اجواء العيد و حلوياته من مطبخي

ام مريم اسراء · 2013-08-05, 00:14

مساء النور
انا ليوم عملت مقروض النقاش هاداوين كملتو مزال معسلتوش

و من بعد جاتني فكرة على راي الاخت ام ماجد الله يبارك فيها مدام الكوزينة خالوطة هات نبروفيتي كاش تطبيق يمالا عملت فكرة المقروض رولي مدور و الاخر بيراميد نتاع الاخت بيبا ربي يفرحها

خدمت 15 من البيراميد و 15 لمدور يمالا راني ربحت 3 تطبيقات ههههه

و لبارح خدن عين الجمل

و الجلجلانية

و قسمت عبرة عين الجمل على 2 باش نخدم الكورني

جاو 29 حبة كورني 30 عين الجمل نقصت حبة نتاع كورني لانو بنتي غفلتني و تاكل في العجين ايا نقصتلي حبة
و راكم تشوفو فهاد القاطو يبان غريبية بنتو شباب لانو محشي بالشيكولا هو صراحة كان حلوى الصوفيا نتاع حنونتي دادو شوفو ختكم صورت المراحل

راني زعما حبيت نخدمها كيما شكل مخبز البيضة استعملت قربيعة نتاع بنتي

و كيطابو ولاو خبزة وحدة محبيتش نصورها مراعاة لذوي القلوب الضعيفة
يمالا محبيتش نغامر بباقي الحبات و كورتهم بعد ما حشيتهم بالشوكولا زعما فلت نسميهم كيندار سربريز دادو و طيبتهم دورين و احتكم متحبش الياس صح ضاع حلم قاطو صوفيا في شكل مخبز البيضة

لكن راح نكاموفليه و يولي قاطو قطيفة نتاع فلة نمرمدو بالكاكاو ونوادكوكو او بقوفريط الشوكولا المفتت و نعملو خطوط بالشوكولا
هذه تجربتي و تغلبي على الفشل و الياس
و راني مزال وع التحدي الكبير نتاع قريوش ام رامي

انا عملت 35 حبة من كل نوع لانو مكانش عندي الي ياكلو لكن الحلوى راها فال الصح في الصحة و الجملة و الفرحة و صلة الرحم و التسامح و فتح صفحة جديدة و الاكثر من ذلك التفاؤل بالعيد خلي العيد يجينا بفرحتو ننساو الاسى و الحزن و نعيشو اللحظة مع بعض

meriama13 · 2013-08-05, 00:23

الله يعطيك الصحة لا لليأس
عجبتني نتاع الخبزة ماتوريهاش لذوي القلوب الضعيفة

AMEL1234 · 2013-08-05, 00:24

يعطيك الصحة جاوك هايلين شششششششاطرة الله يبارك تعيدو بالصحة والهناء
ه

وك

طهراوي ياسين · 2013-08-05, 00:32

الله يعطيك الصحة

Nadia82 · 2013-08-05, 00:53

يعطيك الصحة جاوك هايلين ، أنا إنشاء الله غدوة نبدا كنت مريضة ، سؤال فقط عين الجمل ، أما فرينة استعملتي شكرا

&عسل& · 2013-08-05, 00:54

الله يبارك يعطيك الصحة

ام محمد78 · 2013-08-05, 01:02

يعطيك الصحة يا الفحلة

ام مريم اسراء · 2013-08-05, 01:34

شكرا على الردود الطيبة و التشجيعين بالنسبة للاخت نادية 82 احنا عدنا فرينة مليحة و ناصعة اسمها - مطاحن الاغواط - تجي الغلاف نتاعها اصفر
اما بلاك راكي شفتي العجينة بيضاء راني ضفتلها بودر او كولورون نتاع الميزان لونو ابيض يقولولو بياض الثلج و كاين يقولولو مبيض - بلونشيسور - يتباع 140 دج مقدار 100 غرام تقدري تشري اقل راح تولي عجينة بيضاء و العجينة راها نفسها نتاع البقلاوة .....
اي استفسار راني هنا
ربي يجيبلك الشفاء و انصخك تخدميه راه ميديش الوقت
فقط عندما تخدميه باالسلاك اضغطي مليح مليح ختان يبانو خطوطو و من الافضل تخليه 15 دقيقة قبل متطيبيه