هـهـه سـاعدوني انا في ورطة

إبداع طموحة · 2013-08-11, 16:36

السلام عليكم

يا فحلات المنتدى ورطت نفسي في مشكلة كبيرة ولكنها مضحكة للغاية

عندي امي راح تسافر بعيدة لزيارة جدتي قاتلي ارواحي معايا وانا ما حبيتش خصوصا عندهم السخانة بزاف ههه ونكره حياتي تماك امالا قتلها نقعد هنا مع بابا وخويا ونطيب عادي قاتلي كيما حبيتي ونشوفوك واش اديري مع الطياب والميناج قتله معليش وما نجيش لتم ههههه

انا الحمد لله نعرف نسلك راسي في بعض الاطباق ولكن ليس كثيرا نعرف ندير شوية طواجن برك ولكن محدودين ويما راح تقعد اسبوع وراح تصعاب المهمة

عاونوني بشوية اطباق تكون سهلة سهلة سهلة جدا وان امكن بالصور

وما تضحكوش عليا ههههه

إلهام07 · 2013-08-12, 07:57

أسهل طبق ديريه هو قراتان البطاطا بالبيشاميل ساهل ماهل وكاين بزاف وصفات نتاعو هنا في المنتدى منها وصفة أم رامي بالتون

إبداع طموحة · 2013-08-12, 10:40

هه وين رحتيلي للغراتان بزااف ههه

سميحة.لد · 2013-08-12, 12:12

ماعليكي الا الدخول الى صفحة اطباق مجربه وتطبقي من الوصفات الي كثير جربوها وناجحه 100 ب100

sara160349 · 2013-08-12, 14:54

فكرتيني في روحي كي كانت تخرج امي من الدار نموت بالخوف من الطياب نعرف غير البطاطا المقلية و خاصة بابا يعلق و قلوق المهم ما عليك غير بالمرق هو برك يشبع و ما يبهدلش انا نقلك شوية شكشوكة و ساعات حميس مع بطاطا مقلية و بربوشة و سباقيتي و غيرها من الاطباق العادية حتي تجي يماك و لاي مساعدة التحقي بيا فالفتيسبوك نساعدك Sarasara

بيرين سات · 2013-08-12, 17:27

كاين اطباق ام اماني و ام رامي و ام كوثر و غيرها يمكنك انك تجربي وهي مضمونة
روحي شوفي دروس الطبخ نتاع ام رامي
**روابط دروس دورة الطبخ **

و المنتدى معمر تقدري تسلكي راسك

○•ميسون•○ · 2013-08-12, 18:54

ديري حوايج ساهلين

عندك البيتزا
الشكشوكة

القليان

سباقيتي

مقرونة

.....................

نور الهدى06 · 2013-08-12, 18:57

ديري مقرونة
بطاطا برنية
يمكن استعمال اكياس الطهي لتحمير الدجاج
بيري مع سكالوب
بيتزا او سوفلي
ارز بالزيتون ولجزر والدجاج
سلطات بطاطا او روز ماسدوان حميص او شكشوكة بوراك سردين لحم في الفرن
سلاد دو فروي او عصائر او كريمات المهم حاجة باردة للتحلية
ومتخافيش راهي فرصة جيدة باه تعتمدي على نفسك وتتعلمي
............ديري برمة وحدة وجدي قبل واش طيبي

إبداع طموحة · 2013-08-13, 10:20

البارح درت مدربل وخرج كارثة الصراحة مع ذلك ينتكل هههه

هذي المرة عجبوني وريدات تاع البطاطا برك شفتها هنا بصح صاحبة الموضوع قلاتها

حبيت نسقسي الا نقدر نفورها لانو عندي الزرودية ونخافها تدبال

إبداع طموحة · 2013-08-14, 16:57

اليوم راح ندير سباقيتي وبابا شرى شوية بيفاتاك كيفاش راح نطيبوا معاه الي مجربة تفيدني

norhene* · 2013-08-14, 17:03

انا اليوم درت صوص ونتي تقدري ديريها مع السباغيتي
تخرج هالة ايلا تحبي نمادهالك قوليلي برك
اني نستنى

إبداع طموحة · 2013-08-14, 17:05

ايه ايه ختي مادابيا

norhene* · 2013-08-14, 17:13

ديري: 2 حبا طماطم كبار( وايلا بغيتي تزيدي ماكانش مشكل) تقشريهم وتقطعيهم مربعات صغار
حبة بصل صغيرة مقطعة مربعات صغار
شوية ملح
شوية فلفل كحل
وسسسسسسسسسووووية سكر باش يقلعلك الحموضة
مين يقربو يطيبو ديري ورقة تاع رند، شوية زعتر، انا زدتلهم الزيتون، بصح نتي من سباغيتي c pas la pein

norhene* · 2013-08-14, 17:14

خليهم فةق نار هادية مشي مزيودة ومشي منقسة
اي سؤال اني هنا

إبداع طموحة · 2013-08-14, 17:16

ما عنديش اختي طماطيش حب لكن عندي طماطيش مرحية ومكونجلية مي معليش ربي يحفظك