امي ام خطيبي ؟

[مشكلتي]

السلام عليكم
مشكلتي تؤرقني لان صحة امي في اللعب
انا استاذة نجحت في مسابقة التعليم و مخطوبة من سنة 2010 الى رجل يحبني و لكن اهله ياخذون تقريبا كل راتبه و لم يستطيع التوفير للزواج و هو يريد الزواج و لكن اهله لا يفكرون في زواجنا و كل ما ياتو لنا يقولون لي اكملي دراستكي و انشغلي بشء يلهيك الزواج مزال مزالك صغيرة و ال كنتي تحبيه اصبري عليه مع انو له بيت و مجهز ينقص فقط مصاريف العرس
عندما اعطوني الخيارات كل الخيارات كانت بعيدة عم منطقتي باكثر من 100 كم
فاخترت المنطقة الاقرب لسكني الزوجي هو 20 كم
يعني صرت بعيدة عن منطقتي الاصلية ب 120 كم
امي خافت كثيرا و لم تصدق اني وقعت في حيرة من امري و اخنرت الاحلى بين الامرين
صارت تذهب معي كل يوم للتدريس
تستيقظ معي صباحا و نسافر مع بعض و نرجع مع بعض هي فعلا صارت بالنسبة لي مغامرة رائعة
خطيبي يستقبلنا عند المحطة و ياخذنا الي المدرسة
و لكن امي تعبت كثيرا من السفر و فجاة صار عندها الضغط عالي صارت طريحة الفراش
لا ادري من القلق علي ام من التعب و الارهاق
امي عمرها في الستينات
الان اهلي طالبو الاكاديمي بارجاعي الى منطقتي و انا لا اريد لان سوف اتزوج في الربيع في منطقة خطيبي فيصير عملي قريب ب 20 كم
و اذا اهلي رجعوني الى منطقتي فيصير بيت زوجي بعيد عني ب 100 كم
لا يريدون الاقتناع لان اهل زوجي غائبون تماما و لا يريدون ان يتدخلو و حتى قرار الزواج في الربيع انا و خطيبي من اخذ القرار لان غياب اهله غريب جدا و لا يريدون التدخل
و عندما ناقشهم في المضوع قال لهم سنتزوج في الربيع قالو له كيف تقرر و حدك ؟ و الا حنا وكالين طعام برك
قال لهم انتم ترون خطيبتي تتعذب هي و امها من المفروض انتم الذين يقوم بالتدخل و لكن هم يقولون له اذا كانت تحبك تصبر
هو رايو من رايي انو نتزوج في اقرب وقت
انا صرت اتعب من اهلو و من تفكيرهم الاناني من طرفي
صديقاتي يقولون لي انتي فعلتي المستحيل من اجلو , و هم لا يريدون فعل المعقول من اجلك
ما رايكم
هل ارجع الى منطقتي و اريح امي و اتعذب السنين القادمة بعد الزواج
ام اجعل امي تصبر معي الاشهر المتبقية على العرس و ارتاح انا و هيا الاعوام القادمة
اخوتي يقولون لي راجلك ليس له قرار و ربما هدا العرس لن يحدث ابدا فكري في الحاضر و ليس في المستقبل لانه ليس مضمةن
انا فعلا في حيرة كبير ة ساعدوني

[نورسين.داية]

السلام عليكم

لكن والدتك تعيش بمفردها أين بقية العائلة ؟؟؟؟

و لا تنسي إذا كان لوالدتك معيل .....فالزوج ليس مجبر على تقبل وضعك .....قوليها لنفسك قبل ما يذكركي بها ......

و لو أن مكان إقامة أطراف القصة غير واضح .....

[العهد الرائع]

القرار صعب جدا
على حساب واش فهمت انتي كي تتزوجي تولي ساكنة في بلد زوجك الي بعيد ب 20 كم و امك ترجع لمدينتك الاصلية و هكذا هي تتطمن عليك و انتي بعيدة عليها كونك مع راجلك؟
نظن بلي امك ماهيش طالبة حاجة كبيرة
و اذا هي تحوسك ترجعي لميدنتك الاصلية حتى بعد الزواج فهذا غير معقول لانو ماهناتش عليك الان و انتي تسافري راح تهمى عليك في العكس
مشكلتك صعبة
ربي يكون معاك

[محمد جديدي التبسي]

المشكل في هذا الخطيب أو الزوج ليكن رجلا ويتحمل المسؤولية ويدير العرس في الشتاء مش الربيع
بيت جاهز ووليمة عرس حارتلو سهلوها تسهال ربي يصلح حالكم

[bellaluna]

الأمر لا يستحق تفكير و لا حيرة زواجك بعد اشهر ان شاء الله فلما التسرع و العودة للعمل في مقر سكنى عائلتك و انت ستنتقلين لعائلة اخرى ؟
ارضي امك و اقنعيها انك متى تزوجت سيصبح الامر صعبا ان تسافري لمدة تفوق 100 كم خاصة في حالة الحمل ان شاء الله.بالتوفيق.

[Angleeyes]

اضغطي على راجلك و تزوجي في اقرب وقت انت تتهناي و ماماك تاني بالتوفيق

[badr alg]

المشكل في هذا الخطيب أو الزوج ليكن رجلا ويتحمل المسؤولية ويدير العرس في الشتاء مش الربيع
بيت جاهز ووليمة عرس حارتلو سهلوها تسهال ربي يصلح حالكم

[loufa]

المشاركة الأصلية كتبت بواسطة badr alg

المشكل في هذا الخطيب أو الزوج ليكن رجلا ويتحمل المسؤولية ويدير العرس في الشتاء مش الربيع
بيت جاهز ووليمة عرس حارتلو سهلوها تسهال ربي يصلح حالكم

اشارك هذا الراي ماشي شرط تعملو عرس كبير ديرو حفلة قدركم واتلمو وهكذا امك تتهنا واختي وزوجك تتجمعو فدار وحدة وماتخلي حتى واحد يقرر في مكانكم لانه واحد ما حس بيكم وربي يوفقك

[نيفرتيتي.]

ندبر عليك روحو سلفو دراهم وديرو العرس في الشتا اذا كانت مشكلتكم الدراهم
واهله حتى كون تقعدي للربيع ماهمش راح يلمولو دراهمو ويديرولو العرس امالا زيريه بالدين وديرو العرسوبعد خلصي انت وياه
انا كانو يدولو شهريتو كامل وبعد 3سنين لقيت كلش دين كلش كلش
توكلو على ربي وماتبقايش تعذبي امك وزيري راجلك
واذا تحلت مشكلتك عاودي اكتبيلنا

[doba]

ربي يفرج عليك اختي

[مواطنة]

اختي الكريمة انا نعرف بنات بزاف ازواجهم مقدروش يديرو عرس دارو عشا للفاميليا القراب بزاف و الجيران القراب و الصحاب ماشي مشروط ديرو عرس في الصالة واذا قدرت انت عاونيه باش تستعجلو بالعرس اما عن امك ماشاء الله فهمت بلي تخاف عليك تسافري وحدك 100كلم
انا عندي اقتراح لكن لا اعرف ظروفكم في البيت اذا ما فيهش مشكل اكري استديو عيشي فيه انت و امك لحين ما تتزوجي هكذا تنحي عليها العذاب صح يمكن تخسري شوي دراهم في الكرى و مصاريف البيت لكن ما نقدروش ندو كلش مرة وحدة ضحي بقليل من شهريتك افضل ملي ضحي بخطيبك او عملك كليا او صحة امك وكلها اشهر وباذن الله تتصلح الاوضاع يعني حوالي 4 اشهر ماشي حاجة تخسرس شوي دراهم خير في سبيل صحة امك وحفاظا على الخطيب و خدمتك الرائعة لي هي التدريس في رايي افضل و الله اعلم
استخيري الله تعالى

[ام ريم]

ما تزيريه ما والو كل حاجة كاتبها الله في وقتها و رضا الوالدين اهم شيء......اذا زيرتيه بالدين بعد العرس يكره منك هذا عن تجربة

[sorour%]

اختي الكريمة نصيحة مني استمعي لاهلك هني امك الان و لما تتزوجي يحلها ربي , خممي شوية في والدتك الي تتعب معاك كل يوم .يجي التعب فيك و ما يجيش في والدتك و حتان يوصل وقت عرسك بالاك كاين امور تتغير لصالحك لانو واحد ما يقدر يضمن المستقبل,

[سهام1]

اللهم تعبي بعد الزواج انت و راجلك ولا تعبي امك الان و هي على مشارف الستنييات هنيها ربي يهنيك منا الربيع ربي يدير الخير كاش ما يسرا للوالدتك حفظها الله تندمي عليها طول حياتك

[" أبو عبود"]

نصيحتي تختلف على كل نصائح الاخوة واعتذر لهم. اذا كان مستعدا للزواج واراحتك من هذا الوضع في اقرب وقت فاهلا وسهلا وإلا اغلقي الموضوع وعودي الى قرب أمك فهي بحاجة اليك وسوف يعوضك الله خير منه. صراحة لا افهم كيف لانسان ان يتعذب من اجل انسان ثم هذ ا الاخير بيده الحلول ويتماطل وكأنه يستمتع بذلك؟ ثم كيف له ان يسمح لنفسه ان تسافر امك 120 كلم يوميا؟ هل هذا معقول؟ انت لست زوجته بعد حتى تقرري ان تعملي قرب سكنه.