مارايكم انتم

سعاذ · 2013-11-16, 19:07

السلام عليكم
اتمنى ان تكونوا بخير

اليوم و انا في احدى جمعيات ترقيةالمراة الماكثة في البيت سمعت قصة فتاة و هي تطلب راي في امر يخصوها

هذه الفتاة تبلغ من العمر 35 سنة عزباء تقطن احدى الارياف يتيمة الوالدين لا دخل لها سوى منحة التي تتحصل عليها من عملها في

الشبكة الاجتماعية تسكن وحدها في المنزل بعد ان تزوجت اختها منذ بضع سنوات لديها اخوة ذكور لاكن كل واحد منهم مستقر ببيته

الخاص هذه معلومات عن الفتاة اما الموضوع الذي كان مطروح هو انه عرض عليها ان تشتغل كمنظفة في مركز شرطة تم فتحه ماخرا

بمرتب 1500.00الى 20000.00 (استغربت من المرتب الذي عرض عليها وصراحتا طلبتوا منها ان تتاكد) وهي محتارة بين الرفض او القبول

فمن جهة لها رغبت فيه لانه يمكنها من الحصول على تقاعد مستقبلا عكس عملها بالعقد في الشبكة الاجتماعية

و من جهة اخرى متخوفة من الكلام الذي سوف يلحقها لانها عزباء من جهة و تعيش وحدها من جهة اخرى

اذا طلبت المشورة منكم ماذا سوف يكون رايكم

دمتم في رعاية الله و حفظه

pro24 · 2013-11-16, 19:29

غير اخطيها تريح واين كانت خير
فو الله لو كنت تدرين لماذا توجد شرطيات لصدمتي
نحن في بلاد ينظرون الى المراة كسلعة يتلذذ بها من هب ومن دب
ربي يسترنا

ويناروز · 2013-11-16, 19:39

السلام عليكم اختي سعاذ
اتمنى تكوني بخير
عودة ميمنة لقلمك المميز

عودة للموضوع

من جهة نظري لا انصحها به واكيد سيجد لها ربنا سبحانه مخرج اخر

تقبلي ردي غاليتي سعاذ

soso sirin · 2013-11-16, 22:25

السلام عليكم واش راكي سعاد ان شاء الله تكوني بخير .والله مش ساهل باه طفلة تخدم في هذيك البلاصة و ممكن راهي ضروك كاسبة راحة البال غدوة صح تولي خدامة نيشان و تضمن التقاعد مي الخدمة هاذي تجيبلها تكسار الراس و الهدرة العيانة.هي تخمم مليح صح هي من الناحية المادية تولي مليحة مي راحة البال ماتتشراش بالمال و ربي يقدملها الي فيه الخير و الي يشد في ربي ماراحش يضيع

مريم الصابرة · 2013-11-16, 22:35

السلام عليكم اختي
والله لو مكانها ما نقبلش ظروفي نفس ظروفها تقريبا
لكن و الله لو نموت وما نخدمهاش صراحة صح منحة التقاعد ما ديرلها والو لكن ري هو يفرج ونهار ترفض العمل هذا ربي راح يعوضها عمل بغيرو اشرف وأهون ليها وينحي عليها كلام الناس ورغم الناس تهدر في كل الاحوال لكن ما تزيدش البنزين على النار
ربي معاها ويعوضها شكرا

سعاذ · 2013-11-18, 18:57

اقتباس:

المشاركة الأصلية كتبت بواسطة pro24

غير اخطيها تريح واين كانت خير
فو الله لو كنت تدرين لماذا توجد شرطيات لصدمتي
نحن في بلاد ينظرون الى المراة كسلعة يتلذذ بها من هب ومن دب
ربي يسترنا

السلام عليكم
بارك الله فيك اخي على الراي و النصيحة
دمتم في رعاية الله و حفظه

سعاذ · 2013-11-18, 19:02

اقتباس:

المشاركة الأصلية كتبت بواسطة نيروز

السلام عليكم اختي سعاذ
اتمنى تكوني بخير
عودة ميمنة لقلمك المميز

عودة للموضوع

من جهة نظري لا انصحها به واكيد سيجد لها ربنا سبحانه مخرج اخر

تقبلي ردي غاليتي سعاذ

السلام عليكم
ان شاء الله تكوني بالف خير
هذا هو راي الاغلبية
دمت في رعاية الله و حفظه

سعاذ · 2013-11-18, 19:12

اقتباس:

المشاركة الأصلية كتبت بواسطة soso sirin

السلام عليكم واش راكي سعاد ان شاء الله تكوني بخير .والله مش ساهل باه طفلة تخدم في هذيك البلاصة و ممكن راهي ضروك كاسبة راحة البال غدوة صح تولي خدامة نيشان و تضمن التقاعد مي الخدمة هاذي تجيبلها تكسار الراس و الهدرة العيانة.هي تخمم مليح صح هي من الناحية المادية تولي مليحة مي راحة البال ماتتشراش بالمال و ربي يقدملها الي فيه الخير و الي يشد في ربي ماراحش يضيع

السلام عليكم
اهلا وسيلة انا رني مليحة و حمد الله
سوال عليك يا لالا
عبالك كي قعدا تحكي تحسيها خيفا من غدو خيفا كي تخلاصلها كونطرا واش ريح يسرلها شوكن رايح يصرف عليها خاصة و هي تقول بلي خوتها ميهمهومش لاكلات و لا مكلاتش هذي هدرت مهدرتهاش غير هيا هدرتها جرتها علبالك دنيا ولات تخوف واكثر حجا ثرت فيا خوتها لي مخلين اختهم تعيش وحدها و كيما قلتي انتي ربي يجيب خير برك
دمت في رعاية الله و حفظه

سعاذ · 2013-11-18, 19:57

اقتباس:

المشاركة الأصلية كتبت بواسطة مريم الصابرة

السلام عليكم اختي
والله لو مكانها ما نقبلش ظروفي نفس ظروفها تقريبا
لكن و الله لو نموت وما نخدمهاش صراحة صح منحة التقاعد ما ديرلها والو لكن ري هو يفرج ونهار ترفض العمل هذا ربي راح يعوضها عمل بغيرو اشرف وأهون ليها وينحي عليها كلام الناس ورغم الناس تهدر في كل الاحوال لكن ما تزيدش البنزين على النار
ربي معاها ويعوضها شكرا

[center][
السلام عليكم
اهلا مريم ان شاء الله تكوني مليحة
رايك هو نفس اري الاغلبية
و كيما قلتي ناس تبقي تهدر في كل الاحوال
ربي يفرجها عليها و عليك يا رب
دمتم في رعاية الله و حفظه

/center]

biologie2001 · 2013-11-19, 09:53

ارى ان جميع المتدخلين رافضين لهدا العمل .... اما انا اختي فاقول لك على حسب مستواها الدراسي ... ممكن هي معندهاش مستوى ياهلها للحصول على منصب مستقر حتى و ان كانت تعمل حاليا في الشبكة لاني اعرف من عملوا في الشبكة و لحد الان لم يتحصلوا على منصب قار ...... بالاضافة الى ان العمل الدي عرض عليها لن يكون فيه احتكاك مع الاخرين لان عمل المنظفة يكون صباحا او مساءا يعني هي تخدم خدمتها و ترجع لدارها ...... اما عن كلام الناس فاظن انه ليس هم من يعانون هي من تعاني وحدها و سيتكلمون اليوم الاول و الثاني و الثالث ثم ينسون الامر نهائيا و كانه لم يكن ....

اما عن التحرشات فاظن انها موجودة كدلك في الادارات العامة و في هده الحالة البنت هي من تحسم الامر فان كانت حازمة في امرها فلن يقترب منها احد سواءا كانت في مركز الشرطة او في الادارات او ختى ادا ما سافرت الى ابعد الحدود

اعرف فتاة بنفس حكاية هده البنت و الله دارت الكوراج و رجعت تخدم منظفة و تكلموا عليها الجيران و قالوا كيفاش خلاها بوها تروح تخدم منظفة و ما الى دلك لكنها كانت ادرى بظروفها ولم تجبهم و الان لا احد يتكلم ... تروح تخدم خدمتها على 07.30 سا و على 09.00 سا تكون في الدار ...

اختي هي ادرى بظروفها فلا تضغطوا عليها و وان كانت هي حابة هدي الخدمة فشجعيها .... خصوصا ان خاوتها كل واحد بداره و معلابلهومش بيها و فوق هدا مخليينها تسكن وحدها ...... ربي يجيب اللي فيه الخير ان شاء الله

إكليل · 2013-11-19, 10:08

لا حول ولا قوة إلا بالله .ربي يكون في عونها .
(ومن يتق الله يجعل له مخرجا ويرزقه من حيث لا يحتسب)

liyna_24 · 2013-11-19, 12:36

(ومن يتق الله يجعل له مخرجا ويرزقه من حيث لا يحتسب)
أختي غير انصحيها تبعد على قد ما تقدر والله ما تسلك مع الوقت لي رانا فيه
ربي يرزقها انشاء الله

كاميلا · 2013-11-19, 13:39

السلام عليكم
دائما ارى مواضيع التعدد ويطالبون حقهم في ذلك بصح حالت كيما هاذي هي الواجب فيها التعدد كالارملة والمطلقة الي معندهاش شكون يعولها اللي تعيش وحدها اللي كبرت في السن الخ هذا دليل على انهم كذابين يقولك للتقليل من العنوسة هاوليك وعلاش متسترش بنت الناس راهي عايشة وحدها يا عجابة لعجب ويتيمة بصح هوما يروحوا يجريو لمولات 20 ومولات العشرين راهو مازال يجيها مكتوبها اتهجب دائما عندما اراهم يقولوا رانا نخموا في العنوسة انما هم يخموا في شهواتهم وغرائزهم

haidi18 · 2013-11-19, 13:50

يا اخوتي علاه راكوم ضد تعمل في الشرطة على حساب المستوى تاعها
و انا نشوف انه اذا التزمت بدينها و حجابها واحد ما يقيسها
يا اختي عائلتي كامل في سلك الشرطة و العسكر لكن الحمد لله كامل مثبتين على دينهم
و انا نظن التحرش مام في المؤسسات و الادارة ماشي شرط في الشرطة
و نكرر اذا صانت نفسها و حجالهامتخافش كامل

haidi18 · 2013-11-19, 13:52

و الراتب رني سقسيت الاب تاعي قالي مليون فقط لكن متخدمش نهار كامل 4 ساعات فقط و ماشي كل يوم