واش اندير كادو لسلْفي ...........

[yara djoumana]

السلام عليكم ورحمة الله و بركاته انا حابة انديركادو لسلفي اي اخو زوجي بمناسبة زواجه هو لازال لم يقبم حفل العرس وانا حابة نعملو كادو معتبر واش رايكم نشريلو فريجدار و تيليفزيون او نشريلو الكبش او نشريلو شامبرة او نمدلو دراهم و هو الله يسهل عليه
راني محتارة و حابة تعاونوني برايكم و افكاركم انا في الانتظار و شكرا مسبقا

[هدايات26]

في رايي تساليه هو واش مازال يخص في البيت واشريلو .........

مبروك عليه

[ا.سارة]

ربي يهنيه و يفرحو ان شاء الله

اشريلو الحجة لي مازال مشراهاش للدار
او اعطيلوا دراهم او هوا يشري و يخير واش حاب

ربي يوفقك

[عبدالله بولنوار]

ما كان لكلمة سلفي........ من داعي مع حسن ظني بك طبعا

حسب احتياجه و امه او اخته يكون عندها علم

قد تشترين له شيئ يكون اساسا عنده او مجهزه او جايه من اصحاب

و ممكن تساليه واش خاصو تهنيه منه

[نور اليقين جيداء]

سقسيه واش خاصو بعدا الا كان بدارو وحدو هو يقولك شالزمو
ربي يقدرك اختي و هو ربي يهنيه ان شاء الله

[منتهى الرقة-*]

المشاركة الأصلية كتبت بواسطة ابو اسراء

ما كان لكلمة سلفي........ من داعي مع حسن ظني بك طبعا

حسب احتياجه و امه او اخته يكون عندها علم

قد تشترين له شيئ يكون اساسا عنده او مجهزه او جايه من اصحاب

و ممكن تساليه واش خاصو تهنيه منه

اظن ان الاخت سالت عن سلفي ليس بمعنى السلفيين

يعني نحن نقولو هكذا لعائلة الزوج

سلفي اخو زوجي

سلفتي هي زوجة اخ زوجي

[yara djoumana]

المشاركة الأصلية كتبت بواسطة ابو اسراء

ما كان لكلمة سلفي........ من داعي مع حسن ظني بك طبعا

حسب احتياجه و امه او اخته يكون عندها علم

قد تشترين له شيئ يكون اساسا عنده او مجهزه او جايه من اصحاب

و ممكن تساليه واش خاصو تهنيه منه

السلام عليكم سلفي يا اخي انا اقصد بها اخو زوجي نحن في الشرق هكذا نقول بارك الله فيك و شرفت موضوعي و شكرا على رايك

[yara djoumana]

بارك الله فيكم جميعا لقد افدتموني فعلا بارائكم شكرا كثيرا نورتو موضوعي

[فاتن 89]

ربي يهنيه و يفرحو ان شاء الله

[عبد الكريم السبكي]

ربي باركو في الزواج واحسن هدية في تقديري كتاب يتكلم عن حقوق الزوج مع الزوجة لتدوم العشرة

[عبدالرحيم75]

يأختي الكريمة أحسن هدية في مثل هذه المناسبات
هي أن تهديه كتاب الله وظرف بريدي فيه مال ،وهو يتصرف كيفما شاء ،إذ بإمكانه أن يشتري ما نقصه من تجيهزات ،أو مأكولات للعرس ،أو كسوة له أو يقضي به دين
وربي يهنيه ويأجرك أنت وزوجك

[nerokime]

اولا مبروك
اضن كبش

[العسكري-]

بما انه مقبل على الزواج اظن انه يحتاج لكثير من المال لذا انصحك بان تهدي له مبلغا مايل و يتصرف فيه كما يشاء

[julien2013]

الامر يختلف ان كان/ فقير/ غني* ساكن وحدو ولا مع الاهل*
اذا كان فقير اشتري له حاجة ذات فائدة: ثلاجة، كويزينيار، غسالة، تلفاز، .. ....الخ + مصحف(اجباري)
اذا كان لاباس عليه، كتاب الله عز و جل أغلى وأكفى شيء.

[كلمة مني]

مبروووووووك عليه وربي يهنيه
وثانيا بارك الله فيك وجزاك الله كل خير على اهتمامك الطيب
مجرد اقتراح اشتري له مصحف وسجادة وقندورة للصلاة