أتمنى أن تجدوا لي حلا

[مشكلتي]

السلام عليكم
أنا هنا من بين العضوات الاكثر مرحا وهذا يظهر من خلال مواضيعي وردودي
حتى في حياتي اليومية والحمد لله

لـــــــــــــــــــــــــــــــــــــــــــــــــ ـــــــــــــــــــــــــــــــــــكــــــــــــــ ــــــــــــــــــــــــــــــــن

منذ بداية رمضان وأنا أعاني من مشكل قد ترونه صغيرا لكنني لالالالالالا
مشكلتي هي أنني أحس بنقص ما رغم قرائتي للقرآن وتعبدي المستمر إلا أنني دائما أواجه هذا المشكل
تصوروا معي أمي وأخي دائما ورائي لا ادري لماذا !!!!!!!!!!!!!
هو وحيدها بمعنى عندها ولد واحد اضافة الي انا واختي انا احبه بصراحة فهو اخي بطبيعة الحال لكن لماذا يفعلان بي هذا؟؟؟؟
تصورو هي تسانده دائما حتى لو كان مخطئا تنصت لاقواله وتفعل ما يطلبه منها بينما نحن خاصة انا لا عكسه تماما
تصورو معي البارحة مرضت امعائي منتفخة اضافة الى لينار وغيرها من الامراض البسيطة لكنها مؤلمة حقا عفاكم الله
انا شوية ضعيفة علابيها المرض يضرني بزاف
الاب ديالي شوية قريب ليا وهو لي نحسو يتفهمني قتلو عن ألمي فطلب مني زيارة الطبيبة وهنا المشكل بعدما ذهبت ورجعت للدار بدات تعاير فيا انا عاد ما شربتش الدوا فنحن صائمون حتى شافتي راقدة قاتلي زعما رحتي للطبيب لا ولا مزالكي مريضة آىه مسكينة
صحا ماعليش هادي فوتها مي لي راهي ضارتني بزاف كل مرة يدعيولي بالموت على الرغم من اني والله معاهم ماغلطت وراني متأكدة من هاد الشي فالفطور انا مانكلش بزاف الاب ديالي قالي كولي باش تشربي الدوا نطلقو الاخ ديالي وقالو خليها تاكل ولا تطرطق توالفت حتى تحشموها وتاكل خليها ماتاكلش تموت ونتهناو منها والله هاد الكلمة غير راني نقولها ونبكي مين نتفكرها قلبي يوجعني
زيد المرة لي فاتت امي قاتلي موتك راحة علاش واش درتلهم طايعتهم والحمد لله
ما جبتلهم عار ما وسختلهم شرفهم ما خرجت مع شباب ما والو الحمد لله
الله يرحملكم الوالدين قولولي واش ندير
نقولكم حاجة انا بصراحة حابة نروح بيني بين الاب ديالي ونقولو بصراحة انا بنتكم؟؟؟؟ ان شاء الله ربي يسمحلي مي انا والله وليت نشك فهاد الشي بالنسبة لاخي حدث ولا حرج علاقتنا راهي غي ما تسوء اكثر فاكثر
ماتقولوليش سيي تتحدثي ولا تتقربي منهم لاني جربت هاد الشي
كل يوم ندعي ربي باش يحدث تغيير لكن لا شيء :'(
ارجوكم ساعدوني اقترحولي حلا انا انتظر

[○•ميسون•○]

واش راح نقولك

أصبري

أخطيك منهم باش يحبسوا المشاكل

ما تهدريش معاهم ما تاكليش معاهم ما والو

إذا كنتي تقراي تولهي بقرايتك هي أساس المستقبل نتاعك

الحمد لله سمعتك نظيفة واحد ما يقدر يعايرك


هذا هو الحل في مثل حالتك

و ربي يوفقك

[ تستطيعين مراسلتي على الخاص إذا أردتي]

[sali-sali]

السلام عليكم
بصراحة الاغلبية يشتكين من سوءالمعاملة من طرف الاهل
لكن من الاحسن المبادرة للفهم المحيطين بك و محاولة التكييف معهم بعيدا عن الحساسية الزائدة
اضافة ان الاغلبية تفتقد النقاش العائلي

اختي حاولي تبدا تغيري من نفسك اولا و لا تفكري فيما يسبب لك المرضاو يزيدك هما
بالنسبة لام او الاخ ممكن يقولوا هدا الكلام..لكن صدقيتي لو حصللك مكروه لا سمح الله ستجدينهم اولمن يخافوا عليك

وفقك الله

[بسمة تحدي]

اختي تاكدي بليك مكاش ام في هذي الدنيا تكره اولادهاا

انتي في سن المراهقة وتجيك افكار ووساوس معندهاش اساس مع الوقت راح تعرفي يماك شحا تحبك

مستحيل ام ترفد قطعة في بطنها لمدة 9 اشهر وربي لعالم شحال تعبت في الولادة

وتعبت بش تربيك ممبعد تكرهك؟؟

راكي غالطة يا اختي والله


رسول عليه الصلاة وسلام وصنا على الأم مهما كانت مهما عملت تبقى أمك

اما ميولها لاخوك فهذا شئ طبيعي يا اختي كل الامهات هكذا


يا اختي وش نقلك اصبري عليه وربي راح يجزيك

مع الوقت والله راح تعرفي بليك راكي غالطة

كوني لطيفه وتكلمي معها بأدب ولسان حلو

حاولي تتقربي ليها بشتى الطرق وتساعديها وتسمع منك الكلام الي يرضيها وحتى وذا درتك حاجة متحبيهاش

احتسبي الاجر

وادعي في الثلث الاخير ان تتحسن علاقتك بيها وتحن قلبك عليك

[يوسف الحق]

احتسب كل شيئ عند الله. هو اللي يجازي. كوني صبورة أمور مثل هده و للأسف موجودة فلست الوحيدة.

[Angleeyes]

ربي يكون في عونك اصبري اختي و ادعيلهم بالهداية

[wisale02]

ربي ايكون في عونك اختي قوي ايمانك بالله سبحانه وتعالى

[غـاني]

aw yfarej rabiiiiii

[جمعي البشاري]

ربي يكون في عونك ا

[مبروكة الصحراء]

دواك الصبر ثم الصبر ثم الصبر فقط و بربي تربحيهم عند ربي و حتى حاجة مادوم كيما هي

[fattouna]

السلام عليكم

متخافيش ربي معاك وان شاء الله تفرج اكثري من الاستغفار والصلاه والله تحسي براحة **الا بذكر الله تطمئن القلوب***

[اخلاص نور]

السلام عليكم
لاباس عليكي اخيتي اسال الله عظيم ان يفرج كربتك ويرزقك الصبر
مهما يكن هؤلاء اهلك ولا اظن انهم يتمنون الشر لكي ولكن مجرد كلام يخرج من افواههم لا يولونه اهتماما
التزمي الصبراختي و اكثري من الدعاء وان شاء الله ربي يحنن قلوبكم على بعضكم البعض و ان شاء الله تتصافى القلوب

[naamane3]

هذه الحالة في أغلب العائلات الجزائرية
وأنا أعرف عائلتين معكوستين تماما
الأولي الأم تحب الولد وتفضله على البنات في كل شيئ
والثانية الأم فيها تفضل البنت على الولد في كل شيئ
وبالتأكيد هذا ليس عدلا
وبما أنك ممن يقرأون القرأن ومن المحافضات
أكيد تعرفي فوائد الأذكار وفوائد الأستغفار
اعملي بهم و ان شاء الله سيقذف الله بحبك في قلوبهم رغما عن أنوفهم
والله المستعان

[دلال 30]

المشاركة الأصلية كتبت بواسطة بسمة تحدي

اختي تاكدي بليك مكاش ام في هذي الدنيا تكره اولادهاا

انتي في سن المراهقة وتجيك افكار ووساوس معندهاش اساس مع الوقت راح تعرفي يماك شحا تحبك

مستحيل ام ترفد قطعة في بطنها لمدة 9 اشهر وربي لعالم شحال تعبت في الولادة

وتعبت بش تربيك ممبعد تكرهك؟؟

راكي غالطة يا اختي والله


رسول عليه الصلاة وسلام وصنا على الأم مهما كانت مهما عملت تبقى أمك

اما ميولها لاخوك فهذا شئ طبيعي يا اختي كل الامهات هكذا


يا اختي وش نقلك اصبري عليه وربي راح يجزيك

مع الوقت والله راح تعرفي بليك راكي غالطة

كوني لطيفه وتكلمي معها بأدب ولسان حلو

حاولي تتقربي ليها بشتى الطرق وتساعديها وتسمع منك الكلام الي يرضيها وحتى وذا درتك حاجة متحبيهاش

احتسبي الاجر

وادعي في الثلث الاخير ان تتحسن علاقتك بيها وتحن قلبك عليك

السلام عليكم
اختي دائما تعجبني ردودك... عند قرائتي للمشكل كنت سارد بمثل ما كتبتي.... لكنك سبقتني... انشالله تكوني من السباقات للجنة يا رب

[l'étoile]

مثلك مثلي انا و الله من الصباح انا الي نسيق انا لي نظف الغبرة انا الي ندير كلش و في الاخير واش درتي ما درتي والوا راكي هكدا ....... الخ من التبهدايل مي ديما نقول الله سبحانه ياك يعرف كلشي و هو الي راح يكفئني و الله راني صابرة حتى يفرج ربي