الجزء 34 من واش طيبتي ليوم ؟

حلم جميل · 2013-10-26, 10:23

السلام عليكم و رحمة الله تعالى و بركاته

ليا الشرف اني نفتتح هذا الجزء من الموضوع المميز للغالية بريق الامل اللي من كرمها وطيبة اخلاقها

انو تمد كل مرة الكوزينة لوحدة من البنات .قمة المشاركة و الايثار .شكرا حبيبتي

نتمنى انو تكون كوزينة خفيفة و نستفادو كيما استفدنا من باقي الاجزاء .

نبدا بصور من مطبخي البسييييط راكم تعرفو مطابخ الباطيمات ,راني راح ندير فيه تغييرات عن قريب ان شاء الله .

نبدا بالسكر للسكرات راني كل مرة نخدم شوي ان شاء الله عندنا عرس قريب
[IMG][/IMG]
وهاذي كزينتي الصغيرة الجميلة هههههه
[IMG][/IMG]
[IMG][/IMG]
[IMG][/IMG]
[IMG][/IMG]
نتمنى تعجبكم
فالاخير نتمنى تتفكرو الدعاء بالذرية الصالحة ان شاء الله
ليا و بريق الامل و السعيدة بربها و باتيلا و حبيباتي فالغرفة الاخرى نسائم الصباح و منمن و سوسو و ونسائم اهدى وجميع من يتمنى الولد السليم المعافى يا رب

اتفضلو عزيزاتي ....

ام عبودة · 2013-10-26, 10:25

مبرووووووووووك الكوزينة الجديدة

ام عبودة · 2013-10-26, 10:28

فريال88 · 2013-10-26, 10:34

مبرررررررررررررررررررروك الكوزينة الجديدة

أم ماجد · 2013-10-26, 10:35

الف مبروك الكوزينة الجديدة بالصحة والهنا
ان شاء ترزقي فيها بالابناء البررة قادر يا رب انت وبقية المحرومات من الذرية
المهم جبتلك بعض الصور
هذا فطير درته اول امس امممممممم

وهاذي بطاطا صوتي تاع شافنا ام كوثر

وهاذي اكياس الشحمة خبيتها في المجمد

وهاذي صور عشا البارح عرضنا جارنا مع اولاده امهم غايبة في الحج ربي يرجعها بخير
لقيت الشيخ كالعادة جاب معاه جماعة اخرى تاع الجيران هههههههه يموت على الجمايع
الحمد لله عارفة العقلية وكثرت

هنا لحم ودجاج طايب في الكوكوت زدت حمرتهم تحميرة خفيفة في الفور امممممممممم

ههههه لبنات نعطيكم حلقة من مسلسل الشيخ
قتله وضرك شكون يصور الاكل والطابلة
قالي لاه مافيها والو زيدي ادخلي مع الرجال وصوري
يا ويلي يا ويلي كون جاو النسا كون صورت كل شئ

nour inasse · 2013-10-26, 10:36

مبروووووووووووووووك الكوزينة الجديدة ربي يجعلها ديما عامرة بأطباقنا
اختي حلم جميل كوزينتك مرتبة روووووووووووعة يعطيك الصحة
ام عبووووووووووووووووووودي سويسرووووووول جاك 4444444444444
راني مدايرة بحث على ام ماجد باه تقولي على الطريقة الي دارت بيها البوزلوف في الكوشة مع البطاطا

عطرالذهب · 2013-10-26, 10:36

مبروك الكوزينة الجديدة
حلم جميل كوزينتك هايلة متحوفة ومنظمة
ماجيتش ويديا فارغين بقاتلي حبة بقلاوة كل وحدة تدي نتشة هههه

أم ماجد · 2013-10-26, 10:44

لبنات والله اليوم راني معروضة للغدا عند نسابنا الجدد
ومتثاقلة وزدت لقيت الهام قلت نحي الوحش منها
الهام واش رايك ؟

madgirl · 2013-10-26, 10:46

مبروك الكوزينة حلم جميل
هذيك كوزينة الباطيمات ؟ امالا كون تشوفي كوزينتي واش تقولي والله ميترا على ميترا
نشالله في هاذ الكوزينة نشارك معاكم مانبقاش غير نتفرج

عطرالذهب · 2013-10-26, 10:47

راني غير نضحك معاكم هايليكم البلاطو كامل تستاهلوا والله العظيم

حلم جميل ربي يرزقك الذرية الصالحة انت وكل محرومة بالصح معاهم رايح يروح كل الديكور اللي معلق يولي في الارض واللي كان في الارض يولي معلق ههههه

madgirl · 2013-10-26, 10:49

ام ماجد وين تسكني في العلمة بالاكش رانا جيران ؟

أم ماجد · 2013-10-26, 10:51

اقتباس:

المشاركة الأصلية كتبت بواسطة nour inasse

مبروووووووووووووووك الكوزينة الجديدة ربي يجعلها ديما عامرة بأطباقنا
اختي حلم جميل كوزينتك مرتبة روووووووووووعة يعطيك الصحة
ام عبووووووووووووووووووودي سويسرووووووول جاك 4444444444444
راني مدايرة بحث على ام ماجد باه تقولي على الطريقة الي دارت بيها البوزلوف في الكوشة مع البطاطا

هاهو الرابط تاعي

https://www.djelfa.info/vb/showthread.php?t=1167112

وهاذ المرة درت طريقة استاذتنا ام رامي

لكن زدت معاه بطاطا صغيرة مشرشمة وحطيتها في البلاطو معاه

كي عاودت حملت الصور غلطت زدت هاذي قلت والله غير نحطها

ونشوف الهام من جماعة واع ويععععععععععع وبعععععع

ههههههه واش رايك ؟

نسكن توال دبي في التساهمي

ام عبودة · 2013-10-26, 10:52

اقتباس:

المشاركة الأصلية كتبت بواسطة parfumdor1

راني غير نضحك معاكم هايليكم البلاطو كامل تستاهلوا والله العظيم

حلم جميل ربي يرزقك الذرية الصالحة انت وكل محرومة بالصح معاهم رايح يروح كل الديكور اللي معلق يولي في الارض واللي كان في الارض يولي معلق ههههه

عند بالي غير الحبة برك. قلت ظرك تنوض العركة مييي :d سلامات كي جاء البلاطو كامل
ام ماجد ههههههههههه انتوما عايلة هايلة يعجبني التفاهم اللى بيناتكم. الله يدومها

ام عبودة · 2013-10-26, 10:55

ام ماجد يعطيك الصحة الماكلة هايلة
لون غير جيت جارتك
بصح وينك هيا لازم نشجعك الى الميتين

عطرالذهب · 2013-10-26, 10:56

نقوللك يا ام ماجد الحقيقة كي كنت في دارنا كانت ماما تغسلها وتنحيلها القشرة الخارجية والداخلية وتحطها تغلي في ما وملح قيس ما تهز الغلو وتنحيها تقطعها مربعات وتملحها وتقليها تجي تهبببببببل تقولي لحم ابيض طري تقريبا كي السمك وتمدلنا ناكلوها لولاد ولبنات نورمال