطرحو عليا الحمد لله راني فاهمة الدروس كامل

مابقى غير نقولكم هيا ابداو شريعة واجتماعيات قبل مايخلص وقتهم

soulami sousou · 2013-11-23, 15:05

اختي انا غدا عندي فرض فيزياء + رياضيات + اجتماعيات يوم الاثنين دبري عليا واش ندير
رياضيات منيش فاهما المرجح
اجتماعيات فرض قالنا نديرولكم بطريقة غير مباشرة اي اسئلته غرمباشرة وتعتمد على الفهم ارجوكي اختي ميمي واخواني انا بامس الحاجة الى نقطة كاملة ي الاجتماعيات والله انا عندي ظغط كبير واش تنصحيني على الاجتماعيات والمرجح

aliass · 2013-11-23, 15:06

ok khti ana dok nebda mais ghie his/geo psq manich ga3 hafda alors lazem nebda melewel
et apres ne9ra maths hetta 00 in chaa allah

maroua maroucha · 2013-11-23, 15:18

انا غدا عندي فيزياء وبعد غد رياضيات ممكن

maroua maroucha · 2013-11-23, 15:19

بالتوفيييييييييييييييق لكم نروح نبدا نرااجع

kyzer · 2013-11-23, 16:07

نراجعو اجتماعيات الان اسئلة و اجوبة مباشرة باش نكملو بسرعة مبعد مساءا رياضيات

ميمي سمية · 2013-11-23, 16:35

هيا نبداو نراجعوا اجتماعيات وشريعة

ميمي سمية · 2013-11-23, 16:35

اقتباس:

المشاركة الأصلية كتبت بواسطة kyzer

نراجعو اجتماعيات الان اسئلة و اجوبة مباشرة باش نكملو بسرعة مبعد مساءا رياضيات

متى كان احتلال تونس والمغرب؟

kyzer · 2013-11-23, 16:42

وعلاش هذو قريناهم ؟ اخطينا منهم ميطيحوش هههههه

*~عَبدُ الحَليمِْ~* · 2013-11-23, 16:46

للأسف كرهت من المواد الادبية راني غير نراجع الرياضيات و ا لفيزياء

ميمي سمية · 2013-11-23, 17:51

اقتباس:

المشاركة الأصلية كتبت بواسطة soulami sousou

اختي انا غدا عندي فرض فيزياء + رياضيات + اجتماعيات يوم الاثنين دبري عليا واش ندير
رياضيات منيش فاهما المرجح
اجتماعيات فرض قالنا نديرولكم بطريقة غير مباشرة اي اسئلته غرمباشرة وتعتمد على الفهم ارجوكي اختي ميمي واخواني انا بامس الحاجة الى نقطة كاملة ي الاجتماعيات والله انا عندي ظغط كبير واش تنصحيني على الاجتماعيات والمرجح

ختي اسمحيلي
والله من الصباح نجي راح نرجع على الرد نتاعك ومبعد تخرج حاجة تعطلني

بالنسبة للمرجح لازم تحلي التمارين وراني صورت تمارين لي درناهم فليكور مبعدا شوي نحطهم

والاجتماعيات مدام الاستاذ يدير اسئلة تعتمد على الفهم معناها الحوايج اللي شرحهم

اقراي من الكتاب والكراس مع بعضاهم + اذا عندك وقت اي حاجة تقراي عليها في الدرس زيدي افتحي قوقل وحوسي عليها واطلعي عليها كثر

وان شاء الله مايكون غير الخير ختي

kyzer · 2013-11-23, 17:52

ايا نكملو اجتماعيات و لا ندوروها رياضيات احسن ؟

ميمي سمية · 2013-11-23, 17:54

اقتباس:

المشاركة الأصلية كتبت بواسطة kyzer

وعلاش هذو قريناهم ؟ اخطينا منهم ميطيحوش هههههه

هههه اوك ذك نبدلك

- اذكر بعضا من السلاسل الموجودة في الجزائر
- اذكر 3 اهداف للحركة الاستعمارية

اقتباس:

المشاركة الأصلية كتبت بواسطة class man

للأسف كرهت من المواد الادبية راني غير نراجع الرياضيات و ا لفيزياء

رانا درنا رياضيات اليوم خويا تقدر تنضم

اتووونسييووو وتنسى المواد الادبية وتلقاهم لعبو عليك ههههه

kyzer · 2013-11-23, 18:04

وين درتو الرياضيات اعطنى الرابط
+
السلاسل معلاباليش الطاسيلى و الاطلس التلى و الهقار و الاطلس الصحراوى و تاهات اتاكور ههههههه من راسى
+
اهداف الحركات الاستعمارية
استغلال المواد الاولية
الاتسراتيجية و العسكرية :" السيطرة

و الحضارة تثبيت الفكر الاستغلالى

*~عَبدُ الحَليمِْ~* · 2013-11-23, 18:11

مالا انا كملت الرياضيات lol