كيفاه ندير

[مشكلتي]

السلام عليكم ورحمة الله وبركاته
راني نكتبلكم من دار جارتي وقريب نتفلق وهي ربي يجازيها الخير اللي تخفف عليا وقاتلي عليكم انا مانيش فاخمة كيفاه ندير مع خاوتي
انا بابا اتوفى عندو 7 سنين وما خلالنا والو يعني كان على قد خدمتو مسكين ربي يرحمو يوسع عليه كان راجل مليح بزااااااااااااااااااااااااااااااف دار الخير في الناس كامل والخير تاعو داه معاه
المهم انا عندي اختي مريضة مسكينة عندها ريتها وحدة ماتت والتانية قريب تنشف وراهي تتنفس ب la michine تاع الاكسجين مسكينة ماتخرج مادير والو وما مسكينةة مراة كبيرة وماتنجمش تخدم للناس بعد هاد العمر وانا خاوتي حبسوني من القراية في الثانية ثانوي ماعنديش حتى نيفو باك وماكملتش نقرا حتى باه نخدم عليهم قالك الطفلة مالازمش تقرا وتخرج من الدار وفوق هادا خاوتي في زوج مايخدموش قاعدين في الدار ويتشرطوا ديري هادي وماديريش هاديك ولوكان كاش خطرة ما يلقاوش الماكلة ينوضوا يخبطوا علينا ما مسكينة تظال تبكي يعني لا خدمة لا زدمة ويزيدوا يشرطوا العام ليفات كانوا رح يزوجوني دراع عليا من واحد اكبر منهم برك لانو عندو السوارد ويديو من عندو لوكان مادخلش الامام كنت درك راني في تعاسة وربي يشهد وربي يجازيهم الناس لوكان ماش هوما مانيش عايشين صح مانطلبوش مي ما ينساوناش يعني هوما اللي شراو لاختي la machine وهوما لي يسلكولها الجرعات تاع الدوا ويبعتلونا وش كتب ربي باه توكلها ما مليح مي لبارح خاوتي نادو يعيطو كي بعت جارنا الفطرة لينا قالولنا ونتوما علاه تقبلو وردوهم واتقابضوا مع ما حتى اختي المريضة نادت تبكي وقالت مانيش نطلب
بصح ما مسكينة ماكنتش رح تقبل يمدولها لوكان كاين منين توكل ولادها انا ماخلاونيش نقرا واختي مريضة وما كبيرة وهوما رجل فوق رجل ويشرطوا
قولولي برك كيفاه ندير

[ولد حمد الباتني]

لاحول ولاقوة الا بالله العظيم
ان مع العسر يسرا ان مع العسر يسرا
الحالة صعيب والإبتلاء صعيب ولكن مع ذلك الصبر وحمد لله عز وجل حتى يفرج ربي
حاولي مثلا نتي فهمي خاوتك قال راك ماتخدمش وحاب تاكل مليح فهمني في هاذ القضية
يعني غير بالسياسية
قوليلو حاب يماك تخرج تخدم عليك ؟؟
يعني بالسياسة برك
ورب فرج ويرزقكم ونحن امين

[المحبُّ لأهل السُّنة]

السّلام عليكم ورحمة الله وبركاته
الله المستعان على كل أمر
كان الله في عونكم أختي الكريمة ونسأل الله الهداية لإخوتك
كان الأجدر بهم أن يقوموا هم بحمل همّ البيت وحدهم فهذا واجب
عليهم وفرضٌ لا أن يبقوا في البيت هكذا بدون أن يتحركوا
فالوالدة تحتاجهم والأخت المسكينة - شفاها الله تعالى وعافاها - تحتاجهم أيضا والله المستعان
في الحقيقة والله أمر مؤثر جدا ولا يمكنني أن أقول شيئا بعد هذا
ربي يحسن العون
والله المستعان ولا حول ولا قوة إلاّ بالله العليّ العظيم
اللهمّ يا ربّ سامحنا..

[AMINA.Z]

ربي يفرج عليكم

و الله المرا مادوملها غير قرايتها

الحمد لله

اختي تعلمي حرفة خاصة كالخياطة في اقرب وقت

كوني مرا فحلة و اتهلاي في داركم و راني نحكي على امك و اختك

اما هادوك ربي يهديهم

[منهاج]

السلام عليكم

بحق هاد الايام المباركة الله يفرج عليكم من اوسع ابوابه

[naamane3]

السلام عليكم ورحمة الله وبركاته
علمي أمك أن تدعي لأولادها ولكما بالخير لا بالشر
فدعاء الوالدين مستجاب ليلا أو نهارا
ولكن بشرط أن لا تمل فسيأتي الخير بحذافيره
مع استغفارك انت وأختك سيتغير الوضع
وأعلمي أن دوام الحال من المحال
والله المستعان

[دلال 30]

ما لقيت ما نقولك... يا ريت راكي تسكني بحذايا... قسما بالله ما نخليك... ربي يفرج عليكم

[يوسف الحق]

السلام عليكم
أختي راني حاس بيك و بالحالة و حتى النوعية تاع الاولاد الي ما تنفع ما تشفع راني شايفها في كثير من الحالات. المهم هو الحفاظ على ما تبقى رغم كل ما دكرت مازلت ماشاء الله في المستوى المطلوب بل و أكثر من التحلي بروح المسؤولية و الاخلاق و القيم العالية. أنا أقول ادا كان الاخوة رافضين فكرة الخروج لملا تتعلمي أمر بسيط من الامور الدي قد يمكنك لك في العائلة مثل اشغال الخياطة الطرز la peinture من الأمور التي تمكنك من القضاء على بعض المشاكل الخاصة أو العائلية.
قضية الاخوة ابتلاء و الله صعب خاصة ادا كانوا في مرحلة المراهقة حتى لو ان هده الفترة ممكن تتأخر. أنا أسطر على شيئ مهم هناك حل لهدا الوضع اجلسي و حدك و فكري فأنت الوحيدة القادرة على تقدير الأمور و تدبير مخرج لهدا الوضع. توكلي على الله لا تنسيه و امضي الى الامام مع مراعاة كل ما دكرت كوني دكية في تعاملك مع اخوتك و الله يسمع و يرى. دعواتي أختي بالتيسير و الفرج القريب و الشفاء للأخت و تدكري كلنا اخوة و نتقاسم الهم معك...تدكري دلك. ربي يفرج....أمين

هدا دعاء الفرج

( ياحي ، يا قيوم ، برحمتك أستغيث )

( اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي)

[يوسف الحق]

المشاركة الأصلية كتبت بواسطة dalalboubou

ما لقيت ما نقولك... يا ريت راكي تسكني بحذايا... قسما بالله ما نخليك... ربي يفرج عليكم

ادا كانت مساعدة و ادا كان الادمن موافق لملا بالاتصال بنا و ايجاد طريقة للمساعدة.

[Sadjia-ikram]

المشاركة الأصلية كتبت بواسطة dalalboubou

ما لقيت ما نقولك... يا ريت راكي تسكني بحذايا... قسما بالله ما نخليك... ربي يفرج عليكم

و الله يا أختي مدابينا نسعدووهاا

[khawlita.dz]

المشاركة الأصلية كتبت بواسطة مشكلتي

السلام عليكم ورحمة الله وبركاته
راني نكتبلكم من دار جارتي وقريب نتفلق وهي ربي يجازيها الخير اللي تخفف عليا وقاتلي عليكم انا مانيش فاخمة كيفاه ندير مع خاوتي
انا بابا اتوفى عندو 7 سنين وما خلالنا والو يعني كان على قد خدمتو مسكين ربي يرحمو يوسع عليه كان راجل مليح بزااااااااااااااااااااااااااااااف دار الخير في الناس كامل والخير تاعو داه معاه
المهم انا عندي اختي مريضة مسكينة عندها ريتها وحدة ماتت والتانية قريب تنشف وراهي تتنفس ب la michine تاع الاكسجين مسكينة ماتخرج مادير والو وما مسكينةة مراة كبيرة وماتنجمش تخدم للناس بعد هاد العمر وانا خاوتي حبسوني من القراية في الثانية ثانوي ماعنديش حتى نيفو باك وماكملتش نقرا حتى باه نخدم عليهم قالك الطفلة مالازمش تقرا وتخرج من الدار وفوق هادا خاوتي في زوج مايخدموش قاعدين في الدار ويتشرطوا ديري هادي وماديريش هاديك ولوكان كاش خطرة ما يلقاوش الماكلة ينوضوا يخبطوا علينا ما مسكينة تظال تبكي يعني لا خدمة لا زدمة ويزيدوا يشرطوا العام ليفات كانوا رح يزوجوني دراع عليا من واحد اكبر منهم برك لانو عندو السوارد ويديو من عندو لوكان مادخلش الامام كنت درك راني في تعاسة وربي يشهد وربي يجازيهم الناس لوكان ماش هوما مانيش عايشين صح مانطلبوش مي ما ينساوناش يعني هوما اللي شراو لاختي la machine وهوما لي يسلكولها الجرعات تاع الدوا ويبعتلونا وش كتب ربي باه توكلها ما مليح مي لبارح خاوتي نادو يعيطو كي بعت جارنا الفطرة لينا قالولنا ونتوما علاه تقبلو وردوهم واتقابضوا مع ما حتى اختي المريضة نادت تبكي وقالت مانيش نطلب
بصح ما مسكينة ماكنتش رح تقبل يمدولها لوكان كاين منين توكل ولادها انا ماخلاونيش نقرا واختي مريضة وما كبيرة وهوما رجل فوق رجل ويشرطوا
قولولي برك كيفاه ندير

لا حول ولا قوة الا بالله العلى العظيم
لم اجد ما اقول

[صفــاء]

مــــــــــــــــا عسانا أن نقــــــــــول

وماعساك ان تفعلــــــــى أختــــــــى سوى الدعاء

اسأل الله الحي القيوم ان يفرج همك وييسر امرك

ويشفى أختك ويهدى اخوانك ويرزقك الزوج الصالح

ما بعد الشده الا فرج

[الشاعرة الناعمة]

أختاه أنصحك بسورة الواقعة يوميا بعد الفجر و المغرب فيرزقكم الله من حيث لا تحتسبون أما إخوتك فنصيحتي لك بالدعاء فإنه شفاء عظيم كوني موقنة أن الله سيجيب دعواك و عليك كذلك بسورة يس و البقرة و القرآن ككل ييسر العسر و ينير الظلمات و هو ربيع للقلب فالزميه توكلي على الله و أقترح عليك كذلك ان تعملي عملا ما في البيت كأن تصنعي الشخشوخة مثلا و تبيعينها أو تفتلي الكسكس أو الخياطة أو غير ذلك من الأعمال إن كان بوسعك و الله المستعان لا تنسي أن تستغفري أكثر من 70 مرة او 100 كل يوم فإن الله كان غفارا ومن يستغفره يرسل السماء عليه مدرارا و يمدده بأموال و بنين و يجعل له جنات و يجعل له أنهارا...و تضرعي إلى الله بأسمائه الحسنى يا رحمان يا رحيم يا رزاق يا مغني يا لطيف يا لطيف يا لطيف و الله المستعان

[~~نهال~~]

ربي يصبركم
هاذو مش خاوة
مايخدموش و يزيدو يتكسلو
اختي لو لقيتي خدمة بسيطة و لو مثلا تبيعي للحوانت مثلا حلويات او ااوراق ديول ديريها بلا ماتقوليلهم
كي يلقاو ماكلة مايهدروش مايسقسيو مهم فامهم يتعمرو
ربي يهديهم

[نجلاء السلفية]

لاحول ولاقوة الا بالله العظيم
فرج الله همكم يارب