الجزء 21 من واش طيبتي اليوم ؟؟؟

مرام 1987 · 2013-08-03, 16:02

السلام عليكم
بما أنني من متتبعات مطبخ واش طيبتي اليوم من جزئه الأول ونظرا لكوني مريضة وما نمشيش على رجليا نتبع بصمت بلاما نحط صور لأطباقي وكي لقيتكم غافلين يد في القاتو ويد في الفطور ربي يعينكم قلت نفتح انا ولأول مرة الكوزينة الجديدة والصور تحطهم الأخت لي دشنت الجزء ال 20 فلتتفضل مشكورة.
ردو بالكم تتخلطو وتحطو السكر بدل الملح في الشوربة نعرفكم ههه.
دعواتكم لي بالشفاء العاجل في هذه الأيام المباركة.
ادخلوا برجلكم اليمنى.
هيا متعونا بما لذ وطاب من أكلاتكم الرمضانية و حلويات العيد ربي يجيبو علينا بالصحة و الهنا ان شاء الله و يجعل أيامنا كلها أفراح.
كل عام وأنتم بألف ألف ألف خير إن شاء الله.

lamis.imen · 2013-08-03, 16:07

مبروووووووووووووووووك الكوزينة الجديدة

مرام 1987 · 2013-08-03, 16:12

الله يبارك فيك أختي تفضلي

ladymillion · 2013-08-03, 16:12

مبروك مبروك و ربي يشفيك ان شاء الله

oum ibrahim · 2013-08-03, 16:16

الف الف مبروك ماري افتتاح الكوزينة و الله غير فرحت كي فتحتيها انت ربي يجعلها فاتحة خير عليك ان شاء الله و الله راكي دايما في بالي و ندعيلك خاصة في قيام الليل باذن الله رايحة تمشي على رجليك
كوزينتك رايحة تكون حلوة بالقاتو نتاع العيد ربي يحلي ايامك و ايامنا يا رب

مرام 1987 · 2013-08-03, 16:16

اقتباس:

المشاركة الأصلية كتبت بواسطة ladymillion

مبروك مبروك و ربي يشفيك ان شاء الله

الله يبارك فيك اختي طومة تفضلي .
آمين يا ربي شكرا على الدعوة ربي يتقبل ان شاء الله

oum ibrahim · 2013-08-03, 16:20

راني جبت التشاراك نتاعي باه نفتتحو بحاجة حلوة

هاوليكم التشاراك نتاعي

إضغط هنا لرؤية الصورة بحجمها الطبيعي.

هاذي الحبة تعلمت فيها حسبت روحي بيكاسو هههه

إضغط هنا لرؤية الصورة بحجمها الطبيعي.

وهاذي درتها على حساب التزيين نتاع الهام توحشناها

إضغط هنا لرؤية الصورة بحجمها الطبيعي.

و الباقي كملتو هكذا

إضغط هنا لرؤية الصورة بحجمها الطبيعي.

ها واش رايكم ماتضحكوش راني نتعلم الرسم على القلاصاج هههههه

مرام 1987 · 2013-08-03, 16:20

اقتباس:

المشاركة الأصلية كتبت بواسطة oum ibrahim

الف الف مبروك ماري افتتاح الكوزينة و الله غير فرحت كي فتحتيها انت ربي يجعلها فاتحة خير عليك ان شاء الله و الله راكي دايما في بالي و ندعيلك خاصة في قيام الليل باذن الله رايحة تمشي على رجليك
كوزينتك رايحة تكون حلوة بالقاتو نتاع العيد ربي يحلي ايامك و ايامنا يا رب

أهلا حبيبتي أم ابراهيم ربي يفرحك كيما فرحتيني بالدعوة ربي يتقبل منا ان شاء الله وربي يجمعنا في الفردوس الأعلى.

مرام 1987 · 2013-08-03, 16:26

قاتوك هايل ام ابراهيم الله يبارك باينة عليك شاطرة
على فكرة احنا راحين نديرو غير المعمول ما يديش المقادير بزاف وما فيهش العسل يعني ماشي مكلف الميزانية الله غالب قدها قد روحها مي معليش المهم الفال.

ladymillion · 2013-08-03, 16:31

اقتباس:

المشاركة الأصلية كتبت بواسطة mary1987

قاتوك هايل ام ابراهيم الله يبارك باينة عليك شاطرة
على فكرة احنا راحين نديرو غير المعمول ما يديش المقادير بزاف وما فيهش العسل يعني ماشي مكلف الميزانية الله غالب قدها قد روحها مي معليش المهم الفال.

ماري هذه الحوايج ميهموش تشفاي كي كنا هكا

كنا فرحاااانيييين

staifia · 2013-08-03, 16:31

مبروك الكوزينة الجديدة

staifia · 2013-08-03, 16:34

ربي يشفيك اختي ماري
ليدي والله صح فكرتيني كيما كنا متشردين ههههههههههههههههههههههههههه ونلعبوا العشة
هاو القاطو الاول لي درنا ,,,, وصفة تاع ام رامي هدا وين خلصناه انا واختي وراهي تسلم عليكم كااامل ههههههه

ladymillion · 2013-08-03, 16:35

https://www.djelfa.info/vb/showthread.php?t=1380749
زورو إيمان تشوفو وصفة الكروكي

ladymillion · 2013-08-03, 16:36

صطوفة اي وصفة اعتمدتي طيحي بيها و سلمي عليها صغيرة و لا كبيرة كيفي

مرام 1987 · 2013-08-03, 16:37

اقتباس:

المشاركة الأصلية كتبت بواسطة ladymillion

ماري هذه الحوايج ميهموش تشفاي كي كنا هكا

كنا فرحاااانيييين

ايييييييييه اختي ليدي نشفا ونشفا مليييييح ضرك خاوتي يجيو يقولو الناس عندهم هكذا وعندهم هذي نقولهم الواحد يشوف لي تحت منو ما تشوفش لي فوق منك هذي هي الدنيا الناس طبقااات وكلها فانية الصحة والهنا هوما كلشي. صح؟