تعيشو جاوبوني

[meriem 1993]

السلام عليكم خواتاتي راني في حيرة و حابة تعاونوني انا هاد العام باذن الله رح نقرا سنة ثانية فالجامعة و انا تزوجت عندي قريب شهرين و طبعا راجلي راه قابل باه نكمل قرايتي بالرغم من انو مازالولي 5 سنين قراية لاني نقرا فالصيدلة
المهم انا ابة نعرف اذا كاينة وحدة تزوجت و هي مازلها تقرا كيفاه كانت تدير مع شغل الدار مع العلم اني ساكنة وحدي هل هذا الموضوع ما خلقلهاش مشاكل مع زوجها تعيشو عاونوني خواتاتي

[l'étoile]

ان شاء الله يفيدوك المجربات .........

[faty05]

حتى انا راح نزوج و راح نكمل دراستي
يا حنونة مازال ما جربتش بصح حاولي تتافلمي و توفقي
صح رايحة اتعبي بصح اذ حابة تكملي قرايتك لازم تسوفخي حاجة باينة و انتي حاولي ما تشكيش بزاف لراجلك به ما يقلقش و يحبسلك لقراية
ربي يهنيك

[meriem 1993]

ان شا الله ما يكون غير الخير ختي و ربي يعاونا

[هاجر المدانية]

عادي ختي راهم يقراو معايا بزاف بنات متزوجات وبالحمل ثان ماتقلقيش روحك رتبي امورك ونظمي وقتك وصح قع كي تولي المفاهما كاينا بينك وبين زوجك ربي يخليهولك وثان توالفي صح العام لول شوي جيك صعيبا ومبعد توالفي صح فطورك.

[فاتن 89]

ان شاء الله يفيدوك المجربات

[AMINA.Z]

انا نعرف وحدا كانت تقرا معانا من السنة اولى تزوجت و بقات تعاود في العام حتى طردوها

و درك اي في الدار

دراسة الصيدلة ماهيش ساهلة

مانيش حابا نخوفك

بالصح اسهل الاعوام راكي فوتيها

و الاصعب راهو جاي خاصة السنة الثالثة و الرابعة راح ترجعي تحفظي اكثر من عشرة دروس في المادة الواحدة و ماش ورقة و لا زوج

بلاما ننساو الحصص التطبيقية اللي الحضور فيها اجباري و ممكن تكون في الفترة الصباحية او المسائية

و السنة الخامسة اللي يكون تكوينك فيها في المستشفى و الحضور اجباري يوميا في الفترة الصباحية و النوبة الليلية في بعض التخصصات

اما السنة السادسة راح تكملي التكوين في المستشفى و احد المخابر الصيدلانية و كذلك في الصيدليات


راح يكون عندك الوقت فيها ممكن تبقاي في الدار مدة اطول لكن راح تكوني مشغولة بتحضير مذكرة التخرج

و اللي فيها خدمة يعني تجارب و تحاليل و نتائج ماش كوبي كولي من الكتب و الانترنيت

بلا ما ننساو كاين اساتذة يمليو الدروس ماش ديما راح تلقاي البوليكوب

و كاين اللي يمدلك زوج ورقات و يقولك الباقي اللي حضر او عندو

درك انتي و زهرك اذا راح تلقاي زملاء يعاونوك و يمدولك الدروس

بالنسبة لي اهم شيء في المشوار هو المحاضرات و اغلبية الطلبة يتجاهلوهم لانو الامتحانات تعتمد اكثر على الحفظ

ممكن تنجحي و تخرجي العام مي هاكاك تكوينك راح يكون ناقص لانك ماسمعتيش لشرح الاساتذة هو صح ممكن ما يجيبوش على الشرح تاعهم في الامتحانات بالصح يفيد بزاف في المستقبل

و ناكدلك رايحا تسمحي في هاد المحاضرات و تبقاي مع الدار و من بعد كي يقربو الامتحانات تعشي تحفظي برك و هي ماشية

اللي يحب يدرس صيدلة قلب و رب ماشراح يقدر على مسؤولية اخرى

راح يتحتم عليك تضحي بجزء من هاد التكوين باش تقدري توفقي بين الدار و القراية

اغلب زميلاتي مخطوبات و من تزوجت توقفت عن الدراسة

الحالة راح تكون صعيبة عليك شوية بالصح بشوية تنظيم و ارادة و مساعدة كبيرة من الزوج ممكن تتوفقي

ربي يعينك

[جمعي البشاري]

المشاركة الأصلية كتبت بواسطة amina.z

انا نعرف وحدا كانت تقرا معانا من السنة اولى تزوجت و بقات تعاود في العام حتى طردوها

و درك اي في الدار

دراسة الصيدلة ماهيش ساهلة

مانيش حابا نخوفك

بالصح اسهل الاعوام راكي فوتيها

و الاصعب راهو جاي خاصة السنة الثالثة و الرابعة راح ترجعي تحفظي اكثر من عشرة دروس في المادة الواحدة و ماش ورقة و لا زوج

بلاما ننساو الحصص التطبيقية اللي الحضور فيها اجباري و ممكن تكون في الفترة الصباحية او المسائية

و السنة الخامسة اللي يكون تكوينك فيها في المستشفى و الحضور اجباري يوميا في الفترة الصباحية و النوبة الليلية في بعض التخصصات

اما السنة السادسة راح تكملي التكوين في المستشفى و احد المخابر الصيدلانية و كذلك في الصيدليات


راح يكون عندك الوقت فيها ممكن تبقاي في الدار مدة اطول لكن راح تكوني مشغولة بتحضير مذكرة التخرج

و اللي فيها خدمة يعني تجارب و تحاليل و نتائج ماش كوبي كولي من الكتب و الانترنيت

بلا ما ننساو كاين اساتذة يمليو الدروس ماش ديما راح تلقاي البوليكوب

و كاين اللي يمدلك زوج ورقات و يقولك الباقي اللي حضر او عندو

درك انتي و زهرك اذا راح تلقاي زملاء يعاونوك و يمدولك الدروس

بالنسبة لي اهم شيء في المشوار هو المحاضرات و اغلبية الطلبة يتجاهلوهم لانو الامتحانات تعتمد اكثر على الحفظ

ممكن تنجحي و تخرجي العام مي هاكاك تكوينك راح يكون ناقص لانك ماسمعتيش لشرح الاساتذة هو صح ممكن ما يجيبوش على الشرح تاعهم في الامتحانات بالصح يفيد بزاف في المستقبل

و ناكدلك رايحا تسمحي في هاد المحاضرات و تبقاي مع الدار و من بعد كي يقربو الامتحانات تعشي تحفظي برك و هي ماشية

اللي يحب يدرس صيدلة قلب و رب ماشراح يقدر على مسؤولية اخرى

راح يتحتم عليك تضحي بجزء من هاد التكوين باش تقدري توفقي بين الدار و القراية

اغلب زميلاتي مخطوبات و من تزوجت توقفت عن الدراسة

الحالة راح تكون صعيبة عليك شوية بالصح بشوية تنظيم و ارادة و مساعدة كبيرة من الزوج ممكن تتوفقي

ربي يعينك

جواب كافي وشافي
بارك الله فيك

[biologie2001]

يا اختي لن اكدب عليك مازالو 05 سنين و الله بزاااف .... انا درست معي واحدة متزوجة و لكن بقالها عام فقط و تقدري ثقولي 04 اشهر دراسة و الباقي باه تدير المدكرة .....

ربي يكون معاك و يوفقك

[melissa lola]

السلام اختي اولا بالتوفيق انشاء الله انا عن نفسي موظفة وبعثوني تكوين اقامي لمدة اربعة اشهر يعني نروح ويكاند لداري ومرات كنا نقراو ويكاند بلاصة بعيدة على داري ثلاثة ولا اربعة ساعات وقت الشتاء النهار قصير الويكاند ياربي نروح للحمام ونخدم شغلي ونغسل الحوايج مي الحمد لله جازو المهم تكوني متعاونة انت وزوجك وتقسيم وقتك بطريقة صحيحة انا ممكن الظروف ساعدتني ماعنديش اولاد وزيد عجوزتي. قريبة ليا راجلي يأكل عندها انت دارك وحدك يعني نقية التسياق مرة في السمانة طيبي قيس سمانة وكونجلي الحوايج و الشغل الويكاند واهم شيئ تحضري روحك نفسيا للتعب وما تشكيش بزاف لراجلك علا خاطر اول حاجة يقولوها الرجال بطلي واقعدي في الدار وصدقيني الوقت يجري غمضي عينك تصيبي روحك كملتي واسمحيلي على التدخل رأكي معولة تأخري حملك بالتوفيق

[meriem 1993]

كامل البنات اللي جاوبوني يعطيكم الصحة اما بالنسبة للي سقساتني عالحمل انا مازلني صغيرة (20 سنة) و راجلي تان راه 24 قلنا ناجلو الانجاب حتى نهار يكتب ربي ان شا الله مع انو انا حابة لوكان نجيب بيبي و نبلوكي عام حتى يكبر شوي
على كل حال واش كتب ربي يصير