ممكن تتفضلوا جميعكم

[الراغبة فى رضا الرحمن‎]

السلام عليكم إخواتي
أنا تقدمت لشهادة البكالوريا هذا العام ولم أوفق والله درست كتير وسهرت يعني العام كامل وأنا أسهر من بدايه حتى النهايه وفي الأخير أفاجئ بالعلامات الكارثية خاصتا في الفزياء ......المهم نفسية تعبانا كتير ومحطمة بمعنى الكلمة لدرجة لا تتصور .. الكلمات لا تعبر عن حالتي والحمد الله على كل حااااااااااااااااااال
بدي مساعدتكم كيف جدد نفسيتي ورجع مثل الأول بحب الدراسة حالياا كرهتهااااا بزااااااف ومحطاش في بالي كامل بلي رايحة نذخل نقرى ولا نراجع وأدرس مثل الأول ساعدوني و ما تقولولي عدم تحصل على الشهادة مش نهاية العالم

[iman14]

والله حالتك كيف حالتي تماما ربي يعوضنا انا نفس و مانيش قادرة نتنفس الله غالب مكتوب

[الراغبة فى رضا الرحمن‎]

والله عندك حق نفس و مانيش قادرة نتنفس

[Amel 95]

و الله يا اختي ما عليا غير نقولك ربي يكون في عونك
يعني ما نقدرش نتصور الاثر اللي ممكن يخليه الرسوب خاصة بعد الاجتهاد انت قلت ما نقولكش هادي ماهيش نهاية العالم مي انا نقولك الحياة لا تتوقف هنا فمن اجتهد و لصاب فله اجران و من اجتهد و اخطا فله اجر
اختي اشحدي همتك وارفعي من معنوياتك وثقي بربك فعسى ان تكرهوا شيئا و هو خير لكم ، انسي امر الرسوب و الفشل فما هو سوى عثرة قبل النجاح ان شاء الله
حاولي اكتشاف اخطائك و التعلم منها
لكي تعودي بنفسية جيدة حاولي تذكر الهدف من تعبك و الهدف من دراستك حاولي تخيل سعادة والديك عند نجاحك و ستجدين نفسك مقبلة على الدراسة فورا فلا يوجد حافز اكبر من هذا حسب رايي
ربي يوفقنا جميعا

[الراغبة فى رضا الرحمن‎]

شكرااااا لردكم إيمان و أمال الله يجازيكم كل خير صح فرحت الوالدين لا تعوض وأنا لم أفرحهم العام هذاا و الله كرهانا من هذي الدنيااا غير يديني ربي سبحانواا نتهنى شبعة

[amine 1995]

الكلمة الي نقولهالك هي اقراي و زيدي اقراي و لا تتكاسلي
مهما اجتهدتي قولي في نفسك انا لم اقم سوى بالقليل

[amelmimi94]

أفضل نصيحة هي:




قال تعالى {وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ}

[ايمان1994]

انا تاني والله غير قريت ونبات سهرانا وحفظت وفي الاخير ماجبتش الباك


زعفت صح وبكيت بصح

في الاخير عرفت بلي هذا مكتوب رببي يلي تجي منعنده كامل مليحا بلاك ربي راح يفرحنا العام الجاي


ونفرحو بمعدات عاليا انشاء الله


انشاء الله ربي ينجح كل رسب في باك 2013 العام الجاي انشاء الله بالاعلى المعدلات

[الراغبة فى رضا الرحمن‎]

مشكوووورين على مروركم العطـــــــــــــــــــــر أحبتي
إنشاء الله خير

[nourgirl1]

اختي ,,,,,,,,
نقولك ماتخليش هاد الرسوب يكون عائق لتحقيق احلامك بالعكس الفشل هو بداية النجاح و لازمك تتعلمي من اخطائك و لازمك توثقي في نفسك فالثقة بالنفس ترجعلك الحماس ان شا الله
صح الرسوب يبكي الواحد مي خلاص راكي بكيتي و غاظك الحال و لكن هل ينفع الندم و البكاء لاااااااااااااااااااااااا
امالا ارجعي بكل همة و حدي اهدافك و ان شالله ربي يعينك و يوفقك و ننصحك تاني دايما تكلمي بايجابية و خليك من الايحاءات السلبية
بسكو راهي مدهرة للنفسية
تقبلي مروري و ان شالله الموضوع الجاي تقوليلنا راكي كلك همة و نشاط و حماس لبداية العام الدراسي و ربي يوفقك

[الراغبة فى رضا الرحمن‎]

nourgirl1 مشكووورة على مرورك إن شاء الله أرتاح وعود مثل الأول وأحسن الله يجازيك كل خير أختي

[hanna25]

أختي انتي درتي اول خطوة من أجل النجاح العام القادم وهي انك ندمتي وغطتك روحك يعني هذا يأكد بحبك للدراسة والآن يجب ان تنسي الحزن وتجهزي نفسك من اجل الدراسة والاجتهاد خممي في النجاح وان شاء الله تكوني من الناجحين العام القادم

[الراغبة فى رضا الرحمن‎]

إن شاء الله أختي العزيزة hanna25
مشكوووورة لمروورك العطر حبيبتي

[lotfi22]

بالتوفيق..........

[محمد one]

الضربة التي لا تميت تحيي من جديد بالايمان والارادة والتركيز والثقة في النفس يحدث المستحيل امضي قدما ولا تلتفتي الى الوراء