لا أريد الذهاب إلى العرس

مشكلتي · 2013-09-04, 12:43

السلام عليكم ورحمة الله وبركاته

لدي مشكلة وهي أنني لا أحب الحضور إلى الأعراس بسبب المخالفات التي تقع هناك ، ولكن هذه المرة لدينا عرس حيث أن قريبة لأبي ستزوج آخر أولادها وقد حضرت في أعراس أولادها السابقين لأنني كنت صغيرة ولم أكن أعلم بحرمة أو مكروهية ذلك

والآن لا أريد الذهاب ، وأمي غصبت علي كثيرا وتقول أنني لست اجتماعية ولن اتعود على الحضور في مثل هذه المجالس علما أنني أرفض الذهاب إلا إلى الأعراس التي تحتوي على غناء أما البقية فلا أمانع أبدا

بالإضافة أنني الكبرى في العائلة لذا علي أن أمثل أمي أو أحضر معها لأعراس العائلة وهذا حسب التقاليد

أعينوني أعانكم الله ، فلا أريد أن أفسد علاقتي مع أمي ولا حضور العرس

السلام عليكم

○•ميسون•○ · 2013-09-04, 20:30

هاذي مش مشكلة أبدا

أنا تاني ما نحبش نروح للأعراس ابدا و ديما نبقا وحدي في الدار

روحي مع ماماك وخلاص ماراكي خاسرة والو

ترضي امك خير من تديري مشاكل على عرس تافه

ياخي كلش راح يفوت

رحمة من المولى · 2013-09-04, 20:35

عادي انما الاعمال بالنيات

ZORRO__DZ · 2013-09-04, 20:39

عليك بتلبية الدعوة لكن اشغل نفسك في إعانة العائلة في تحضير الوجبات وإطعام الضيوف وإكرامهم هاكذا ليرتاح ضميرك

naamane3 · 2013-09-04, 20:50

روحي للعرس وارضي امك
وفالعرس رايحة تلقاي بزاف صوالح
تلقاي ناس يشوفوفيك من عين الابرة ربما قتلي واحد من ابويهم
وتلقاي ناس عاملين جمعية والغيبة مدايرة رايهة
وتلقاي ناس الشطيح والرديح صنعتهم
وتلقاي ناس التليفون لا صق في ودنيهم
وتلقاي بنات خارجين من غيرهدوم
وتلقاي شباب داخلين خارجين في وسط النساء لاحشمة ولا حياء
وتلقاي وتلقاي وتلقاي
وانت اذا قدرتي تحكمي قدرك وتديري خيمارك وتجلسي في مكان
ما تزوروش الكاميرا روحي واذا ماكانش ما ننصحكش
ويا سعد من زار وخفف
وربي يجيب الخير

ريتان · 2013-09-04, 20:51

روحي عادي

ومتقعديش وين كاين الغناء

قعدي في بلاصة وين مكاش المنكرات

ربي يوفق

لقرع بوكريشة · 2013-09-04, 21:49

علما أنني أرفض الذهاب إلا إلى الأعراس التي تحتوي على غناء أما البقية فلا أمانع أبدا

الاخت الكريمة انا استغربت واحترت في نفس الوقت...حيث انك تصرحين بانك لا تحبين الا الاعراس التي يوجد بها غناء......والاعراس الي ما فيها غناء انت رافضتها......وهذا ما جاء في سؤالك حيث انك في سؤالك اكدت على الرفض...ثم استثنيت باداة الاستثناء...الا...اي ما جاء بعد الاستثناء بالا هو المطلوب والمرغوب.........وانا اضن والله اعلم انك ترفضين الاعراس التي يوجد بها غناء هي هكذا الفطرة تقول لي.....لان الحديث بنصه...من جلس إلى قينة صب في أذنه الآنك يوم القيامة....... وخاصة في اعراسنا حيث يختلط الحابل بالنابل....وما تتخللها من اغاني مجون مفسدة للاذواق.....على كل اختي ناخذ الامور دائما بسهولة ويسر ...حاولي ان تمتنعي وان اجبرت من طرف والدتك لا باس بالذهاب ومحاولة تفادي ذالك الاختلاط الماجن بالانزواء جانبا مع مثيلاتك...والله يعلم النيات والسرائر.......هذا ان كنت فهمت سؤالك لان الاستثناء بلا يمكن يكون قد غير السؤال.........شكرا شكرا والله يكون في عونك

تسنيم مسلمة · 2013-09-04, 22:19

لا طاعة لمخلوق في معصية الخالق.
شوفي يا أختي ربي خير من كامل الناس . أنا تخدي برايي ما تروحيش و فهميهم بلي نتي ما تروحيش الأعراس.
أنا تزوجت بنت خالتي و هي كي أختي تربينا مع بعض. قلتلهم أنا ما نجيش للعرس .. قاتلي خالتي ماجيش ما نسمحلكش
قوتلها لوكان خويا يدير عرس في الصالة ما نروحش .. فهمت بلي أنا ما ندخلش الصالات لي يكون فيها الغناء.
كي يجوز العرس روحي هنيلهم و فهميهم بلي حلفتي ما تدخليش les salles des fêtes
و السلام عليكم و رحمة الله و بركاته

تسنيم مسلمة · 2013-09-04, 22:22

اقتباس:

المشاركة الأصلية كتبت بواسطة لقرع بوكريشة

علما أنني أرفض الذهاب إلا إلى الأعراس التي تحتوي على غناء أما البقية فلا أمانع أبدا

الاخت الكريمة انا استغربت واحترت في نفس الوقت...حيث انك تصرحين بانك لا تحبين الا الاعراس التي يوجد بها غناء......والاعراس الي ما فيها غناء انت رافضتها......وهذا ما جاء في سؤالك حيث انك في سؤالك اكدت على الرفض...ثم استثنيت باداة الاستثناء...الا...اي ما جاء بعد الاستثناء بالا هو المطلوب والمرغوب.........وانا اضن والله اعلم انك ترفضين الاعراس التي يوجد بها غناء هي هكذا الفطرة تقول لي.....لان الحديث بنصه...من جلس إلى قينة صب في أذنه الآنك يوم القيامة....... وخاصة في اعراسنا حيث يختلط الحابل بالنابل....وما تتخللها من اغاني مجون مفسدة للاذواق.....على كل اختي ناخذ الامور دائما بسهولة ويسر ...حاولي ان تمتنعي وان اجبرت من طرف والدتك لا باس بالذهاب ومحاولة تفادي ذالك الاختلاط الماجن بالانزواء جانبا مع مثيلاتك...والله يعلم النيات والسرائر.......هذا ان كنت فهمت سؤالك لان الاستثناء بلا يمكن يكون قد غير السؤال.........شكرا شكرا والله يكون في عونك

خويا ....... باينة بلي زلت قلم .. هاديك ال إلا زادتها مشي بلعاني
باينة وضوح الشمس

Some1 · 2013-09-04, 23:02

روحي مي ديري الخمار بلاك يصوروك النسا ةو مبعد يمدوهم للرجال يضالوا يشوفو فيكم

بنت اولاد نايل · 2013-09-04, 23:11

السلام عليكم
هذا المشكل نعانو منه بصح انا اصلا مانحضرش اعراس
نحب لمة العائلات فى مناسبات وخاصة عندنا بصح نحضر اعراس لالا
زيدي الى ناوية عدم حضور باش ترضي الله علاش تقول الناس يقولو ويقولو والدتك تقدري تقنعيها
اذا عرفتيها صعب تقتنع ديري كيما تدير جارتي تحضر بصح تبقى بحجابها وتساعد فى شغل العرس لان محتومة باش تحضر
وربي يوفقك لما هو خير

**د لا ل** · 2013-09-05, 00:18

انا اعطيكي طريقتي لحضور عرس احد المقربات

انا اذهب صباحا الى البيت الذي يقام فيه العرس طبعا تكون العائلة من المقربين جدا نساعد بالشي لي نقدر عليه أبارك للعروسة وناخذلها الهدية وأبارك للام طبعا و وابقى الى فترة الظهر ونرجع للبيت

وامي تذهب مسااءا لحضور العرس

انا هذا ما افعله لاني لا استطيع البقاء وسط تلك المنكرات خاصة الغناااااااااء الصاخب فنفسي تضيق منه صراحة

ممكن يستغربوك لكن برري لهم السبب

موفقة

hattal · 2013-09-05, 10:48

اقتباس:

المشاركة الأصلية كتبت بواسطة ريتان

روحي عادي

ومتقعديش وين كاين الغناء

قعدي في بلاصة وين مكاش المنكرات

ربي يوفق

وين ما كاينش الغناء و المنكرات ههه تقصدين اخر المدينة ؟؟؟ تخرج من دارهم باش تقعد في الشارع ههههه

بيان 5 · 2013-09-05, 10:49

انا تاني مانروحش للاعراس خلاااص
وراني عايشة لاباس عليا الحمد لله

بلسم غرام2018 · 2013-09-05, 11:12

هاذي مش مشكلة أبدا

أنا تاني ما نحبش نروح للأعراس ابدا و ديما نبقا وحدي في الدار

روحي مع ماماك وخلاص ماراكي خاسرة والو

ترضي امك خير من تديري مشاكل على عرس تافه

ياخي كلش راح يفوت