ارجوكم افيدوني

مشكلتي · 2013-09-02, 15:15

السلام عليكم

اوجه تحياتي الى القسم اعضائه و طاقمه

انا فتاة عمري 16 سنه

مشكلتي هي انعدام الثقة بالنفس

سببها

عاودت عاااام في السييييييييييام ومنذ ذلك الحييييين

تغيرت كليا بسبب هدرت اقاربي (متعفريش تقراااااي .... بطلي القراية .......
2 متوسط ساااااهلة مقدرتيلهاش كيفاه راكي حابة تجيبي البيام و الباك.....)

حطموووني حطموني حتى وليييييت نحشم كي نقعد مع بناااااات قدي في العمر

و راني خايفة اذا ياثر علي في دراستي كيما اثر علي

هذا العااااااام و جبت البيااااااااااااام ب 13.14 فقط رغم جهووووودي

مبقااااااش بزااااااااف للدخووووول المدرسي كلما اقترب ازداد خوفي

انا نفهم و نقدر نحفظ بصح منيييييييييش مقتنعة بقدراااتي و كل مرة نرجع رووحي للورااااااء

ارجوووووووووكم افيدووووووووووني حابة نرجع كيما كنت قوية الشخصية

و عندي ثقة بنفسي

رااااااااااني نتحطم شيئا فشيئا

صح لي يعاود ميعرفش يقرا ؟؟

و هل هو انسان فاااااااشل ؟؟؟

Some1 · 2013-09-02, 23:40

لعاود العام مش لازم يكون ميعرفش يقرا, قادر يكون استهزاء,و لا ظروف المنزل او يكون مثلا يكره الاستاذ ومنبعد يكره المادة تاعو
انتي لازم اديري الثقة في نفسك وتثبتيلهم العكس ,انتي ما شاء الله قلتي بالي تفهمي يعني مراكش مطنهة هههه و زيد قلتي تقدري تحفظي, حاولي تحلي شوية تمارين وتوظفي المعلومات الي حفظتيهم بلاك راهو عندك نقص في التركيز ولا سوء توظيف المعلومات
انتي رايحة تقراي في الليسي ,اخطيك من المتاهات تاع العلاقات و الامور هاذيك التاي غير بالقراية و خيري صحابات ملاح ماش تاع مشاكل ,ربي يوفقك

بلسم غرام2018 · 2013-09-03, 07:31

الي عاود العام مش ميعرفش يقرى بل هو تعثر وكذلك راه مكتوب ربي سبحانوا لانوا الانسان يتخذ الاسباب حبيبتي
اما فاشل لا والف لا مكمانش منها فشل فالنجاح والامام
ولو كنت فاشله التالي راكي مجبتيش البيام العام هذا
ونزيدك خليك من العباد راها الغيرة ونقص فيهم متعمريش راسك
بيهم واثبتيلهم جدارتك ولو م ملزومة بيهم هذا العام وان شاء الله تفرحيني وتقوليلي جبت 16 معدل
وناس بكري قالو حنونتي
الي يقرى يقرى لروحو والشعب يعلق على روحو

قدوتي رسولي · 2013-09-03, 09:30

بعد الســـــــــلامـ
عزيزتـــــــي الكثير منا يمر بمثل هذه الظروف ولكن لكل منا اسبابه
اسألي نفسك اسباب رسوبكـ
ان كان نقصك في الدراسة فهذا لايعني فشلكـ
ركزي على دراستك ولا تبالي بكلام الناس فلكل منا سببه
قد تكون غيرة وقد يكون مقت وووو........
فهناك الكثيرين والكثيرين اعرفهم حق المعرفة كانو اكثر اجتهاد في المتوسطة وفور انتقالهم الى الثانوية نزل مستواهم لاسباب عدة
والعكس كذلك
وماانصحك به هو التركيز في دراستك جيدا جيدا والاعتماد على بعض الكتب الخارجية ولاسيما الدروس الخصوصيــة
ولا تعطي فرصة لاقاربك بمهاجمتك واجعلي سلاحك دراستك لاغير
ولاتجعلي العلامة مقدارك بل اجعلي العلم والاخلاق مقياسكـ ولاتعطيهم نقطة ضعفك لاستغلالها
ولاتتركي صلاتكـ ابدا وتقربي الى الله اكثر ولاتنسي الدعــأء
وباذن الله ستحققين المزيــد وابتعدي على رفيقات السوء لان المظاهر عنوانهم لاالدراسة
وكوني ذو قوة وشخصية وشعارك محبة الدراسة ولاتفشــلي ابدا مهما كان
واسأل الله ان يوفقكـ
ماان احتجت شيء لاتترددي
اختك في الله

nibou · 2013-09-03, 09:47

بالعكس يا أختي هاد الشي لازم يمدلك ثقة اكثر،كاين ناس وصلوا باه خرجوهم من المتوسطة و كي راحوا قراو في متوسطة بعيدة عاودوا نجحوا حتى ولاو مهندسين و كاين ناس ما نجحوش في شهادة المتوسطة بعامهم و لكن داو الباك بعامهم،يعني ماش شرط كي منجحتيش في عام راح ترسبي في لخرين،بالعكس لازم تبدلي هاد النظرة و تتحدايهم و راكي في نفس الوقت قاعدة تتحداي فالخوف اللي فيك يعني أقراي كلي على جالهم باه تثبتيلهم بلي راكي قارية و كذا و في نفس الوقت راكي قاعدة تسترجعي فالثقة تاعك بنفسك يعني ابداي من برا و أدخلي للداخل

ملاك الامل · 2013-09-03, 10:19

والله نعرف عباد بزاف عاودو السنة الدراسية وراهم ذرك طبا اساتذة محاميين حتا اختي عاودة السنة الدراسية وراهي السنة ان شاء الله تكمل الماستر 2 وراهي تخدم بالعكس لازم تزيد تقوا العزيمة تاعك اكثر فاكثر

Hillin · 2013-09-03, 10:25

السلام عليكم:
عزيزتي:
الفشل= عدم الاستمرار في المحاولة
أتعرفين توماس ايديسون Tomas Edisonمخترع المصباح؟
وقراهان بالGrahan Bell مخترع الهاتف؟
انشطاينEinstein و الرياضيات و اكتشافه للنسبية؟
والت ديزني Walt Disney؟
أنظري الى ما واجهوه الآن:
-أساتذة توماس قالو عنه " انه اغبى انسان رأوه على سطح الأرض" وتم طرده على التوالي من منصبي شغل بحجة " عدم الانتاج" و كمخترع للمصباح قام ب 1000 محاولة غير ناجحة و عندما سألته الصحافة " لقد علمنا بأنك فشلت 1000 مرة"" فكانت اجابته"لم أفشل 1000 بل اختراع المصباح يحتاج الى 1000 خطوة"
- اخترع بال الهاتف بعد محاولات عديدة ولما أصبح جاهزا و قد تم عرضه للبيع فكان الرد من طرف أكبر الشركات بالرفض و أذاعو هذه المقولة" ماحاجة شركاتنا للعبة أطفال"
-أنشطاين لم يتكلم الا في سن الرابعة ولم يقرأ الا في سن السابعة عائلته كانت تقول عنه '' sub-normal و احد أساتذته وصفه بانه متأخر ذهنيا و مجنون"
- ولت ديزني طرد من journalism بحجة" افتقاره لعنصر التخيل imagination و افتقاره للافكار الجيدة ولم يتلق القرض حوالي مليون مرة بسبب الظن بان مشروعه سيكون فاشل

الآن من هؤولاء؟
ماذا صنعوا؟
عزيزتي
الاهم هو ان تقف من جديد " لا تصغ الى الكلمات الجارحة و ان صادفت و سمعتها اجعليها ركيزة تقيفين عليها للصعود نحو القمة كوني على يقين بان لكل انسان طاقة خفية ان استغلها بالجاب حقق المستحيل " رددي فقط أستطيع فعل كذا " سترين النتيجة
تخيلي فقط بان السالب " مدفع " و انت الذخيرة و الموجب هو الهدف الذي تسعين خلفه
اجعل كل من من يقول " أنت فاشلة '' مدفعك اذن
على فكرة " انا لم انجح في البكالوريا في سنتي الاولى و اعدت العام في شعبة جديدة و حققت المرتبة الثالثة على مستوى ولايتي و اليوم تخرجت كأستاذة
وفقك الله
تحياتي

*بيتي مملكتي* · 2013-09-03, 10:56

أختي لازمك أنت تقوي ثقتك بنفسك و بقدراتك و ما تخليش هدرة الناس تأثر فيك مهما كانت

بالعكس خليها دافع باش يدفع للأمام و تثبتيلهم بللي كانو على خطأ و أنك أقوى من عثرة و أقول مجرد عثرة قادرة تصرى لأي واحد فينا

كوني على ثقة أنو لن يصيبنا إلا ما كتب الله لنا و أكيد مش نقعدو ونقولو هكذا

لازمك أنت تدافعي على نفسك بالفعل لا بالقول و خليهم يقولو واش يحبوا عزيزتي

شكون ما عاودش العام و شكون ما تعثر في دراستو أو خدمتو أو حياتو الشخصية

المهم كي تتعثري و تطيحي ماشي تزيدي تبركي في الأرض و إنما لازمك تنوضي بهمة و نشاط و تحاولي و تحاولي انك ما تزيديش تطيحي في نفس الحفرة

ربي يوفقك أختي لما يحبه و يرضاه

life is life · 2013-09-03, 11:16

ماقريتش مشكلتك كامل

مي عندي ليك حاجة

و اذا انتي منزعجة انو تقراي مع وحدين اصغر منك بسنة

و علاش ما تقرايش بالمراسلة ؟

صراحة انا نقرا بالمراسلة و باقي الوقت معمراتو بأشياء اخرى و نتعلم بزاف صوالح

و ناس رجعو يحسدوني كوني ناجحة في كل شيء

مي تاني نقولك ما ديريش على كلام الناس و راكي عاد صغيرة و المستقبل كلو امامك

اذا دخلتي تقراي نظامي ننصحك تتجنبيهم و في النهاية رايحة تقراي و تولي لداركم

مي برك هاد العام زيري روحك شوية و قراي مليح ما تفكري فحتى حاجة اخرى من غير قرايتك

Some1 · 2013-09-03, 12:05

........................................

naamane3 · 2013-09-03, 13:11

راكي صغتي مشكلتك بطريقة جيدة
لوكانت لديك عدم الثقة بالنفس لما عرفتي كتابتها
ما حل بك وساوس الشيطان برك
استعيذي بالله منه وسينصلح حالك
اما بخصوص من يثبطك ويقولك فاشلة
لا تعيريهم اي اهتمام وواصلي حايتك عادي
والله المستعان

بَلقِيـس · 2013-09-03, 14:16

ممممممم
علاه تكسري راسك معاهم؟؟
اقراي انجحي
رك اللي يهدرو كامل
راهم اقل منك
لو ماكنتيش احسن منهم ماكانوش هدرو
لانو ببساطة **الغيرة** قتلتهم

اسلامي عزتي · 2013-09-03, 14:53

ومتى كان الفشل عيبا
انما هو عبارة عن بداية النجاح لا تهتمي بأى احد يحاول اثباط عزيمتك وارادتك بل تقربي من الله سبحانه وتعالى كما يقول عز وجل من يتوكل على الله فهو حسبه
ومن يدري اختي ربما تكون الثانوية بداية نجاحاتك فتفائلي خيرا ومهما سقطت لا تفشلي كما يقول المثل الياباني اذا سقطت للمرة السابعة فسانهض للمرة الثامنة فقط عليك ان تثقي بقدراتك عزيزتي وان تحددي هدفك وتردديه كل يوم فعقلك الباطني يستخدم كل الطرق لتحقيقة
واى مساعدة انا في الخدمة

اسعى لرضى الله · 2013-09-03, 15:00

خليهم يهدرو ياخي الهدرة باطل وزيد هدي هي خدمة العرب يحطمو الناس , اكي نجحتي والحمد لله في البيام وهدا يدل بلي راكي تقراي ماشاء الله متخليش للناس تحطمك بهدرتهم وديري ثقة في نفسك كيعاد لا مدرتيش انتي ثقة في نفسك واحد ماراح يديرهالك وديري هدرة الناس هي اخر شيء في حياتك ومعندك من واش تحشمي مشي حاجة تحشم هدي

اي واحد تقدر تصرالو كيفك مشي معناها ميعرفش يقرا , الناس برك اللي حاصرة انو واحد كي يدوبلي ميعرفش يقرا وهوما كاين قداه من سبب

مالا متعمريش راسك وعيشي حياتك راكي صغيرة لا بديتها من ضرك معندكش ثقة في نفسك وين رايحة؟

الزهرة المضيئة · 2013-09-03, 17:10

عادي اختي انا عاودت عام في الجامعة و العام لي بعدو جبت 15 الاولى في الدفعة تاعي
عادي جدا الفاشل لي ما يحاولش و يستسلم توكلي على ربي و ثقي في روحك و ما تسمعيش للناس
و ربي ينجحك ان شاء الله